Ifiso 1:18 - 阿美語聖經-新約附詩篇箴言

¹⁸ Milongoc haca kako to Kawas a papifohat to mata no faloco' namo, to sakafana'aw namo, o maan ko lalayapen a pafaloco'an to pitahidang Ningra i tamowanan, ato tadakadofah ko nihaydaan Ningra a sapafli to finawlan Ningra a dafong.

Ifiso 1:18 Iomraidhean Croise

'Olic 119:18

Nanay fohaten Iso ko mata ako, ta paka'araw kako to pakakmoday a so'lin no rikec Iso.

Matay 13:15

Nawhani foteken nonini a finawlan ko mata nangra. Do'engen nangra ko tangila nangra. Maorat ko faloco' nangra. Ano ^ca ka haen i, latek paka'araw ko mata nangra. Latek pakatngil ko tangila nangra. Latek mafana' ko faloco' nangra a pasasiyor a pasayni i Takowanan, ta maadah Ako cangra,> sanay.

Maroko 10:17

Yo romakat saho ci Yis i lalan i, ira a comikay a miraod ko ccay a tamdaw, pitosor sa i ka'ayaw Ningra a milicay, <> han ningra.

Luka 24:45

Orasaka, fawahen ni Yis ko faloco' nangra to sakafana'aw nangra to Fangcalay Cudad.

Dmak 16:14

Ira a mitngil ko ccay a nanitiraay i Tiyatira ci Litiya hananay a fafahiyan. O pacakayay cingra to maloloay a kiradom. O mita'ongay to Kawas a fafahiyan cingra. Mafohat no Tapang ko faloco' ningra saka, misongila' cingra a mitngil to sowal ni Pawlo.

Dmak 26:18

O mamifohat kiso to mata nangra. O papasasiyoren iso cangra nai to'manay a pasayra i ta^ngaday. O papasasiyoren iso cangra nai sakowan ni Satan a pasayni i Kawas. Ta pakayni i nipiti'er nangra i Takowanan ko sakahpol no raraw nangra ato sakapikapot nangra to finawlan no Kawas saan.>

Loma 11:29

Nawhani caay ka falic ko faloco' no Kawas to pakayniay i pipili' Ningra ato mikomi Ningra.

Loma 2:4

Latek o misakahmaway ko harateng iso to sini'ada ato nika kodait ato nipihadidi no Kawas. Caay ka fana' kiso saw to nika o sini'adaay ko Kawas a mangalay a mikrid tisowanan a papifalic to faloco' iso.

2 Korinto 4:4

Caay paso'lin cangra to Kawas, nawhani pohawen no kawakawas nonini a hkal ko faloco' nangra. Onini i, o saka^caaw paka'araw nangra to nipipatdi no Nga'ayay Ratoh i faloco' nangra to 'dil ni Kristo, o todong no faco no Kawas.

2 Korinto 4:6

<> yasanay a Kawas ko patdiay i faloco' ita to sakafana' ita to nika tadamaan Ningra o Kawas. Mahapinang konini i pising ni Yis Kristo.

Kalatiya 5:5

Nikawrira, kita sa i, mapadama no 'icel no Fangcalay 'Adingo ato pakayni i nipiti'er ita ci Kristoan. Saka, halamham sa ko faloco' ita a mitala to sakanga'ayaw ita a malayap no Kawas.

Ifiso 1:11

Saka, mato nipipali'ayaw no Kawas yo misanga' Cingra to hkal ko nipipili' titaanan a palafinawlan Ningra pakayni i nika laccay ita aci Kristo. Mado^do no masamaamaanay a dmak ko nafaloco'an no Kawas.

Ifiso 1:7

Pakayni i nika patay ni Kristo ko sakatdal ita a mapakonira ato sakahpol no raraw ita, o nano kadofahay a mikomi no Kawas konini.

Ifiso 2:12

Itiya i, awaay ko kihar namo ci Kristoan, masapapotalay no nipili'an no Kawas a finawlan kamo. Ano pakaynien i katatlekan ato niktonan no Kawas a sowal i, caay ka sa'osi kamo, awaay ko pafaloco'an i hkal, awaay ko Kawas.

Ifiso 3:16

Nanay o nano nika tadamaan no 'dil Ningra ato 'icel no Fangcalay 'Adingo ko sakaki^mel no faloco' namo.

Ifiso 3:8

Talacowa o sasafaay no polong no mitooray kako, nikawrira, mapalmed no Kawas kako. Saka, micidek ko nipipafli Ningra i takowanan to tayal. Onini i, o sapipatnakaw ako i roma a finacadan to caay ko mama^min a sowalen a tadamaanay a dmak ni Kristo.

Ifiso 4:1

Orasaka, pa'icel kako o marofoay to nano nika tayal ako to no Tapang a palimo'ot i tamowanan. Nanay mado^do namo i dmak ko nafaloco'an no mitahidangay i tamowanan a Kawas.

Ifiso 4:4

Nawhani ccay ko tireng, ccay ko Fangcalay 'Adingo, ccay ko patosokan no pitahidang no Kawas tamowanan a pafaloco'.

Ifiso 5:8

I ti:yaho i, i to'manay kamo. Anini sato i, malamitoorayto kamo to Tapang saka, i ta^ngadayto kamo. Orasaka, samatiyaen o i ta^ngaday a tamdaw ko dmak namo.

Filipi 3:14

Pasayra ko faloco' ako i patosokan a comikay to sapilayapaw to sapakaolah, oya nipitahidang no Kawas a panokay takowanan i kakarayan pakayni i ci Yis Kristoan.

Kolosay 1:12

sapikansiya namo to Wama a Kawas, nawhani paroceken no Wama a Kawas kamo to sakanga'ay a mikapot to mitooray itira i ta^ngaday a sakowan a milayap to nitrekan Ningra a dafong.

Kolosay 1:23

Orasaka, satanekteken ko nipiti'er namo a pararid a mitoor. Yo mitngil kamo to Nga'ayay Ratoh i ti:yaho i, irato ko pafaloco'an namo. Aka sawaden konini. Mapatnakto anini konini a Nga'ayay Ratoh i polong no tamdamdaw. Kako ci Pawlo ko matayalay a patnak tonini.

Kolosay 1:27

O nisahalakaan no Kawas i, o pipakafana' i finawlan Ningra to pakakmoday a dmak. Onini a pakakmoday a dmak hananay i, o nika maro' ni Kristo i faloco' namo. Ta pakayni tonini ko sakanga'ay namo a mikapot to Kawas i nika tadamaan Ningra. O saki kasafinacadan no hkal konini a tadamaanay, ci'dilay a pakakmoday a dmak.

Kolosay 1:5

Yo mapatnak i tamowanan i sa'ayaw ko Nga'ayay Ratoh to pakayniay i sowal no Kawas i, mahapinangto namo i Nga'ayay Ratoh ko malopafaloco'an namo. Ira i kakarayan konini. Onini a pafaloco'an ko sakapiti'er namo ato sakaciolah namo.

Kolosay 2:2

O sakasaan ako i, o sapa'icelaw ako to faloco' namo, ta malaccay ko faloco' namo a masasiolaolah, ta tanektek ko faloco' namo to nano nika so'lin no nika fana' namo, ta mafana' kamo to pakakmoday a dmak no Kawas. Ci Kristo ko nisowalan tonini a pakakmoday a dmak.

Kolosay 3:15

Ka o rihaday ni Kristo ko mamikowan to faloco' namo. Nawhani o sakapitahidang no Kawas tamowanan a palaccayto tireng namo i, o sakararihadayaw namo. Saka, kararid a mikansiya kamo.

1 Tisalonika 2:12

Pa'icelen, hinomen, palimo'oten niyam kamo to sakatatodongaw no dmak namo i nafaloco'an no Kawas, oya mitahidangay i tamowanan a papikapot to pikowan ato 'dil Ningra.

1 Tisalonika 5:8

Nikawrira, o no romi'ad a tamdaw kita saka, o nika sinanot ita ko nga'ay. O caca'dongen ita ko piti'er to Kawas ato olah a malasapatada i falohang. O romasato, o caca'dongen ita ko pafaloco'an a sapa'orip no Kawas a misakafong.

2 Tisalonika 1:11

Onini ko sakararid niyam a mitolon to saki tamowanan. Yo mitolon kami to Kawas i, nanay matatodong i niharatengan no mitahidangay tamowanan a Kawas ita kamo. Nanay pakayni i 'icel Ningra a malahci Ningra a ma^min ko nilongocan namo to sakanga'ay no pinangan namo ato dmak no nipiti'er namo Cingraan.

2 Tisalonika 2:16

Maolah ko Kawas i titaanan, pakaynien Ningra i mikomi Ningra a pafli i titaanan to mida'ocay a 'icel ato makapahay a kacifaloco'an. Nanay, mapaki^mel no Wama a Kawas ato Tapang ita ci Yis Kristo kamo,

1 Timoti 6:12

Samatiyaen o malalifetay a comikay ko faloco' iso a mitoor ci Kristoan. Alaen ko sapakaolah tisowanan a mida'ocay a 'orip. Onini ko patosokan no pitahidang no Kawas i tisowanan yo mipatalahkal kiso to nipipaso'lin iso i ka'ayaw no 'alomanay a minengnengay a tamdaw.

Titus 2:13

i tini i pitala ita to kahalamhaman ita a kalmedan a romi'ad, oya katalahkalan no tadamaanay a Kawas ato Pa'oripay titaanan a Yis Kristo.

Titus 3:7

Ta pakayni i mikomi Ningra a manga'ay kita a malayap no Kawas. Ta malamamilayap kita to kacifaloco'an ita a mida'ocay a 'orip.

Hipray 10:32

Haratengen ko iti:yaayho a dmak namo. Nawhani namapatdi no Kawas kamo i, adihay ko pades namo. Nikawrira, hadidi han namo konini.

Hipray 6:4

O sakasaan i, oya miliyasay to mo^celay a lalan hananay a tamdaw i, maanen nangra a misafa^loh a palisomad saw? o nano mapatdiayto no 'dil no Kawas cangra, pakapitanamayto to 'ardet no nai kakarayanay a rocek, pakalayapay haca to Fangcalay 'Adingo,

1 Pitiro 1:3

O aahowiden ita ko Kawas o Wama no Tapang ita ci Yis Kristo! Nawhani tadamaan ko adayay Ningra, saka, pakayni i kalomowad ni Yis Kristo a ma'orip nai patay, ta mapafli kita to fa^lohay a 'orip, ato saka ira no ma'oripay a pafaloco'an ita,

1 Pitiro 3:9

Aka ka o tatiihay ko sapaco'ay to tatiihay. Aka ka o pisamsam ko sapaco'ay to misamsamay tamowanan. Ka o pipalmed ko sapaco'ay namo. Nawhani o sapalmedaw tamowanan ko patosokan no nipitahidang no Kawas tamowanan.

1 Pitiro 5:10

I ikor no nika pades namo to pasamoay i, oya pafliay to polong no mikomi a Kawas, o mitahidangay a pakayni ci Kristo Yisan a malaccay a mida'oc a marihaked i ci'dilay a Kawas, o mamipalowad i tamowanan a pafli to 'icel ato tanoktokay a paranaan namo.