Ifiso 1:14 - 阿美語聖經-新約附詩篇箴言

¹⁴ Onini a Fangcalay 'Adingo ko kacipinangan ita to nika o mamalayap ita ko niktonan Ningra. O romasato, songila'en no Kawas a paini ko finawlan Ningra a mipakonira. O hahmeken ita ko nika tadamaan no 'dil no Kawas!

Ifiso 1:14 Iomraidhean Croise

'Olic 74:2

Nanay haratengenho Iso ko nipili'an Iso i ti:yaho a finawlan, o nipa'oripan Iso cangra, o no Misoto a finacadan cangra, nanay haratengenho ko nano kamaro'an Iso a Cion a lotok.

'Olic 78:54

Kriden Ningra cangra a patayra i fangcalay a pala Ningra, patayraen Ningra cangra i nialaan Ningra a lotok.

Luka 21:28

Ano irato konini a dmak i, kahalamham ko faloco' namo. Nawhani o a irato ko papa'orip tamowanan,>> han ni Yis.

Dmak 20:28

Orasaka, na'onen ko tireng namo. Haratengen ko masaflaway a siri namo. Nawhani o nipatirengan no Fangcalay 'Adingo kamo a palamamidipot cangraan. Saka, dipoten ko nipatirengan no Kawas a kiwkay, oya nano nipalanotirenganto no Kawas a sa'opo pakayni i nika patay no Wawa Ningra.

Dmak 20:32

<

Loma 8:23

Caay ko masanga'ay a maamaan a ccay ko mapadesay. Halo ita o milayapay to sa'ayaway a sapafli no Kawas a Fangcalay 'Adingo a tomangic ko faloco' a mitala to sakalawawaaw no Kawas to sakatdalaw no tireng.

1 Korinto 1:30

Nikawrira, o nano Kawas ko sakalaccay namo aci Yis Kristo. O nipatirengan no Kawas Cingra to malotaneng ita. Pakayni i Cingraan ko sakanga'ay ita a malayap no Kawas ato sakalafangcal ita ato sakatdal ita.

2 Korinto 1:22

Topaen Ningra kita to kacipinangan to nika o maloningrato kita. O romasato, paaro'en Ningra i faloco' ita ko Fangcalay 'Adingo. O kacipinangan konini to nika o mamalahci ko nisowalan Ningra a ma^min.

2 Korinto 5:5

O Kawas ko mipatalaay to sakanga'ay ita a mafalic. Cingra ko pafliay i titaanan to Fangcalay 'Adingo to malokacipinangan ita to nika o mamalahci ko nisowalan Ningra i titaanan a ma^min.

Kalatiya 4:6

O sapahapinangaw no Kawas to nika o wawato Ningra kita saka, ocoren no Kawas ko todong no tireng no Wawa Ningra a 'Adingo a papicomod i faloco' ita a papilkal <> titaanan.

Ifiso 1:11

Saka, mato nipipali'ayaw no Kawas yo misanga' Cingra to hkal ko nipipili' titaanan a palafinawlan Ningra pakayni i nika laccay ita aci Kristo. Mado^do no masamaamaanay a dmak ko nafaloco'an no Kawas.

Ifiso 1:12

Orasaka, kami o sa'ayaway a cifaloco' ci Kristoan ko papahmek to nika tadamaan no Kawas.

Ifiso 4:30

Aka pakararomen ko todong no tireng no Kawas a Fangcalay 'Adingo. Nawhani o nitopaanto no Kawas kamo to Fangcalay 'Adingo. Onini a Fangcalay 'Adingo ko kacipinangan to nika o aira ko pitdalan no Kawas tamowanan a romi'ad.

1 Pitiro 2:9

Nikawrira, o nipili'an a finacadan kamo. O no Hongtian a citodongay to ta'ong, o fangcalay a kitakit, o no Kawas a finawlan kamo. O mitahidangay Cingra i tamowanan a paliyas nai to'manay a patayra i ta^ngaday itira i kafahka'an a dmak Ningra. Ta pakayni i tamowanan a mapatnak ko tadamaanay a dmak no Kawas.