Ifiso 1:13 - 阿美語聖經-新約附詩篇箴言

¹³ Halo amo a mahaen, yo matngilto namo ko so'lin a ratoh, oya sapa'orip tamowanan a Nga'ayay Ratoh i, paso'lin sato kamo ci Kristoan, saka, paflien no Kawas kamo toya nihaydaan Ningra a Fangcalay 'Adingo, mala Ningra to a nitopaan kamo.

Ifiso 1:13 Iomraidhean Croise

'Olic 119:43

Nanay mapararid Iso kako a pasowal to so'linay a sowal, nawhani o rikec Iso ko pafaloco'an ako.

Luka 11:13

Talacowa o tatiitiihay a tamdaw kamo i, mafana' kamo a pafli i wawa namo to nga'ayay. Ano hatira i, mangalef ko no Wama i kakarayan a pipafli to Fangcalay 'Adingo i milongocay i Cingraan,>> han Ningra.

Luka 24:49

O a ocoren Ako a patayra i tamowanan ko niktonan no Wama Ako a sowal. Saka, kaitini kamo i niyaro' a mitala, tangasa i pilayapan namo to nai fafaeday a 'icel,>> han Ningra.

Yohani 1:17

Pakaynien no Kawas ci Mosian ko nipipafli i titaanan to Rikec. Nikawrira, pakayni ci Yis Kristoan ko saka ira no mikomi ato so'lin.

Yohani 14:26

Nikawrira, o papakafana' i tamowanan to polong no dmak koya a ocoren no Wama pakayni i ngangan Ako a Padamaay hananay a Fangcalay 'Adingo. Papiharatengen Ningra kamo to nano sowal Ako i tamowanan a ma^min.

Yohani 15:26

<

Yohani 3:33

I tini i pipakifaloco' no tamdaw to sowal Ningra a mahapinang ko nika o so'linay ko sowal no Kawas sanay.

Yohani 6:27

Aka ka tayal kamo to sapialaaw to mamalahdaw a kakaenen. O nika pisa'icel a matayal to sakaci'orip to mida'ocay ko nga'ay. Onini a kakaenen ko sapafli no Wawa no Tamdaw i tamowanan, nawhani matopaayto no Wama a Kawas ko Wawa no Tamdaw konini a dmak,>> han Ningra.

Dmak 1:4

Yo malakapotho cangra i, palimo'oten Ningra cangra, <

Dmak 13:26

<

Dmak 2:33

Mapacakatto ci Yis a mapaaro' i kawanan no Kawas. Milayap Cingra to nano nisowalan no Wama a Fangcalay 'Adingo, ta pafli i tamiyanan tonini. Onini koya ninengnengan, nitngilan namo i matini.

Loma 1:16

Caay ka ngodo kako a mipatnak to Nga'ayay Ratoh. Onini a Nga'ayay Ratoh i, o 'icel no Kawas a pa'orip to paso'linay a tamdaw a ma^min. O Yutaya a tamdaw ko sa'ayaway a mapatnak, ta o romato a finacadan.

Loma 4:11

I ikorto cingra a mido^do to krit a lisin. I tini i nika krit ningra a mahapinang ko nika o masa'osiayto no Kawas a malayap a palamo^celay cingra pakayni i nipiti'er ningra to Kawas i 'ayaw no nipido^do ningra to krit a lisin. Saka, ano pakaynien i no Kawasan ko nika somowal i, malamamato no masa'osiay no Kawas a milayap a tamdaw ci Apraham. Onini a tamdaw i, o caay ka krit a miti'eray ci Kristoan.

Loma 6:17

O aahowiden ko Kawas. Nawhani nano koli no raraw kamo i ti:yaho. Nikawrira, masarocodto ko faloco' namo anini a mitoor to nipasifana'an i tamowanan a sowal no Kawas.

2 Korinto 1:22

Topaen Ningra kita to kacipinangan to nika o maloningrato kita. O romasato, paaro'en Ningra i faloco' ita ko Fangcalay 'Adingo. O kacipinangan konini to nika o mamalahci ko nisowalan Ningra a ma^min.

2 Korinto 6:7

ato nipipasowal niyam to so'linay a ratoh ato 'icel no Kawas ko sapahapinang niyam to nika o matayalay no Kawas kami. O mo^celay ko todong no lalosidan niyam to sapatada ato sapilood to 'ada.

Kalatiya 3:14

O sakapihaen ni Kristo tonini a dmak i, o sapido^doaw no Kawas to nisowalan Ningra ci Aprahaman a mipakalmed to roma a finacadan pakayni ci Yis Kristoan. Ta pakayni i nipiti'er ita ci Kristoan ko sapilayap ita to nano nisowalan no Kawas a Fangcalay 'Adingo.

Ifiso 4:21

Nano matngilay namo ko pakayniay i Cingraan, malanisawawaan to Ningra, o mananamayto koya iraay i ci Yisan a so'lin.

Ifiso 4:30

Aka pakararomen ko todong no tireng no Kawas a Fangcalay 'Adingo. Nawhani o nitopaanto no Kawas kamo to Fangcalay 'Adingo. Onini a Fangcalay 'Adingo ko kacipinangan to nika o aira ko pitdalan no Kawas tamowanan a romi'ad.

1 Tisalonika 2:13

Yo patnak kami to sowal no Kawas i tamowanan i, mitngil kamo, paso'lin kamo. O sowal no Kawas konini, caay ko no tamdaw saan kamo. So'linay konini. O Kawas ko matayalay i tamowanan o paso'linay. Onini ko roma a sakararid niyam a mikansiya i Kawas.

2 Timoti 2:15

Pisa'icel i ka'ayaw no Kawas a malapakalowiday to salifet, o awaayay ko tatoro'en a matayalay, songila'en ko pitadtad to so'lin a ratoh.

2 Timoti 2:19

Nikawrira, tanektek ko nipatirengan no Kawas a paranaan a caay ka ngiyangi. Mato^to' a matilid i paranaan a fokloh koya, <> Mato^to' haca, <> sanay.

2 Timoti 3:15

Maharateng iso, nano ka^manganho iso a mafana' kiso to Fangcalay Cudad. Onini a Fangcalay Cudad ko pakafana'ay tisowanan a papiti'er i ci Yis Kristoan, ta mapa'orip kiso.

Titus 2:11

Nawhani mapatalahkalto no Kawas ko mikomi Ningra a pa'orip to polong no tamdaw.

Hipray 2:3

Mahaenay saka, ano satalifokilen ita ko tadamaanay a pipa'orip no Kawas i, samaanen ita ko piliyas to pitfoc no Kawas saw? O Tapang ko sa'ayaway a paratoh to pakayniay i pipa'orip Ningra. Ta o so'linay konini saan ko mitngilay a tamdaw. Mapahapinangto nangra i titaanan konini.

Yakop 1:18

O sakanga'ayaw ita a malasakakaay i tini i nisanga'an no Kawas a ma^min saka, do^doen Ningra ko nafaloco'an Ningra a mihofoc titaanan pakayni i so'lin a sowal.

Yakop 1:21

Orasaka, falahen ko kaackan a pinangan ato tatiihay a dmak a ma^min. Ka o misapo^neray ko faloco' namo a milayap to nipalomaan no Kawas i faloco' namo a sowal Ningra. Nawhani pakapa'oripay tamowanan konini a sowal.

1 Pitiro 2:10

Nano caayay ko finawlan no Kawas kamo i 'ayaw. Anini sa i, o finawlanto no Kawas kamo. Nano mafokilay kamo to sini'ada no Kawas i 'ayaw. Anini sa i, o mafana'ayto kamo to sini'ada no Kawas.

Pa'arawan 7:2

O romasato, ma'araw ako ko roma a ccay a coyoh. Masadak cingra nai wali a mitatoy to satopa no ma'oripay a Kawas. Lkal sa cingra a somowal toya mapatoroday to 'icel a papikari'ang to hkal ato riyar a saspatay a coyoh.