Hipray 8:3 - 阿美語聖經-新約附詩篇箴言

³ O sakapipatireng to sakakaay a citodongay to ta'ong hananay i, o mamipacakat cingra to sapaini ato sapato'aya i Kawas. Saka, caay ka ^ca ka o aira ko maan a sapacakat no sakakaay a citodongay to ta'ong ita.

Hipray 8:3 Iomraidhean Croise

Yohani 6:51

Kako koya ma^poday nai kakarayan a ma'oripay a ^pang. Ano komaen ko cimacima tonini a ^pang i, o mamida'oc cingra a ma'orip. O sapafli Ako i cingraan a ^pang hananay i, o hci Ako, o sakaci'orip no tamdamdaw konini,>> han ni Yis.

Loma 4:25

Mapatorod ci Yis i tamdaw, ta patayen nangra to nano raraw ita. Palowaden no Kawas Cingra a pa'orip nai patay to sakanga'ay ita a malayap no Kawas.

Loma 5:6

Yo tadancaho kita i, itiya a mapatay ci Kristo to saki ciraraway a tamdaw i nipatonekan no Kawas a romi'ad.

Loma 5:8

Nikawrira, yo cirarawho kita i, mapatay ci Kristo to saki titaanan. Onini ko sapahapinang no Kawas i titaanan to olah Ningra.

Kalatiya 2:20

Saka, caayto ka o kako ko ma'oripay i matini, ci Kristoto ko ma'oripay i faloco' ako. O nika 'orip ako anini i, o nano piti'er ako toya maolahay takowanan a kinafalah to tireng to saki takowanan a Wawa no Kawas.

Ifiso 5:2

Pahapinangen ko olah namo i masamaamaanay a dmak namo a matiya o nika olah ni Kristo i titaanan. Kinafalah Cingra to 'orip to saki titaanan a malafangsisay a sapacakat ato sapato'aya i Kawas.

Titus 2:14

Kinafalah ci Kristo to tireng to saki titaanan a malasapatfoc to sapipaliyasaw titaanan nai masamaamaanay a tatiihay ato sapikoracaw Ningra titaanan a palacidek a palafinawlan Ningra a pakalalok to nga'ayay a dmak.

Hipray 2:17

Orasaka, i tini i polong no dmak i, o mamilcalcad aca Cingra to salikaka Ningra. Ta nga'ay Cingra a malasini'adaay, malatati'eren nangra a sakakaay a citodongay to ta'ong a matayal to no Kawas to sakahpol no raraw no tamdamdaw.

Hipray 3:1

Kamo o matahidangay no Kawas a mitooray ci Kristoan a salikaka, o haharatengen namo ci Yis. O niocoran no Kawas Cingra a malatarokos ato Sakakaay Citodongay to Ta'ong a mipatalahkal to piti'er ita.

Hipray 5:1

O nipili'an nai tamdamdaw ko sakakaay a citodongay to ta'ong hananay. O nipatirengan cingra to mamalataypiyaw no tamdamdaw a matayal to no Kawas. O papacakat cingra to sapato'aya to sakahpol no raraw.

Hipray 7:27

O romaroma a sakakaay a citodongay to ta'ong i, caay ka ^ca pato'aya to romi'ami'ad to sakahpol no raraw no tireng, ta do^do sa i, o sakahpol no raraw no finawlan. Nikawrira, caay ka matira ko ni Kristo. Kinaccay aca Cingra a pato'aya. O tireng Ningra ko sapato'aya Ningra a milahci tonini a dmak.

Hipray 8:4

Ano i tiniayho Cingra i hkal i, kona caay ka o citodongay to ta'ong Cingra. Nawhani iraayto ko mido^doay to Rikec a pacakat to sapaini i Kawas a citodongay to ta'ong.

Hipray 9:14

ano hatira i, caay ka ikaka no nika adihay no nilahcian no rmes ni Kristo haw? Pakayni toya mida'ocay a 'Adingo, palamasongila'ayen Ningra ko tireng a malasapato'aya a mipacakat i Kawas. O rmes Ningra ko mikoracay to nga'ayay a faloco' ita, mipalasawad to maponi'ay a pinangan ita, ta malasakanga'ay ita a matayal to mida'ocay a ma'oripay a Kawas.