Hipray 5:2 - 阿美語聖經-新約附詩篇箴言

² Adihayay ko tadanca no tireng no sakakaay a citodongay to ta'ong, saka, damsay ko faloco' ningra a pa'ayaw to mafokilay ato moraraway a tamdaw.

Hipray 5:2 Iomraidhean Croise

Luka 22:32

Nikawrira, mitolon Kako to saki tisowanan to saka^caaw ka lasawad no piti'er iso to Kawas. Saka, ano pasasiyorto ko faloco' iso i, o papa'icelen iso ko faloco' no salikaka iso,>> han ni Yis.

2 Korinto 11:30

Ano o papasneng kako i, o nika tadanca ako ko papasnengen ako.

2 Korinto 12:5

O papasnengen ako ko pakayniay toya tamdaw. Nikawrira, o pakayniay i tireng ako i, deng o nika tadanca no tireng ako a ccay ko papasnengen ako.

Kalatiya 4:13

Mato nika fana' namo, o sakapipatnak to Nga'ayay Ratoh ako i tamowanan i sa'ayaw i, o nika adada no tireng ako.

Ifiso 4:18

Nawhani to'man ko faloco' nangra. O nika fokil ato nika 'atkak no faloco' nangra ko saka^ca pikihar nangra to nipipafli no Kawas to 'orip cangraan.

1 Timoti 1:13

Talacowa nano milokesay, o mikari'angay, o misamsamay kako i Cingraan, nikawrira, sini'ada ko Kawas takowanan. Nawhani caho pipaso'lin kako Cingraan itiya. Caay ka fana' kako to tatodong no nidmakan ako.

Hipray 12:13

Kararid a pakayra i mo^celay a lalan a romakat. Ta caay ka ngalef ko pi'iw no wa'ay iso. Ta maadahto ko wa'ay iso.

Hipray 2:17

Orasaka, i tini i polong no dmak i, o mamilcalcad aca Cingra to salikaka Ningra. Ta nga'ay Cingra a malasini'adaay, malatati'eren nangra a sakakaay a citodongay to ta'ong a matayal to no Kawas to sakahpol no raraw no tamdamdaw.

Hipray 2:18

Nano milifetay Cingra to pades a misemsem. Saka, ma^deng Cingra a padama anini to mapadesay a tamdaw.

Hipray 4:15

O no mita a sakakaay a citodongay to ta'ong i, caay ko mafokilay a miharateng to nika tadanca ita. I tini i masamaamaanay a dmak i, malcad ato kita Cingra a malifet. Nikawrira, caay ka raraw Cingra.

Hipray 7:28

Ano pakaynien i Rikec ni Mosi ko dmak i, mapatireng ko caay ka songila' a tamdaw a malasakakaay a citodongay to ta'ong. Nikawrira, i ikorayto no nika ira no Rikec a dmak no Kawas i, pakaynien no Kawas i niktonan a faloco' ato sowal ko nipipatireng to mida'ocay, masongila'ay a Wawa Ningra a palaSakakaay a Citodongay to Ta'ong.

Hipray 9:7

Nikawrira, deng o sakakaay a citodongay to ta'ong ko mamicomod toya Talo'an i aikoray no sapala'ed a kiradom a rawang. Ccay a mihca kinaccay aca cingra a micomod. Ano micomod cingra i, alaen ningra ko rmes a pacakat i Kawas to sakahpol no raraw no tireng ato sakahpol no kapatlacan no finawlan a raraw.

Yakop 5:19

Salikakaaw ako, ano ira i tamowanan ko miliyasay to so'lin a tamdaw, ano cima namo ko mikriday i cingraan a papipatatiko i,

1 Pitiro 2:25

Matiya o moraraway a siri kamo. Nikawrira, mapanokayto kamo anini i Midipotay ato Misimaway to salo'afang namo.