Hipray 4:2 - 阿美語聖經-新約附詩篇箴言

² Nawhani malcad ato cangra kita a mapatngil to Nga'ayay Ratoh. Nikawrira, caay ka ci^poc ko nipitngil nangra. Nawhani caay paso'linen nangra ko nitngilan nangra a sowal.

Hipray 4:2 Iomraidhean Croise

Dmak 13:46

Nikawrira, caay paska ci Pawlo aci Parnapas a somowal. <

Dmak 3:26

Orasaka, i 'ayawen no Kawas ko nipipatireng to matayalay Ningra a miocor i tamowanan. Onini i, o sapaliyasaw no Kawas tamowanan nai tatiihay a dmak namo, ta mapalmed Ningra kamo,>> han ni Pitiro.

Loma 2:25

Ano ma'imer kiso to Rikec i, ci^poc ko nipido^do iso to krit a lisin. Nikawrira, ano miliyang kiso to Rikec i, awaay ko ^poc no nipido^do iso to krit a lisin.

Loma 3:3

Nikawrira, ira i cangraan o Yutaya a tamdaw ko caay ka so'lin ko dmak. Saka, ano hatira i, caay ka so'lin ko dmak no Kawas saan kita haw?

1 Korinto 13:3

Ano ma^mi^min ko dafong ako a malasapalada', ano kinafalafalah kako to tireng ako a matodoh ano caay ka ciolah kako to tamdaw i, awaay ko ^poc no dmak ako.

Kalatiya 3:2

O nipilayap namo to 'Adingo no Kawas i, o nano pido^do namo to Rikec saw? Ano ^ca i, o nano pitngil namo a paso'lin to Nga'ayay Ratoh haw? Deng onini a ccay ko licay ako i tamowanan.

Kalatiya 3:8

Mapali'ayawto a mapahapinang i Fangcalay Cudad ko nika o nano piti'er ko sakapisanga' no Kawas to sakanga'ay no roma a finacadan a malayap Ningra saan. Saka, mapali'ayawto a mapatnak ko Nga'ayay Ratoh ci Apraham tonini. Sowal sa ko Kawas, <> saan.

Kalatiya 4:13

Mato nika fana' namo, o sakapipatnak to Nga'ayay Ratoh ako i tamowanan i sa'ayaw i, o nika adada no tireng ako.

1 Tisalonika 1:5

Nawhani o nipipatnak niyam i tamowanan to Nga'ayay Ratoh i, caay ko sowal a ccay. O nano 'icel niyam ato nano tayal no Fangcalay 'Adingo ato ci'icelay a pipaso'lin niyam konini. Mafana' kamo to nika masamaan ko dmak niyam yo itira kami i tamowanan. O sakaci^poc namo ko tayal niyam a ma^min.

1 Tisalonika 2:13

Yo patnak kami to sowal no Kawas i tamowanan i, mitngil kamo, paso'lin kamo. O sowal no Kawas konini, caay ko no tamdaw saan kamo. So'linay konini. O Kawas ko matayalay i tamowanan o paso'linay. Onini ko roma a sakararid niyam a mikansiya i Kawas.

1 Timoti 4:8

Ci^pocay to mamang ko piyatayat to tireng. Nikawrira, tadaci^poc i masamaamaanay a dmak ko nipipananam ita to faloco' to saki Kawas. Nawhani pakayni tonini a mapalmed ko i matiniay ato aira a 'orip ita.

Hipray 11:6

Ano caay piti'er to Kawas ko tamdaw i, caay pakapalipahak to Kawas cingra. Nawhani o miraoday to Kawas a tamdaw i, caay ka ^ca paso'lin to nika ira ko Kawas. O romasato, paso'lin cingra to nika o mipakaolahay ko Kawas to milongocay Cingraan a tamdaw.

Hipray 3:12

Salikakaaw, pina'on kamo. Latek ira i tamowanan ko tatiihay ko faloco', caay paso'lin to Kawas ta malamiliyasay cingra to ma'oripay a Kawas.

Hipray 4:6

Oya mitngilay to Nga'ayay Ratoh i sa'a:yaw i, caay paso'lin cangra saka, caay pacomoden no Kawas cangra i pasla'an. Nikawrira, ira ko romaroma to mamanga'ay a micomod toya nisowalan no Kawas a pasla'an.

Yakop 1:21

Orasaka, falahen ko kaackan a pinangan ato tatiihay a dmak a ma^min. Ka o misapo^neray ko faloco' namo a milayap to nipalomaan no Kawas i faloco' namo a sowal Ningra. Nawhani pakapa'oripay tamowanan konini a sowal.

1 Pitiro 1:12

Mapahapinang no Kawas i cangraan o iti:yaayho a pali'ayaway to sowal no Kawas ko nika caay ko saki cangraan ko tayal nangra. O saki tamowanan ko tayal nangra. Pakaynien no nai kakarayanay a Fangcalay 'Adingo i patnakay to Nga'ayay Ratoh ko nipipatngil i tamowanan tonini a dmak. Halocoyoh a mangalay a mihapinang tonini.