Hipray 3:1 - 阿美語聖經-新約附詩篇箴言

¹ Kamo o matahidangay no Kawas a mitooray ci Kristoan a salikaka, o haharatengen namo ci Yis. O niocoran no Kawas Cingra a malatarokos ato Sakakaay Citodongay to Ta'ong a mipatalahkal to piti'er ita.

Hipray 3:1 Iomraidhean Croise

'Olic 110:4

Caay ka falic ko niktonan no Tapang a sowal toya, <> sanay.

Yohani 17:3

Pakayni i nika fana' no tamdaw i Tisowanan o dengan a so'linay a Kawas ato nika fana' nangra ci Yis Kristoan o niocoran Iso ko saka ci 'orip nangra to mida'ocay.

Yohani 20:21

Sowal sa ci Yis i cangraan, <> han Ningra.

Yohani 20:27

Ta sowal sa ci Yis ci Tomasan, <> han Ningra.

Dmak 1:15

Nanoya, ma^deng smo'ot ira ko tosa a polo' (120) ko salikaka a masa'opo. Tomireng ci Pitiro a pasowal i cangraan,

Loma 11:17

Maktonto ko pinapina a ca'ang no olif a kilang, ta mapatongod itira toya kilang ko ca'ang no lifal a kilang. Malcad tonini a ca'ang no lifal kamo o roma a finacadan. Mikihatiyato kamo to Yutaya a tamdaw a makadofah ko 'orip namo.

Loma 15:27

O nafaloco'an nangra konini a dmak. O romasato, citodong cangra a milahci tonini a tayal. Tona o Yutaya a tamdaw ko palada'ay i roma a finacadan to sakalmed no 'adingo saka, o matatodongay ko nipihaen no roma a finacadan a mipadama to Yutaya a tamdaw.

Loma 15:8

Pasowal kako i tamowanan, o sapahapinangaw ni Kristo to nika o so'linay a tati'eren ko Kawas ato sakalahciaw no nisowalan no Kawas i tato'asan ita saka, malakoli no Yutaya a tamdaw Cingra.

Loma 9:24

Kita koya nipili'an no Kawas a tamdaw nai Yutaya a tamdaw, nai roma a finacadan to malofinawlan Ningra.

1 Korinto 1:2

patilid to i Korintoay a kiwkay no Kawas. Kamo ato milongocay to ngangan no Tapang ita ci Yis Kristoan a tamdaw. I ci Kristo Yisan malcaday o nipili'an kamo to mamalomitooray, o no Kawas to kamo. O Tapang nangra ci Kristo, o Tapang ita.

1 Korinto 10:17

Tona mapolong kita a ma^min a komaen to ccay a 'aplad no ^pang saka, ano 'alomaloman kita a komaen i, o ccayay a 'aplad a ^pang ko nikaenan ita saka, o ccayay a tatirengan kita.

1 Korinto 9:23

O sakatnak no Nga'ayay Ratoh ko polong no dmak ako. Ta pakayni i Nga'ayay Ratoh a mikihatiya a pakalayap ko tamdamdaw to sakalmed.

2 Korinto 1:7

Caay ka falic ko pipaso'lin niyam to 'icel no Kawas a midipot tamowanan. Mafana' kami to nika matiya o nipikapot namo i tamiyanan a mapades ko nipikapot namo i tamiyanan a mahinom.

2 Korinto 9:13

Onini a nga'ayay a dmak o ccay no wacay, to sakafana' no 'alomanay a tamdaw to pihaklong namo ci Kristoan, ato nika so'lin no faloco' namo a mido^do to nipatnakan a Nga'ayay Ratoh, halipalada' haca to pakoyocay a tamdaw, ta mipa'dil cangra to Kawas.

Ifiso 3:6

O tatodong nonini a pakakmoday a dmak i, pakayni i Nga'ayay Ratoh a mapalakapot ko roma a finacadan ato Yutaya a tamdaw a mapalmed no Kawas. O ca'angto no ccay a tireng cangra. O romasato, malcad cangra a milayap to niktonan no Kawas a sowal pakayni ci Kristo Yisan a malahci.

Ifiso 4:1

Orasaka, pa'icel kako o marofoay to nano nika tayal ako to no Tapang a palimo'ot i tamowanan. Nanay mado^do namo i dmak ko nafaloco'an no mitahidangay i tamowanan a Kawas.

Ifiso 4:4

Nawhani ccay ko tireng, ccay ko Fangcalay 'Adingo, ccay ko patosokan no pitahidang no Kawas tamowanan a pafaloco'.

Filipi 3:14

Pasayra ko faloco' ako i patosokan a comikay to sapilayapaw to sapakaolah, oya nipitahidang no Kawas a panokay takowanan i kakarayan pakayni i ci Yis Kristoan.

Kolosay 1:12

sapikansiya namo to Wama a Kawas, nawhani paroceken no Wama a Kawas kamo to sakanga'ay a mikapot to mitooray itira i ta^ngaday a sakowan a milayap to nitrekan Ningra a dafong.

Kolosay 1:22

Nikawrira, anini sato i, pakaynien no Kawas i nika patay no cihciay a tireng no Wawa Ningra, ta palali'ayen no Kawas Cingra ato kamo a malawidang, onini i, o sakakoracaw namo i ka'ayaw Ningra, ta awaay ko tatoro'en a raraw namo a masongila'.

Kolosay 3:12

Maolah ko Kawas i tamowanan, pili'en Ningra kamo a malafinawlan Ningra. Saka, ka o adayayay, o sini'adaay, o misapo^neray, o damsayay, o kodaitay ko faloco' namo.

1 Tisalonika 2:12

Pa'icelen, hinomen, palimo'oten niyam kamo to sakatatodongaw no dmak namo i nafaloco'an no Kawas, oya mitahidangay i tamowanan a papikapot to pikowan ato 'dil Ningra.

1 Tisalonika 5:27

O nano 'icel no Tapang ko sapalimo'ot ako i tamowanan. Asipen a patngil i salikaka a ma^min konini a tilid.

2 Tisalonika 1:11

Onini ko sakararid niyam a mitolon to saki tamowanan. Yo mitolon kami to Kawas i, nanay matatodong i niharatengan no mitahidangay tamowanan a Kawas ita kamo. Nanay pakayni i 'icel Ningra a malahci Ningra a ma^min ko nilongocan namo to sakanga'ay no pinangan namo ato dmak no nipiti'er namo Cingraan.

2 Tisalonika 2:14

Orasaka, pakaynien no Kawas i nipatnakan niyam a Nga'ayay Ratoh ko pitahidang i tamowanan. Onini i, o sapapikapotaw Ningra tamowanan to nika tadamaan no Tapang ita ci Yis Kristo.

1 Timoti 6:12

Samatiyaen o malalifetay a comikay ko faloco' iso a mitoor ci Kristoan. Alaen ko sapakaolah tisowanan a mida'ocay a 'orip. Onini ko patosokan no pitahidang no Kawas i tisowanan yo mipatalahkal kiso to nipipaso'lin iso i ka'ayaw no 'alomanay a minengnengay a tamdaw.

1 Timoti 6:2

Ano o paso'linay ci Kristoan ko tapang no koli i, o salikaka ito ko tapang ako, caay ko sasaan ko koli a misakahmaw to tapang ningra. O nika lalok nangra a matayal ko nga'ay. Nawhani, o kaolahan nangra a paso'linay ci Kristoan a tamdaw ko milayapay to nano nitayalan nangra. Onini a dmak ko papasifana'en ato papa'icelen iso.

2 Timoti 1:9

O nipa'oripan no Kawas kita a mitahidang a palafinawlan Ningra. Caay ko nano nga'ayay a dmak ita konini, o nano nafaloco'an no Kawas ato mikomi Ningra. Pakaynien no Kawas i ci Yis Kristoan i 'ayaw no nika sanga' no hkal ko pipafli i titaanan tonini a mikomi.

2 Timoti 2:7

Haratengen ko sowal ako i tisowanan. Nawhani o papakafana' ko Tapang tisowanan to polong no masamaamaanay a dmak.

Hipray 10:19

Orasaka, salikakaaw, pakayni i nika patay ni Yis ko saka^cato ka paska ita a micomod to Safangcalay a Kaitiraan.

Hipray 10:21

Ira ko no mita a mikowanay to loma' no Kawas a tadamaanay a Citodongay to Ta'ong.

Hipray 10:23

O so'linay a piti'eran ita ko miktonay to sowal a Kawas. Saka, aka ka ngyangi ko faloco' ita. Aka pisawad kita a miharateng to nipatalahkalan ita a kacifaloco'an.

Hipray 13:22

Salikakaaw, caay ka hakowa ko nitilidan ako. Tngilen haw konini a pipa'icel ako i tamowanan.

Hipray 2:11

Koracen ni Yis ko raraw no tamdaw saka, o ccayay ko Mama Ningra o mikoracay ato nikoracan Ningra a tamdaw. Saka, caay ka ngodo ci Yis a o salikaka han Ningra cangra.

Hipray 2:17

Orasaka, i tini i polong no dmak i, o mamilcalcad aca Cingra to salikaka Ningra. Ta nga'ay Cingra a malasini'adaay, malatati'eren nangra a sakakaay a citodongay to ta'ong a matayal to no Kawas to sakahpol no raraw no tamdamdaw.

Hipray 3:12

Salikakaaw, pina'on kamo. Latek ira i tamowanan ko tatiihay ko faloco', caay paso'lin to Kawas ta malamiliyasay cingra to ma'oripay a Kawas.

Hipray 3:14

Ano tahira i pahrekan ko nika 'imer ita toya sa'ayaway a tanektekay a faloco' ita a miti'er i, o kapotto ni Kristo kita.

Hipray 6:20

Malasa'ayaway no mita ci Yis a micomod itira a malataypiyaw ita a matayal. O mido^doay Cingra ci Milikicitikan a mida'oc a malaSakakaay a Citodongay to Ta'ong.

Hipray 7:26

O matiniay a Sakakaay a Citodongay to Ta'ong ko tadakakalimlaan i titaanan. Nawhani o fangcalay, o awaay ko patlac, o awaay ko raraw, o micidekay to ciraraway a tamdaw, o mapacakatayto i fafaed no kakarayan Cingra.

Hipray 7:28

Ano pakaynien i Rikec ni Mosi ko dmak i, mapatireng ko caay ka songila' a tamdaw a malasakakaay a citodongay to ta'ong. Nikawrira, i ikorayto no nika ira no Rikec a dmak no Kawas i, pakaynien no Kawas i niktonan a faloco' ato sowal ko nipipatireng to mida'ocay, masongila'ay a Wawa Ningra a palaSakakaay a Citodongay to Ta'ong.

Hipray 9:11

Nikawrira, irato ci Kristo anini a malaSakakaay a Citodongay to Ta'ong a matayal to no talahkalayto a nga'ayay a dmak. Caay ko nano nisanga'an no tamdaw ko katayalan Ningra, oya tata'angay a masongila'ay a Talo'an. Caayay ko no i tiniay i hkal a masanga'ay a tatodong.

Hipray 9:15

Orasaka, ci Kristo ko malapakayakayay to fa^lohay a katatlekan. Ta manga'ay ko nitahidangan no Kawas a tamdaw a milayap to nano nisowalan no Kawas a mida'ocay a sapalmed. O sakaira no katatlekan a dmak i, o nika patay no ccay a tamdaw. Ta pakayni i nika patay noya tamdaw ko sakatdal no raraw no makowanay no i 'ayaway a katatlekan.

1 Pitiro 2:9

Nikawrira, o nipili'an a finacadan kamo. O no Hongtian a citodongay to ta'ong, o fangcalay a kitakit, o no Kawas a finawlan kamo. O mitahidangay Cingra i tamowanan a paliyas nai to'manay a patayra i ta^ngaday itira i kafahka'an a dmak Ningra. Ta pakayni i tamowanan a mapatnak ko tadamaanay a dmak no Kawas.

1 Pitiro 3:5

O no iti:yaayho a pasayraay i Kawas a makoracay ko faloco' a fafahiyan i, mahaen ito ko nika ^res nangra a mihaklong to fa'inay nangra.

1 Pitiro 5:1

Orasaka, pa'icelen ako kamo o ciwlo no sa'opo. Nawhani o sakalcad namo a o ciwlo kako. O pawacayay kako to nipisemsem ni Kristo. O romasato, o mamikapot kako Cingraan i katalahkalan no 'dil Ningra.

1 Pitiro 5:10

I ikor no nika pades namo to pasamoay i, oya pafliay to polong no mikomi a Kawas, o mitahidangay a pakayni ci Kristo Yisan a malaccay a mida'oc a marihaked i ci'dilay a Kawas, o mamipalowad i tamowanan a pafli to 'icel ato tanoktokay a paranaan namo.

1 Yohani 1:3

O sakapiparatoh niyam i tamowanan to nano ma'araway ato nano matngilay no niyam i, o sakalaccayaw ita. O nika laccay ita hananay i, o nika laccay ita ato Wama ato Wawa Ningra ci Yis Kristo.

Yuta 1:1

O koli ni Yis Kristo, o salikaka ni Yakop ci Yuta kako. Patilid kako i tamowanan o kaolahan no Wama a Kawas, o madipotay ni Yis Kristo a matahidangay no Kawas a tamdamdaw.

Pa'arawan 17:14

O mamilood caira to Tofor a Siri, nikawrira, o mamalowid noya Tofor a Siri caira. Nawhani o Tapang no tapatapang, o Hongti no hongtingti Cingra. O nipili'an ato so'linay a mitooray i Cingraan a tamdamdaw i, o papakalowid ito,>> saan.

Pa'arawan 18:20

Ira ko sowal, <> saan.