Hipray 2:7 - 阿美語聖經-新約附詩篇箴言

⁷ I safaayho no coyocoyoh to miming ko pisanga' Iso cingraan. Mapafli Iso cingra to ma'dilay ato tadamaanay to malotamohong ningra.

Hipray 2:7 Iomraidhean Croise

'Olic 8:5

'Arawhani, i safaay no Kawas to miming ko pisanga' Iso cingraan. Mapafli Iso cingra to ma'dilay ato tadamaanay to malotamohong ningra.

'Olic 8:6

Papikowanen Iso cingra to nisanga'an Iso a ma^min, tlien Iso i la^no no saripa' ningra ko kalomaamaan,

Loma 2:10

Nikawrira, o nga'ayay ko dmak a tamdaw a ma^min i, o mamala tadamaanay, o cacirihaday cangra. I 'ayaw ko Yutaya a tamdaw, ta ikor i, o romato a finacadan a mapalmed.

Loma 2:7

O romaroma a tamdaw i, misa'icel to nga'ayay a dmak. Milongoc cangra i Kawas to sakatadamaanaw ato sakaci'oripaw nangra to mida'ocay. O matiniay a tamdaw i, o mamapafli no Kawas cangra to mida'ocay a 'orip.

1 Timoti 1:17

Nanay caay ka citolas a mata'ong a mapahmek ko mida'ocay a Hongti oya caay ko mamapohed, caay ka 'araw a dengan a Kawas! Amin.

Hipray 2:9

Nikawrira, ma'araw ita ci Yis i, pacna' Cingra a isafa no coyoh ko 'orip Ningra. Onini i, o sapatalahkalaw Ningra to mikomi no Kawas a mapatay to saki polong no tamdaw. Nano misemsemay Cingra a mapatay saka, ma'araw ita anini ko nipipalatadamaan no Kawas i Cingraan.