Hipray 2:2 - 阿美語聖經-新約附詩篇箴言

² Nawhani mahapinangto ko nika o so'linay ko nipatnakan no coyocoyoh i titaanan a sowal. Saka, malayapto no miliyangay to rikec ato caay pihaklong toya sowal a tamdaw ko tatodong nangra a tfoc.

Hipray 2:2 Iomraidhean Croise

'Olic 68:17

Kriden no Kawas ko pinapina a 'ofad a sapilood a paliding nai Sinay a tokos a micomod i Fangcalay Kaitiraan.

Dmak 7:53

Malayapto namo ko nipatorodan no coyoh a rikec no Kawas. 'Arawhani, caay pido^do kamo tonini!>> han ningra.

Kalatiya 3:19

Ano hatira i, o maan ko patosokan no Rikec? O sapahapinangaw to raraw saka, patooren no Kawas to Rikec ko katatlekan. Nikawrira, tahira aca i kairaan noya nisowalan no Kawas a tloc ni Apraham ko sa'osi no Kawas tonini a Rikec. Pakaynien no coyoh i ccay a pakayakayay a tamdaw ko nipipatorod tonini a Rikec.

Hipray 1:1

I ti:yaho i, pakaynien no Kawas i pali'ayaway to sowal Ningra a tamdaw ko nipipasowal i tato'asan ita. Kinapinapi:nato Cingra a misaromaroma to pakayraan a pasowal i cangraan.

Hipray 10:28

O miliyangay to Rikec ni Mosi a tamdaw i, caayto ko kakaadayayen. Ano mapastekto i raraw to nano nipipawacay no tatosa tatolo a tamdaw i, o papatayen koya tamdaw, caay ko sasololen.

Hipray 10:35

Orasaka, aka sawaden ko cicdiay a faloco' namo. Ano hatini ko faloco' namo i, caay ka ^ca ka mapakaolah kamo.

Hipray 11:26

O nika tongangan ako to nano pitoor ako to Misiya ko nga'ay to nika cidafong ako to tadamaanay a dafong no Icip saan cingra. Nawhani pasayra i aira a sapakaolah ko faloco' ningra.

Hipray 11:6

Ano caay piti'er to Kawas ko tamdaw i, caay pakapalipahak to Kawas cingra. Nawhani o miraoday to Kawas a tamdaw i, caay ka ^ca paso'lin to nika ira ko Kawas. O romasato, paso'lin cingra to nika o mipakaolahay ko Kawas to milongocay Cingraan a tamdaw.

Hipray 12:25

Pina'on kamo. Latek malama'osiay kamo a mitngil to sowal no pasowalay. Nawhani o ma'osiay a mitngil to sowal no pasowalay to sowal no Kawas i tini i hkal i, awaay ko pakayraan nangra a miliyas to tfoc. Ano misiikor kita to nai kakarayanay a pasowalay i, mangalef ko nika awato no pakayraan ita a miliyas.

2 Pitiro 1:19

Orasaka, matongal ko nika tanektek no faloco' niyam a paso'lin to nano sowal no iti:yaayho a pali'ayaway to sowal no Kawas. O nika 'imer namo tonini a sowal ko nga'ay. Nawhani matiya o dawdaw konini a pata^ngad to to'manay tangasa i kaniharan noya romi'ad. Itiya i, o mamasadak ko sapata^ngad a fo'is a pa'dil to faloco' namo.

Yuta 1:5

Pa'oripen no Tapang ko finawlan no Israil a paliyas nai Icip. Nanoya, tkopen Ningra ko caay paso'lin a tamdamdaw. Kafana'anto namo konini. Nikawrira, mangalay kako a papiharateng tamowanan tonini.