Hipray 13:3 - 阿美語聖經-新約附詩篇箴言

³ Kihatiyaen ko faloco' no marofoay a tamdaw a miharateng. Kihatiyaen ko faloco' no misemsemay a tamdaw. Nawhani malcaday kita ato cangra a citireng.

Hipray 13:3 Iomraidhean Croise

Matay 25:36

Yo mawacay Kako i, pariko' kamo i Takowanan. Yo adada Kako i, miliso' kamo i Takowanan. Yo marofo Kako i, tayra kamo i Takowanan,> wa han Ningra.

Matay 25:43

Yo palafang Kako i, caay papilafin kamo i Takowanan. Yo mawacay Kako i, caay pariko' kamo i Takowanan. Yo adada Kako, yo marofo Kako i, caay piliso' kamo i Takowanan,> wa han Ningra.

Dmak 24:23

Ta palimo'oten ningra ko kakridan no sofitay a papisimaw ci Pawloan, aka paliten cingra, aka lalangen ko nipiliso' no widawidang ningra a paini cingraan, han ningra.

Dmak 27:3

Cilasato a romi'ad i, micafer kami i Siton. Sanga'ayen ni Yuliyus ko nipidipot ci Pawloan saka, haydaen ningra ko nika tayra ni Pawlo a miliso' to widang ningra ato nipihalhal nangra ci Pawloan.

Loma 12:15

Kihatiyaen a malipahak ko lipahakay a tamdaw. Kihatiyaen a tomangic ko tomangicay a tamdaw.

1 Korinto 12:26

Ano mapades ko ccay a ca'ang i, mapades ito ko polong no ca'ang. Ano makahmek ko ccay a ca'ang i, lipahak a ma^min ko ca'ang.

Ifiso 4:1

Orasaka, pa'icel kako o marofoay to nano nika tayal ako to no Tapang a palimo'ot i tamowanan. Nanay mado^do namo i dmak ko nafaloco'an no mitahidangay i tamowanan a Kawas.

Kolosay 4:18

O mitiliday tonini a salicay i, kako ci Pawlo. <> Haratengen ko nika palit ako i pirofoan! Nanay, mapaini no Kawas kamo to mikomi.

Hipray 10:34

Milalen kamo to marofoay a tamdaw a mapades. O romasato, yo ma'afas a ma^min ko dafong namo i, lipahak kamo. Nawhani mafana' kamo to nika iraho ko ikakaay nonini a mida'ocay a malodafong namo.

Hipray 11:37

matkol to fokloh a mipatay, marosaros a makalitosa, patayen to fonos. Ciriko' cangra to falako no lalifanohen a siri ato siri a misarakarakat. O malapakoyocay, o makari'angay, o masamsamay cangra.

1 Pitiro 3:8

Saikoray a sowal ako i, palaccayen ko faloco' namo a masasipa'ayaw. Kasasiolah kamo o salikaka. Kasasini'ada'ada kamo. Kasasingodongodo ko faloco' namo.