Hipray 13:2 - 阿美語聖經-新約附詩篇箴言

² Aka pitawal a misanga'ay a mihamham to lafang. Nawhani o romaroma a mihaenay to lafang a tamdaw i, o coyoh ko nihamhaman nangra. Caay ka fana'en nangra konini.

Hipray 13:2 Iomraidhean Croise

Matay 25:35

Nawhani yo macahiw Kako i, pafli kamo to kakaenen i Takowanan. Yo maso'aw Kako i, pananom kamo i Takowanan. Yo palafang Kako i, papilafin kamo i Takowanan.

Matay 25:40

Itiya i, o papasowal koya Hongti, wa han Ningra.

Matay 25:43

Yo palafang Kako i, caay papilafin kamo i Takowanan. Yo mawacay Kako i, caay pariko' kamo i Takowanan. Yo adada Kako, yo marofo Kako i, caay piliso' kamo i Takowanan,> wa han Ningra.

Dmak 16:15

Ta mapaino' cingra ato paro no loma' ningra. Ikor i, milongoc cingra i tamiyanan, <> saan cingra a mifo'ot i tamiyanan.

Loma 12:13

Padamaen ko cango'otay a salikaka. Palada'en cangra. Sanga'ayen ko pihamham to lafang.

Loma 16:23

Nga'ayho saan i tamowanan ci Kayus o pilafinan ako a loma'. O kasa'opoan no kiwkay ko loma' ningra. Nga'ayho saan i tamowanan ci Irastus o citodongay a mikowan to payso no niyaro'. Nga'ayho saan i tamowanan ko salikaka ita ci Kuartus.

1 Timoti 3:2

O mamalakakridan no kiwkay i, ka o awaay ko tatoro'en a raraw ningra, o ccayay ko fafahi, o mina'onay, o paka'metay to tireng, o masatamdaway ko dmak, o halilafangay, o mafana'ay a pasifana',

1 Timoti 5:10

O mahapinangay ko nika nga'ay no lihaf a fafahiyan, o mafana'ay a midipot to wawa ningra, o halilafangay, o misawsaway to wa'ay no mitooray, o mipadamaay to mapadesay a tamdaw, o malalokay a matayal to masamaamaanay a nga'ayay a dmak ko tatiliden.

Titus 1:8

o halilafangay, o maolahay to nga'ayay, o mina'onay, o mo^celay, o fangcalay, o paka'metay to tireng ko mamalokakridan.

1 Pitiro 4:9

Kasasihamham kamo. Aka ka ngaliwngiw.

3 Yohani 1:5

Kaolahan ako a salikaka, so'linay ko dmak iso a malalok a matayal to saki palafangay a salikaka.