Hipray 10:1 - 阿美語聖經-新約附詩篇箴言

¹ O Rikec i, o pasamo aca to aira a tadamakapahay a dmak, caay ko tadatireng nora dmak ko Rikec. Saka, mararid a mapacakat to mihcahcaan ko malcaday a sapato'aya. Nikawrira, caay pakasongila' to miraoday to Kawas a tamdaw konini.

Hipray 10:1 Iomraidhean Croise

Hipray 8:5

O pasamoay to no i kakarayanay a Talo'an ko tayal nangra a citodong to ta'ong. Mahaen ito ko ni Mosi, yo tala'ayaw cingra a misanga' to Talo'an i, palimo'oten no Kawas cingra a pasowal, <> saan.

Hipray 9:11

Nikawrira, irato ci Kristo anini a malaSakakaay a Citodongay to Ta'ong a matayal to no talahkalayto a nga'ayay a dmak. Caay ko nano nisanga'an no tamdaw ko katayalan Ningra, oya tata'angay a masongila'ay a Talo'an. Caayay ko no i tiniay i hkal a masanga'ay a tatodong.

Kolosay 2:17

O matiniay a dmak i, o pa'ayaway aca to aira a dmak no Kawas. Nikawrira, o so'linay a tatirengan i, ira i ci Kristoan.

Hipray 9:23

Onini a lalosidan a ma^min i, o tinako aca to malolalosidan i kakarayan. Saka, caay ka ^ca haenen nangra ko lisin a mikorac tonini. Nikawrira, o no i kakarayanay a lalosidan i, caay ka ^ca o tadaikakaay nonini a sapato'aya ko sapikorac.

Hipray 9:25

Caay ko sapisaliyaliyawaw ni Kristo a pacakat to tireng ko sakapicomod Ningra. Caay ka matiya o no Yutaya a tamdaw a sakakaay a citodongay to ta'ong Cingra a mitatoy to rmes no pina'orip a micomod to mihcahcaan i Safangcalay a Kaitiraan.

Loma 8:3

Tadanca ko tireng ita. Saka, caay pakalahci ko Rikec ni Mosi a miliyaw to pinangan ita. Nikawrira, o Kawas ko milahciay tonini a dmak. Ma'osi ko Kawas to pinangan no tamdaw. Saka, i tinien Ningra i niocoran Ningra a Wawa ko pipahapinang a mipastek i raraw to pinangan no tamdaw. Orasaka, matiya sa o ciraraway ko pinangan no Wawa Ningra. Onini i, o sapipalasawadaw Ningra to raraw.

Hipray 7:11

O mirikecay to finawlan ko tayal no citodongay to ta'ong a Lifi a tamdaw. Saka, mapafli i finawlan no Israil ko Rikec. Ano masongila'ay ko tayal noya citodongay to ta'ong a Lifi i, kona ma^deng ko tloc ni Aron a matayal tonini, kona caay to ka palowad ko mido^doay to tayal ni Milikicitik a roma a citodongay to ta'ong.

Hipray 10:22

Orasaka, o nano ma'oningay a faloco' ita i, makoracto. Masawsawayto ko tireng ita to tingalaway a nanom. Saka, ka o so'linay a faloco' ita ato tanektekayto a piti'er to Kawas ko sapiraod ita i Cingraan.