Hipray 1:4 - 阿美語聖經-新約附詩篇箴言

⁴ O ikakaay no coyoh ko ngangan nona Wawa, matiya mipaflian no Kawas Cingraan to ikakaay no coyoh a tadamaanay a ngangan.

Hipray 1:4 Iomraidhean Croise

Ifiso 1:21

Itira i, mikikaka ko pikowan ni Kristo to polong no i kakarayanay a tatiihay a palafoay a mikowanay ato cisakowanay ato mikomoday ato tapatapang. Ano o aniniayto a hkal, ano o a irato a hkal i, o sakakaay no polong no cinganganay a mikowanay Cingra.

Kolosay 1:18

O fongoh no tatirengan Cingra, o Tapang no kiwkay. O tatapangan no fa^lohay a 'orip Cingra. O fisac a Wawa Cingra. O sa'ayaway a lomowad a ma'orip nai patay Cingra, onini ko saka malasakakaay Cingra i polong no maamaan.

Kolosay 2:10

Pakayni i nika laccay namo aci Kristo ko saka malayap haca namo ko kadofahay a 'orip. O Tapang Cingra, ikaka no mikowanay ato cisakowanay a kawakawas Cingra.

2 Tisalonika 1:7

O hahdalen Ningra kamo o mapadesay a tamdaw. Halo ami a matdalay Ningra. Itiya ano malahaklong ko Tapang ci Yis ato ci'icelay a coyocoyoh Ningra a pa'araw Cingra i marengrengay a namal nai kakarayan a milahci tonini.

Hipray 1:9

O maolahay Kiso to mo^celay, mi'intel Kiso to tatiihay, saka o Kawas iso ko mipili'ay i tisowanan, papalipahaken Ningra kiso to ikakaay no tao a lipahak,>> saan

Hipray 12:17

Mafana' kamo, nanoya, yo mangalay cingra a milayap to sapalmed no mama ningra i, mawanikto cingra. Ano tomangimangic cingra a mingitangit i, awaayto ko pakayraan ningra a mifalic to nidmakan ningra.

Hipray 2:9

Nikawrira, ma'araw ita ci Yis i, pacna' Cingra a isafa no coyoh ko 'orip Ningra. Onini i, o sapatalahkalaw Ningra to mikomi no Kawas a mapatay to saki polong no tamdaw. Nano misemsemay Cingra a mapatay saka, ma'araw ita anini ko nipipalatadamaan no Kawas i Cingraan.

1 Pitiro 3:22

Talakakarayanto ci Yis Kristo a maro' i kawanan no Kawas imatini, kowanen Ningra ko coyocoyoh ato mikowanay i kakarayan ato cisakowanay a ma^min.