Filipi 4:6 - 阿美語聖經-新約附詩篇箴言

⁶ Aka ka rawraw ko faloco' namo to maamaan a dmak. I masamaamaanay a dmak i, pitolon kamo. Pakaynien i nipiahowid no faloco' namo ko pipatalahkal to ngangitangiten namo i Kawas a milongoc.

Filipi 4:6 Iomraidhean Croise

'Olic 51:15

Tapangaw, nanay fawahen Iso ko ngoyos ako, ta pahmek kako i Tisowanan.

'Olic 55:17

Ano o dafakto, ano o kalahokanto, ano o dadayato i, mararid kako a pa'ading to rarom no faloco' ako, caay ka ^ca tngilen Ningra.

'Olic 55:22

O papatoroden iso i Tapang ko kartengay a 'inorong iso, caay ka ^ca padamaen Ningra kiso, caay pihayda Cingra to nika tfad no mo^celay a tamdaw.

'Olic 62:8

Kamo o finawlan ako, kararid a miti'er to Kawas, patalahkalen i Cingraan ko i faloco'ay namo, nawhani o piki'adingan ita Cingra.

Taneng 15:8

Maolah ko Tapang to pitolon no mo^celay a tamdaw, nikawrira, ma'osi Cingra to nipato'ayaan no tatiihay a tamdaw.

Taneng 16:3

Patorod han i Tapang ko polong no nisahalakaan iso a dmak, ta ma^deng kiso a milahci to polong no dmak iso.

Matay 10:19

Ano mapatayra kamo i piliclican i, aka ka rawraw kamo to o maan ko sasowalen, ano^ca samaanen ko sapaca'of. Itiya i, o mamapafaloco' no Kawas kamo to malosasowalen.

Matay 13:22

O romasato, o tatodong no mafolsakay a sapaloma i cifadalay a sra ko faloco' hananay i, mitngil cingra to sowal no Kawas, nikawrira, ira ko roray no faloco' to saki 'orip ato 'anof to saki dafong a mi'co to sowal no Kawas. Saka, caay ka cihci.

Matay 6:34

Orasaka, aka ka rawraw ko faloco' namo to sakicila. O sakicila i, anocila a miharateng. O nika roray to ccay a romi'ad i, pa^deng han toya romi'ad.

Matay 6:8

Orasaka, aka pitodong kamo i cangraan. I 'ayaw no nipilongoc namo i, mafana'ayto ko Wama namo to kacango'otan namo.

Luka 10:41

Paca'of sa ko Tapang a somowal i cingraan, <

Luka 12:22

Sowal sa ci Yis i nisawawaan Ningra, <

Luka 12:29

<

Luka 18:1

O sakararidaw no nisawawaan a mitolon ato saka^caaw ka toled nangra saka, patinako han ni Yis cangra a somowal,

Luka 18:7

Mangalef ko no Kawas a nipipatado to tomangicay a milongoc i Cingraan to romi'ad to dadaya a nipili'an Ningra a tamdaw.

1 Korinto 7:21

Ano o koli kiso yo matahidang no Kawas i, nga'ayto. Nikawrira, ano mama^deng kiso a miliyas to kalakolian iso matdal i, o nipiliyas iso ko nga'ay.

1 Korinto 7:32

O nika somowal ako tonini i, o saka^caaw ka roray no faloco' namo. O caay ka ciramod a fa'inayan i, <> saan cingra a pa'ayaw a miharateng to tayal no Tapang.

2 Korinto 1:11

Pakaynien namo i pitolon namo ko nipipadang i tamiyanan. Ta pakayni i pitolon no 'alomanay a tamdaw a mapalmed no Kawas kami. Ta pakayni tonini ko sapiahowid no 'alomanay a tamdaw i Kawas to saki tamiyanan.

Ifiso 5:20

Ta pakaynien i ngangan no Tapang ita ci Yis Kristoan ko nika rarid a miahowid to Wama a Kawas i masamaamaanay a dmak.

Ifiso 6:18

I tini i pitolon namo i, pilongoc to pipadama no Kawas. Ka o makriday no Fangcalay 'Adingo kamo a mararid a mitolon. Kapalal kamo a mihadidi a misa'icel a milongoc a mitolon to saki mitooray a ma^min.

Kolosay 3:15

Ka o rihaday ni Kristo ko mamikowan to faloco' namo. Nawhani o sakapitahidang no Kawas tamowanan a palaccayto tireng namo i, o sakararihadayaw namo. Saka, kararid a mikansiya kamo.

Kolosay 3:17

O romasato, ano o maanto ko dmak, ano o maanto ko sowal namo i, pakaynien i ngangan no Tapang ci Yis ko sapidmak a ma^min, pakaynien i Cingraan ko nipikansiya to Wama a Kawas.

Kolosay 4:2

Kararid a mitolon. Yo mitolon kamo i, kapalal ko faloco' namo a mikansiya i Kawas.

1 Timoti 2:1

O sa'ayaway a sapa'icel ako tisowanan i, pilongoc, pitolon, pipatado a mitolon, pikansiya i Kawas to saki polong no tamdaw ato

1 Timoti 5:5

O Kawas ko kacifaloco'an no awaay ko palawinaan a maponengay. Mararid cingra to romi'ad to dadaya a milongoc a mitolon i Kawas to pipadama Ningra.

1 Pitiro 4:7

Mangatato ko pahrekan no hkal. Saka, sinanoten ko faloco' namo. Kapalal a mitolon.

1 Pitiro 5:7

Patorod han i Kawas ko polong no rawraw no faloco' namo. Nawhani pa'ayaw ko Kawas a sida'it i tamowanan.