Filipi 4:3 - 阿美語聖經-新約附詩篇箴言

³ O romasato, o so'linay a kapot ako, milongoc haca kako i tisowanan to pipadama tonini a tatosaay a fafahiyan. Nawhani o nano mikapotay takowanan a maroray a mipatnak to Nga'ayay Ratoh cangra aci Klimin ato romaroma a kapot. Matilidayto ko ngangan nangra i pitilidan no Kawas to ngangan no ma'oripay.

Filipi 4:3 Iomraidhean Croise

'Olic 69:28

Mamana padengen Iso ko ngangan nangra i pitilidan to ngangan no ma'oripay, mamana caay ka tilid ko ngangan nangra i pitilidan to ngangan no mo^celay a tamdaw.

Luka 10:20

Nikawrira, ano mihakloklong ko palafoay to sowal namo i, aka ka lipahak kamo tonini. Deng o nika tilid no ngangan namo i kakarayan ko kakalipahaken namo,>> han Ningra.

Loma 12:1

Orasaka, salikakaaw, nano sini'ada no Kawas titaanan ko sakapipa'icel ako i tamowanan a palimo'ot. Pacakaten i Kawas ko tireng namo to malokarahkeran no Kawas a fangcalay a ma'oripay a sapacakat i Cingraan. Onini ko so'linay a pita'ong namo.

Loma 16:12

Nga'ayho han a paratoh ca Trifaina aci Trifosa o fafahiyan a kapot to matayalay to no Tapang ato kaolahan ako a fafahiyan a widang ci Persis, oya malalokay a matayal to no Tapang.

Loma 16:9

Nga'ayho han a paratoh ko i ci Kristoananay a kapot niyam a matayal ci Urpanus atoya kaolahan ako a tamdaw ci Stakis.

Filipi 1:12

Salikakaaw, nanay mafana' kamo to nika o malosakatnak no Nga'ayay Ratoh ko nika matini ako a marofo.

Filipi 1:16

O nano olah no faloco' nangra ko sakapipatnak nangra. Nawhani o nipatirengan no Kawas ci Pawlo to malopapa'ading to Nga'ayay Ratoh saan ko nika fana' nangra.

Filipi 1:27

O kakalimlaan i, nanay mahapinang i 'orip namo ko nipido^do namo to Nga'ayay Ratoh ni Kristo. Ta ano tayrayra kako a minengneng tamowanan, ano ^ca i, ano caacaay ka tayra kako i, matngil ako ko nika laccay no faloco' namo a tanektek ato nika laccay namo a misa'icel a pa'ading to nipaso'linan namo a Nga'ayay Ratoh.

Filipi 1:5

Nawhani nai satapangan no tayal ako i tamowanan tahanini ko nika dadama ita a patnak to Nga'ayay Ratoh.

Filipi 1:7

I faloco' ako kamo to romi'ami'ad saka, matatodongay ko nika matini no piharateng ako to saki tamowanan. Nawhani yo marofo kako, yo patnak kako to Nga'ayay Ratoh a pa'ading a patanektek to faloco' no mitngilay i, halo amo a mikapot takowanan a citodong to nano nipaflian no Kawas i takowanan a tayal.

Filipi 4:2

Salikaka Yuotia aci Sintiki, nanay palaccayen ko faloco' namo a mitoor to Tapang.

Kolosay 1:7

Ci Ipafras o kaolahan niyam a kapot, o so'linay ko faloco' a matayalay ni Kristo to saki titaanan ko sakafana' namo to sini'ada no Kawas.

Pa'arawan 13:8

Nikawrira, ira ko pitilidan to ngangan no ma'oripay, o cudad no nano mapacokay a Tofor a Siri, o caay ka tilid ko ngangan toya cudad i satapangan no nipisanga' no Kawas to hkal a polong no maro'ay i tini i hkal a tamdamdaw i, o mamita'ong toya 'a'adopen.

Pa'arawan 17:8

O ma'araway iso a 'a'adopen i, nama'oripay i ti:yaho, awaay anini, nikawrira, o mamacakat ciira a masadak nai awaay ko para' a ofang, ta matkop ciira. Oya maro'ay i tini i hkal a tamdamdaw to caay ka tilid ko ngangan i pitilidan to ngangan no ma'oripay i 'ayaw no nika sanga' no hkal i, o fafahka' cangra a minengneng toya 'a'adopen, nawhani nama'oripay ciira i ti:yaho, awaay anini, nikawrira, o mamiliyaw haca ciira a talahkal.

Pa'arawan 20:12

Itiya i, ma'araw haca ako ko mapatayay a tamdamdaw, ano o tadamaanayto, ano o sasafaayto i, ira a ma^min a tomireng i ka'ayaw noya tadamaanay a 'anengang. Maclak ko pinapina a cudad itira. Ira ko roma a ccay a niclakan a cudad, o pitilidan to ngangan no ma'oripay, o matiliday toya pinapina a cudad a sowal ko pi'arawan a misawkit to mapatayay a tamdamdaw to nano dmak nangra.

Pa'arawan 20:15

O caay ka tilid ko ngangan i pitilidan to ngangan no ma'oripay i, mafahkol a ma^min i namanamalan.

Pa'arawan 21:27

Nikawrira, caay ko mamicomod toya niyaro' ko kakaackan a maamaan ato kasimelangan ko dmak a tamdaw ato misamangahay a tamdaw. Deng o matiliday no Tofor a Siri ko ngangan i pitilidan to ngangan no ma'oripay ko mamicomod toya niyaro'.

Pa'arawan 3:5

O pakalowiday a tamdaw i, o mamatiya onini a mapariko' to kohcalay. Caay ko sasisiten Ako ko ngangan nangra i pitilidan to ngangan no ma'oripay. O papatalahkalen Ako ko ngangan nangra i ka'ayaw no Wama Ako ato coyoh no Wama Ako.