Filipi 4:10 - 阿美語聖經-新約附詩篇箴言

¹⁰ Tata'ang ko lipahak ako to nika laccay ako ato Tapang. Nawhani talahkalto anini ko sapipadangananay a faloco' namo i takowanan. Talacowa sapipadangan kamo to hatiniay, nikawrira, awaay ko kanga'ayan namo a romi'ad.

Filipi 4:10 Iomraidhean Croise

'Olic 85:6

Nanay liyawenho Iso a pacakat ko 'orip niyam, ta lipahak kami o finawlan Iso a pahmek i Tisowanan.

2 Korinto 11:9

Yo cango'ot kako to saka'orip itira i tamowanan i, caay pakaroray kako i cimacimaan namo. Nawhani ma^dengto ko pipadang no nai Makitoniyaay a salikaka to saka'orip ako. Caay pakaroray kako to maan aca i tamowanan itiya. I ikor nonini caay ko papakaroray kako i tamowanan.

2 Korinto 6:7

ato nipipasowal niyam to so'linay a ratoh ato 'icel no Kawas ko sapahapinang niyam to nika o matayalay no Kawas kami. O mo^celay ko todong no lalosidan niyam to sapatada ato sapilood to 'ada.

Kalatiya 6:10

Orasaka, ano hacowato a romi'ad, ano ira ko kanga'ayan i, o nika rarid ita a midmak to sakalmed no tamdamdaw ko nga'ay. Ikakaen ita ko pihaen to paro no loma' no mitooray ci Kristoan.

Kalatiya 6:6

O mapasifana'ay to mo^celay a lalan ni Kristo a tamdaw i, o papalada'en ningra ko singsi ningra to iraay i cingraan a nga'ayay a maamaan.

Filipi 1:1

O koli ni Yis Kristo kako ci Pawlo aci Timoti. Patilid kami i tamowanan o malaccayay aci Yis Kristo a finawlan no Kawas ato kakrikridan ato mipadangay to kiwkay itira i Filipi.

Filipi 1:3

Yo maharateng ako kamo i, miahowid kako to Kawas ako,

Filipi 2:30

Nawhani mangata a mapatay cingra to nipikinafalah ningra to tireng a matayal to saki ci Kristoan. Onini i, o nipipatado ningra i tamowanan a milahci to caay ka filo namo a matayal to saki takowanan.