Filipi 3:9 - 阿美語聖經-新約附詩篇箴言

⁹ Ta mahapinang ko nika laccay ako aci Kristo. Caayto ko nano pido^do ako to Rikec ko sakanga'ay ako a malayap no Kawas. O nano piti'er ako ci Kristoan o nano Kawas a nisanga'an ko sakanga'ay ako a malayap Ningra o sanay ako.

Filipi 3:9 Iomraidhean Croise

'Olic 14:3

'Arawhani, miliyas to mo^celay a lalan ko tamdamdaw a ma^min, sahto o mapoheday ko dmak nangra a ma^min. Awaay ko ccaccay aca a tatamdawan to nidmakay to nga'ayay.

'Olic 143:2

Nanay caay pisawkit Kiso i takowanan o matayalay Iso, nawhani awaay ko caay ka ciraraw a tamdaw i ka'ayaw Iso.

'Olic 19:12

Cima ko ma^dengay a mipalita to patlac no tireng saw? Nanay hpolen Iso ko caay ko nipadtengan ako a patlac.

Matay 9:13

sanay a sowal a matilid i Fangcalay Cudad i, o maan ko tatodong nonini saw? Olili, pinanamho kamo. O patosokan Ako a tayni i, caay ko mitahidangay to mo^celay a tamdaw, o mitahidangay Kako to ciraraway a tamdaw,>> han ni Yis.

Loma 1:17

Nawhani, onini a Nga'ayay Ratoh ko pa'araway to samaanay ko palali'ay no Kawas to tamdaw ato Cingra. Pakayni i paso'lin ko satapangan, pakayni i paso'lin ko pahrekan. Mato nika tilid i Fangcalay Cudad, <> saan.

Loma 10:10

Nawhani o nano piti'er no faloco' ita ci Kristoan ko sakanga'ay ita a malayap no Kawas. O nano nipipatalahkal ita i ngoyos ko saka mapa'orip no Kawas kita.

Loma 16:7

Nga'ayho han ca Antronikus aci Yuniya a paratoh. O nano kapot ako a marofo a finacadan ako cangra, o cinganganay a tamdaw i kapot no tarokos. I 'ayaway ako cangra a mitoor ci Kristoan.

Loma 5:21

Malcad tonini, pakaynien no raraw i patay ko sapipa^kel to tamdaw a mikowan, o mikomi no Kawas i, pakayni i mo^cel ko sapidipot saka, pakayni i Tapang ita ci Yis Kristoan ko sakaci'orip ita to mida'ocay.

Loma 8:1

Anini sato, o malaccayay aci Kristo Yis a tamdaw i, caayto ka pastek i raraw.

Loma 8:3

Tadanca ko tireng ita. Saka, caay pakalahci ko Rikec ni Mosi a miliyaw to pinangan ita. Nikawrira, o Kawas ko milahciay tonini a dmak. Ma'osi ko Kawas to pinangan no tamdaw. Saka, i tinien Ningra i niocoran Ningra a Wawa ko pipahapinang a mipastek i raraw to pinangan no tamdaw. Orasaka, matiya sa o ciraraway ko pinangan no Wawa Ningra. Onini i, o sapipalasawadaw Ningra to raraw.

1 Korinto 1:30

Nikawrira, o nano Kawas ko sakalaccay namo aci Yis Kristo. O nipatirengan no Kawas Cingra to malotaneng ita. Pakayni i Cingraan ko sakanga'ay ita a malayap no Kawas ato sakalafangcal ita ato sakatdal ita.

2 Korinto 5:17

Ano mapalaccay aci Kristo ko cima a tamdaw i, o fa^lohayto a tamdaw cingra. Malasawadto ko matlangay a pinangan ningra, ta masafa^lohto cingra.

2 Korinto 5:21

Awaay ko raraw ni Kristo. Nikawrira, ci Kristo ko nipastekan no Kawas i raraw to nano raraw ita. Ta pakayni i nika laccay ita aci Kristo a malamilcaday kita to mo^celay a pinangan no Kawas.

Kalatiya 2:16

Nikawrira, mafana' kita, caay ko nano pido^do to Rikec ni Mosi ko sakanga'ay no tamdaw a malayap no Kawas. Deng o nano piti'er ci Yis Kristoan, saan kita. Saka, miti'er kita i ci Yis Kristoan. Onini i, o nano piti'er ita i ci Kristoan ko sakanga'ay ita a malayap no Kawas o sanay ita. Caay ko nano pido^do to Rikec. Nawhani awaay ko ccaccay aca a malayapay no Kawas a tamdaw to nano pido^do to Rikec.

Filipi 3:6

Ano pakayniay i nika lalok ako a mitoor to Kawas i, o mikari'angay kako to kiwkay. Ano pakayniay i nipido^do ako to Rikec ni Mosi i, o mo^celay kako, awaay ko tatoro'en a raraw ako.

2 Timoti 1:9

O nipa'oripan no Kawas kita a mitahidang a palafinawlan Ningra. Caay ko nano nga'ayay a dmak ita konini, o nano nafaloco'an no Kawas ato mikomi Ningra. Pakaynien no Kawas i ci Yis Kristoan i 'ayaw no nika sanga' no hkal ko pipafli i titaanan tonini a mikomi.

Titus 3:5

pa'oripen Ningra kita. Onini i, caay ko nano nika mo^cel no dmak ita. O nano adayay Ningra pakayni i nipihofoc ato nipipafli no Fangcalay 'Adingo titaanan to fa^lohay a 'orip a misawsaw.

Hipray 6:18

Onini a caay ko mamafalic a niktonan no Kawas a faloco' ato sowal Ningra i, o pahapinangay i titaanan to nika caay ko misamangahay ko Kawas. Saka, kita o pakatamaay to papa'ading titaanan i, malatadamaanay a sapa'icel to faloco' ita konini. O saka^caaw pisawad ita a miharateng to kacifaloco'an ita.

Yakop 3:2

So'linay adihay ko patlac no mita a ma^min. O caay ka patlac ko sowal a tamdaw i, o masongila'ay a tamdaw, o paka'metay to tireng ningra a ma^min.

2 Pitiro 1:1

O koli ato tarokos ni Yis Kristo kako ci Simon Pitiro. Patilid kako i tamowanan o milcaday tamiyanan a miti'er to Kawas. O nano nika mo^cel no pinangan no Kawas ita ato pinangan no pa'oripay a Tapang ci Yis Kristo ko sakatadamaan no nipiti'er ita.

1 Yohani 3:4

O ciraraw a tamdaw i, o miliyangay to rikec no Kawas. Nawhani o piliyang to rikec ko saka ciraraw.