Filipi 3:8 - 阿美語聖經-新約附詩篇箴言

⁸ Caay ka orira a ccay. O kakalimlaan ako a ma^min i, malomaanho saan ko harateng ako. Nawhani o nika fana' ako to Tapang ako ci Yis Kristoan ko satadamaanay saan kako. O nano olah ako ci Kristoan, saka, falah hanto ako konini a ma^min. O lakaw konini saan ko harateng ako. Onini i, nga'ay marpet ako ci Kristo.

Filipi 3:8 Iomraidhean Croise

'Olic 126:6

Oya talalosa'ay a mitatoy to sapaloma a talaomah i, o lalipahak a mi'orong to rorong no panay a minokay.

'Olic 73:25

Cimaho ko roma a kacifaloco'an ako i kakarayan saw? Cimaho ko roma a kacifaloco'an ako i hkal saw?

Luka 1:43

Wata: ko nika rahker no faloco' ako to nika tayni iso o ina no Tapang ako a miliso' takowanan.

Luka 11:20

Nikawrira, o nano 'icel no Kawas ko sapifahfah Ako to palafoay. Saka, o pahapinangay konini to nika irato i tamowanan ko pikowan no Kawas.

Yohani 14:20

Itiya toya romi'ad i, o mamafana'to kamo to nika laccay Ako ato Wama ato nika laccay ita.

Yohani 14:7

Ano mafana' kamo i Takowanan i, mafana' kamo to Wama Ako. Mafana'to kamo anini to Wama Ako. Ma'arawayto namo Cingra,>> han Ningra.

Yohani 16:3

O sakamatini no dmak nangra i, o nika fokil nangra to Wama ato nika fokil nangra i Takowanan.

Yohani 17:3

Pakayni i nika fana' no tamdaw i Tisowanan o dengan a so'linay a Kawas ato nika fana' nangra ci Yis Kristoan o niocoran Iso ko saka ci 'orip nangra to mida'ocay.

Yohani 17:8

Oya nipatolonan Iso i Takowanan a sowal i, mapasowalto Ako cangra. Mafana'to cangra tonini. Mafana'to cangra to nika so'linay nai Tisowananay Kako a tayni. Paso'linto cangra to nika o niocoran Iso Kako.

Yohani 20:13

Pasowal sa cangra ci Mariyaan, <> han nangra. Paca'of sa ci Mariya, <> han ningra.

Yohani 20:28

Paca'of sa ci Tomas, <> han ningra.

Dmak 20:24

Ano malahciayto ako ko dado^doen ako a tatayalen ato nipatorodan no Tapang ci Yis i takowanan a tayal a pawacay to Nga'ayay Ratoh to pakayniay i mikomi no Kawas i, awaayto ko limlamla ako to 'orip ako to mamamamang aca.

Loma 8:18

O harateng ako i, ona pades ita anini, caay ko papasasotiri'en atoya mama'araw ita a 'dil no Kawas to nika tadamaan Ningra.

Loma 8:39

ano o i fafaedayto no hkal, ano o i lalinikayto no hkal a masanga'ay a maamaan i, awaay ko pakapaliyasay titaanan nanitini tonini a nipatalahkalan no Kawas i Tapang ita ci Yis Kristoan a olah Ningra.

1 Korinto 2:2

Nawhani yo mikapot kako i tamowanan i, deng ci Yis Kristo ato nika pacek Ningra i ciwcika ko sasowalen ako saan ko nihapinangan no faloco' ako.

1 Korinto 9:10

Caay ka o kita ko nisowalan Ningra hakiya? Hai. Kita ko nisowalan nonini a tilid. Nawhani o patosokan no mikangkangay ato mipanayay a tamdaw a matayal i, o sapilayapaw to malonangra a kinaira.

2 Korinto 4:4

Caay paso'lin cangra to Kawas, nawhani pohawen no kawakawas nonini a hkal ko faloco' nangra. Onini i, o saka^caaw paka'araw nangra to nipipatdi no Nga'ayay Ratoh i faloco' nangra to 'dil ni Kristo, o todong no faco no Kawas.

2 Korinto 4:6

<> yasanay a Kawas ko patdiay i faloco' ita to sakafana' ita to nika tadamaan Ningra o Kawas. Mahapinang konini i pising ni Yis Kristo.

Kalatiya 1:16

Yo maraodto ko pipahapinangan Ningra to Wawa Ningra i takowanan to sapiocoraw Ningra i takowanan a papipatnak to pakayniay ci Kristoan a Nga'ayay Ratoh i roma a finacadan i, caay pilicay kako i cimacimaan to malodadmaken ako.

Ifiso 4:13

Ta malaccay kita a miti'er a mafana' to Wawa no Kawas. Ta mato'as ko faloco' ita a matiya o nika songila' ni Kristo.

Filipi 1:1

O koli ni Yis Kristo kako ci Pawlo aci Timoti. Patilid kami i tamowanan o malaccayay aci Yis Kristo a finawlan no Kawas ato kakrikridan ato mipadangay to kiwkay itira i Filipi.

Filipi 3:10

O sakasaan ako i, nanay mafana' kako ci Kristoan. Nanay malifet ako ko 'icel no nika lomowad Ningra a ma'orip nai patay. Nanay mikapot kako to pades ni Kristo a milcad to faloco' Ningra a mapatay.

Filipi 3:12

Malahciayto ako konini a dmak. O masongila'ayto kako, caay ka saan kako. Deng o pisa'icel ako to sapilahciaw to patosokan no nipipili' ni Yis Kristo i takowanan.

Filipi 3:7

Nikawrira, onini a nao kakalimlaan a dmak ako a ma^min i, tona o mitooray kako ci Kristoan anini saka, awaayto ko ^poc nonini a ma^min saan ko faloco' ako.

2 Timoti 4:6

Maraodto ko romi'ad to pikinafalahan ako to 'orip ako a malasapacakat. Maraodto ko romi'ad to piliyasan ako tonini a hkal.

Hipray 3:14

Ano tahira i pahrekan ko nika 'imer ita toya sa'ayaway a tanektekay a faloco' ita a miti'er i, o kapotto ni Kristo kita.

1 Pitiro 2:7

Orasaka, o kakalimlaan namo o mitadi'ecay a tamdaw konini a fokloh. Nikawrira, o sowal a matilid i Fangcalay Cudad to pakayniay i caay paso'lin a tamdaw i, <> saan.

2 Pitiro 1:2

Nanay, pakayni i kafana' namo to Kawas ato Tapang ita ci Yisan, ko sakapakalayap namo to makadofahay a mikomi ato rihaday!

2 Pitiro 1:3

O nano 'icel no Kawas ko saka mapafli i titaanan ko polong no sakanga'ay no 'orip ita a mitoor to Kawas. Mafana' kita tonini a mitahidangay titaanan a Kawas. Mangalay Cingra a papikapot titaanan i 'dil Ningra ato nika tadamaan Ningra.

2 Pitiro 1:8

Onini ko kakalimlaan namo. Ano matongal a matongal konini a dmak namo i, ci^pocay ko dmak namo a mafana' to Tapang ita ci Yis Kristoan.

2 Pitiro 3:18

Ka o mikomi no Tapang ita a Pa'oripay ci Yis Kristo ato nika fana' namo i Cingraan ko sakato'as no faloco' namo a mararid. Nanay, nai anini a tahada'oc a mapa'dil Cingra! Amin.

1 Yohani 1:3

O sakapiparatoh niyam i tamowanan to nano ma'araway ato nano matngilay no niyam i, o sakalaccayaw ita. O nika laccay ita hananay i, o nika laccay ita ato Wama ato Wawa Ningra ci Yis Kristo.

1 Yohani 2:19

O caacaay aca ka o kapot niyam konini a tamdaw. Saka, miliyas cangra i tamiyanan. Ano o kapot niyam cangra i, kona mararid cangra a mikapot i tamiyanan. O piliyas nangra i, o pahapinangay to nika caay ko so'linay a kapot niyam cangra.

1 Yohani 5:20

Mafana' kita, tayniayto ko Wawa no Kawas. Mapaflito Ningra kita to sakafana' to so'linay a Kawas. Saka, o malaccayay kita atoya so'linay a Kawas. O malaccayay kita ato Wawa Ningra ci Yis Kristo. O so'linay a Kawas, o mida'ocay a 'orip Cingra.