Filipi 3:16 - 阿美語聖經-新約附詩篇箴言

¹⁶ Saka, ano hakowaay ko nilahcian ita a mitoor i, hatiraen ita ko dmak a tala'ayaw.

Filipi 3:16 Iomraidhean Croise

Loma 12:16

Aka pisakakinih to tamdaw a pa'ayaw. Aka pisatakaraw to faloco'. Pikapot i sasafaay ko 'orip a tamdaw. Aka pisano mafana'ay kamo.

Loma 15:5

Nanay o pafliay to kodaitay a faloco', o pa'icelay a Kawas ko mipalcaday to harateng namo a papitodong to faloco' ni Yis Kristo,

Kalatiya 5:7

Manga'ay ko pitoor namo i tiyaho. Anini sato i, cima ko milalangay i tamowanan to saka^caaw ka pihaklong namo to so'lin saw?

Kalatiya 6:16

O mitooray a tamdamdaw tonini a limo'ot i, nanay mararid a mahapinang nangra ato finawlan no Kawas a ma^min ko rihaday ato adayay no Kawas.

Filipi 1:27

O kakalimlaan i, nanay mahapinang i 'orip namo ko nipido^do namo to Nga'ayay Ratoh ni Kristo. Ta ano tayrayra kako a minengneng tamowanan, ano ^ca i, ano caacaay ka tayra kako i, matngil ako ko nika laccay no faloco' namo a tanektek ato nika laccay namo a misa'icel a pa'ading to nipaso'linan namo a Nga'ayay Ratoh.

Filipi 2:2

Orasaka, nanay pakayni i nika lcad no harateng ita ato nika sasiolaolah ita ato nika laccay no faloco' ita ko sakalipahak ako.

Filipi 4:2

Salikaka Yuotia aci Sintiki, nanay palaccayen ko faloco' namo a mitoor to Tapang.

Kolosay 2:6

Tona milayapto kamo ci Yis Kristoan a palatapang saka, pahapinangen i masamaamaanay a dmak namo ko nika laccay namo aci Kristo.

Kolosay 4:2

Kararid a mitolon. Yo mitolon kamo i, kapalal ko faloco' namo a mikansiya i Kawas.

Pa'arawan 3:3

Orasaka, haratengen ko nitngilan iso ato milayapan a sifana', so'linen konini a mido^do, pasasiyoren ko faloco'. Ano caay ka palal kiso i, matiya o nika tayni no mitakaway ko nika caay ka fana'en iso ko nika fahal Ako a tayni.