Filipi 3:13 - 阿美語聖經-新約附詩篇箴言

¹³ Salikakaaw, malahciayto ako konini, caay ka saan ko harateng ako. Deng ccay ko sasarocoden ako a misa'icel. Tawalen ako ko mata'lifay a dmak. Pamotek han ako ko patosokan ako a tala'ayaw.

Filipi 3:13 Iomraidhean Croise

'Olic 27:4

Ira ko ccay a longoc ako i Tapang, deng onini a ccay ko kangalayan ako, o sapida'ocaw ako a maro' i loma' no Tapang, itira kako i pita'ongan a minengneng to nika 'dil Ningra a makapah, milongoc kako to pikrid Ningra i takowanan.

'Olic 45:10

Kiso o malofafahi no hongti, pitngil to sowal ako, tawalen ko finacadan iso ato malininaay iso.

Luka 10:42

Nikawrira, ccay aca ko kakalimlaan a dmak. Matama to ni Mariya ko safangcalay. Caay ko mama'a'afas no tamdaw nai kapal ningra,>> han ni Yis.

Luka 9:62

Pasowal sa ci Yis i cingraan, <> han Ningra.

2 Korinto 5:16

Orasaka, i ikor nonini caayto samatiyaen niyam o pinengneng no kalotamdaw ko pinengneng niyam to sakafana' to tamdaw. Ano matiyatiya o pinengneng no kalotamdaw ko nipinengneng niyam ci Kristoan i ti:yaho, nikawrira, caayto ka haenen niyam ko pinengneng i Cingraan anini.

Filipi 2:12

Orasaka, kaolahan ako a salikaka, samatiyaen o ha:tiniay ko nipihaklong namo i takowanan. Aka ka itiya i nika iraan ako a ccay. Ano awaawa kako anini i, ikakaen ko nipihaklong namo. Ka o nano ngodo no faloco' namo ko sakapisa'icel namo a milahci to tayal no Kawas a pa'orip tamowanan.

Filipi 3:12

Malahciayto ako konini a dmak. O masongila'ayto kako, caay ka saan kako. Deng o pisa'icel ako to sapilahciaw to patosokan no nipipili' ni Yis Kristo i takowanan.

Filipi 3:8

Caay ka orira a ccay. O kakalimlaan ako a ma^min i, malomaanho saan ko harateng ako. Nawhani o nika fana' ako to Tapang ako ci Yis Kristoan ko satadamaanay saan kako. O nano olah ako ci Kristoan, saka, falah hanto ako konini a ma^min. O lakaw konini saan ko harateng ako. Onini i, nga'ay marpet ako ci Kristo.

Hipray 6:1

Orasaka, liyasen ita ko sa'ayaway a ninanaman ita to pakayniay i ci Kristoan, pasayra i saka'ikes no faloco' a miti'er a tala'ayaw, o nipifalic to faloco' a miliyas to awaay ko ^poc a dmak ato nipipaso'lin to Kawas

2 Pitiro 3:8

Kaolahan ako a salikaka, o sa'osi no Tapang i, mato ccay a patek (1,000) no mihcaan ko ccay a romi'ad. Mato ccay a romi'ad ko ccay a patek (1,000) no mihcaan. Aka ka pawan kamo tonini.