Filipi 3:10 - 阿美語聖經-新約附詩篇箴言

¹⁰ O sakasaan ako i, nanay mafana' kako ci Kristoan. Nanay malifet ako ko 'icel no nika lomowad Ningra a ma'orip nai patay. Nanay mikapot kako to pades ni Kristo a milcad to faloco' Ningra a mapatay.

Filipi 3:10 Iomraidhean Croise

Matay 20:23

Pasowal sa ci Yis, <> han Ningra.

Yohani 10:18

Awaay ko mipatayay i Takowanan. Kako ko lonok sanay a kinafalah to 'orip no tireng. Ma^deng Kako a kinafalah tonini. Ma^deng Kako a mipalolol tonini. O nano limo'ot no Wama i Takowanan konini,>> han ni Yis.

Yohani 17:3

Pakayni i nika fana' no tamdaw i Tisowanan o dengan a so'linay a Kawas ato nika fana' nangra ci Yis Kristoan o niocoran Iso ko saka ci 'orip nangra to mida'ocay.

Loma 8:17

Tona o wawato no Kawas kita saka, o mamilayap kita to nipatalaan no Kawas a sapalmed to finawlan Ningra. O romasato, o mamikapot kita ci Kristoan a milayap to rarocoken Ningra. Ano mikapot kita i ci Kristoan a mapades i, o mamikapot kita i Cingraan a malatadamaanay.

Loma 8:29

Nawhani oya nili'ayawan no Kawas a mipili' a tamdaw i, li'ayawen Ningra a micidek to mamiringi to Wawa Ningra. Ta o sakakaay a Wawa ci Yis i 'alomanay a salikaka.

Loma 8:36

Mato nika tilid i Fangcalay Cudad, <> saan.

2 Korinto 1:10

Cingra ko pa'oripay i tamiyanan a pasadak nai kalingsesan a patay. O pa'oripay Cingra i tamiyanan i matini. O mamararid Cingra a pa'orip i tamiyanan saan ko pakaso'lin niyam a miti'er to Kawas.

2 Korinto 1:5

Mikapot kami ci Kristoan a mapades to masamaamaanay a pades. Saka, pakayni i ci Kristoan ko sakahinom niyam to masamaamaanay.

2 Korinto 13:4

Talacowa tadancaay ci Kristo a mapacek i ciwcika, nikawrira, pakayni i 'icel no Kawas a mapalowad Cingra a ma'orip nai patay. Malcad tonini, pakayni i nika laccay niyam aci Kristo a malatadancaay kami. Nikawrira, o 'icel no Kawas to nano nika laccay niyam aci Kristo ko sakanga'ay niyam a matayal i tamowanan.

Kalatiya 2:20

Saka, caayto ka o kako ko ma'oripay i matini, ci Kristoto ko ma'oripay i faloco' ako. O nika 'orip ako anini i, o nano piti'er ako toya maolahay takowanan a kinafalah to tireng to saki takowanan a Wawa no Kawas.

Kalatiya 6:17

I ikor nonini i, akato pakaroray ko cimacima namo i takowanan. Nawhani ira i tireng ako ko pi'dac no doka' to kacipinangan to nika o koli ni Yis kako.

Ifiso 4:13

Ta malaccay kita a miti'er a mafana' to Wawa no Kawas. Ta mato'as ko faloco' ita a matiya o nika songila' ni Kristo.

Filipi 3:8

Caay ka orira a ccay. O kakalimlaan ako a ma^min i, malomaanho saan ko harateng ako. Nawhani o nika fana' ako to Tapang ako ci Yis Kristoan ko satadamaanay saan kako. O nano olah ako ci Kristoan, saka, falah hanto ako konini a ma^min. O lakaw konini saan ko harateng ako. Onini i, nga'ay marpet ako ci Kristo.

Kolosay 1:24

Orasaka, lipahak kako anini a mapades to saki tamowanan. Onini a tireng ako ko sapipadang ako to lalahcien ni Kristo a pades to saki tireng Ningra a kiwkay.

Kolosay 2:13

I ti:yaho i, mapatayay kamo to no 'adingoan, nawhani ciraraw kamo, o awaay ko Rikec a roma a finacadan. Nikawrira, anini sato i, pakapoten no Kawas kamo ci Kristoan a miliyaw a palowad a pa'orip nai patay, hpolen Ningra ko raraw ita a ma^min.

Kolosay 3:1

O nipakapotanto kamo i ci Kristoan a mapalowad a mapa'orip nai patay, saka, pasayraen i kakarayan ko faloco' namo. Nawhani ira itira ci Kristo a maro' i kawanan no Kawas.

1 Pitiro 1:3

O aahowiden ita ko Kawas o Wama no Tapang ita ci Yis Kristo! Nawhani tadamaan ko adayay Ningra, saka, pakayni i kalomowad ni Yis Kristo a ma'orip nai patay, ta mapafli kita to fa^lohay a 'orip, ato saka ira no ma'oripay a pafaloco'an ita,

2 Pitiro 1:13

Yo ma'oripho kako anini i, o tayal ako konini a mipalal to faloco' namo saan kako.

1 Yohani 2:3

Ano mido^do kita to limo'ot no Kawas i, i tini a mahapinang ita ko nika fana' ita i Cingraan.

1 Yohani 2:5

Nikawrira, o mido^doay to sowal no Kawas a tamdaw i, o masongila'ay ko olah ningra to Kawas. O ci'oripay to no Kawas sanay a tamdaw i, o tatodongen ningra ko dmak ni Yis Kristo. I tini a mahapinang ita ko nika ci'orip ita i Cingraan.

Pa'arawan 1:18

O ma'oripay Kako. Nao mapatayay Kako. Nikawrira, nengnengen, ma'oripay Kako a tahada'oc. O citodongay Kako to safawah a mikowan to patay ato kaitiraan no mapatayay.