Filipi 2:7 - 阿美語聖經-新約附詩篇箴言

⁷ Sawaden Ningra ko no tireng a dmak, palakolien Ningra ko tireng Ningra a palcad to no tamdaw. Miringi to tireng no tamdaw Cingra a talahkal.

Filipi 2:7 Iomraidhean Croise

'Olic 22:6

Nikawrira, matiyato o caay ko tamdaw kako, matiyato o ccay a fao kako, ^pecen no tao kako a mikatawa.

Matay 12:18

<

Matay 20:28

Mahaenay ko Wawa no Tamdaw. O sakatayni Ningra i, caay ko pakatayalay to tamdaw to saki Cingraan, o malamamatayal to saki tamdamdaw, o romasato, malasapatfoc Cingra a patodong to saki 'alomanay a tamdaw a kinafalah to 'orip,>> han ni Yis.

Maroko 9:12

Paca'of sa ci Yis, <

Luka 22:27

O mitahkaay ato matayalay a patahka a tamdaw i, cima ko tadamaanay saw? Ora mitahkaay a tamdaw. Nikawrira, o matayalay ko dmak Ako a mikapot i tamowanan.

Yohani 1:14

Malatamdawto ko Sowal a mikapot i titaanan a maro', matomesay no mikomi ato so'lin. Ma'araw no mita ko nika ci'dil Ningra, onini a 'dil o lalayapen no dengan a Wawa no Kawas.

Loma 1:3

O pakayniay i Wawa Ningra toya Tapang ita ci Yis Kristoan konini. Ano pakatamdaway a rayray i, o nai tlocay ni Tafiti a hofocen konini a Wawa.

Loma 15:3

Nawhani caay pisatked ci Kristo a palipahak to tireng Ningra. Mato sowal a matilid i Fangcalay Cudad, <> saan.

Loma 15:8

Pasowal kako i tamowanan, o sapahapinangaw ni Kristo to nika o so'linay a tati'eren ko Kawas ato sakalahciaw no nisowalan no Kawas i tato'asan ita saka, malakoli no Yutaya a tamdaw Cingra.

Loma 8:3

Tadanca ko tireng ita. Saka, caay pakalahci ko Rikec ni Mosi a miliyaw to pinangan ita. Nikawrira, o Kawas ko milahciay tonini a dmak. Ma'osi ko Kawas to pinangan no tamdaw. Saka, i tinien Ningra i niocoran Ningra a Wawa ko pipahapinang a mipastek i raraw to pinangan no tamdaw. Orasaka, matiya sa o ciraraway ko pinangan no Wawa Ningra. Onini i, o sapipalasawadaw Ningra to raraw.

2 Korinto 13:4

Talacowa tadancaay ci Kristo a mapacek i ciwcika, nikawrira, pakayni i 'icel no Kawas a mapalowad Cingra a ma'orip nai patay. Malcad tonini, pakayni i nika laccay niyam aci Kristo a malatadancaay kami. Nikawrira, o 'icel no Kawas to nano nika laccay niyam aci Kristo ko sakanga'ay niyam a matayal i tamowanan.

2 Korinto 8:9

Mafana'to kamo to mikomi no Tapang ita ci Yis Kristo. Nano tadamaanay ko 'orip Ningra. Nikawrira, malapakoyoc Cingra to sakalmed namo. O sakasaan i, pakayni i nika lapakoyoc Ningra a malacidafongay kamo.

Kalatiya 4:4

Nikawrira, yo maraodto ko nipatonekan no Kawas a romi'ad i, ocoren no Kawas ko Wawa Ningra. Pakaynien Ningra i fafahiyan ko pihofoc Cingraan. Makowan no Rikec ko 'orip Ningra.

Filipi 2:6

Talacowa o Kawas ko pinangan Ningra, nikawrira, haenento Ako to no Kawas a milcad a citodong to micidekay a sakowan, caay ka saan.

Hipray 12:2

Pamoteken ita a minengneng ko piti'eran ita ci Yis. Nawhani o palowaday, o milahciay to pitoor ita Cingra. O sapilayapaw Ningra to aira a malolipahak Ningra saka, o nika pakangodo Ako ko mimaanay, saan Cingra. Hadidi han Ningra ko nika pacek Ningra i ciwcika. Maro' Cingra anini i kawanan no tadamaanay a kamaro'an no Kawas.

Hipray 13:3

Kihatiyaen ko faloco' no marofoay a tamdaw a miharateng. Kihatiyaen ko faloco' no misemsemay a tamdaw. Nawhani malcaday kita ato cangra a citireng.

Hipray 4:15

O no mita a sakakaay a citodongay to ta'ong i, caay ko mafokilay a miharateng to nika tadanca ita. I tini i masamaamaanay a dmak i, malcad ato kita Cingra a malifet. Nikawrira, caay ka raraw Cingra.