Filipi 2:3 - 阿美語聖經-新約附詩篇箴言

³ Ano o maamaanto a dmak i, aka ka o misatkeday, aka ka o mipasnengay ko dmak namo. Ka o misapo^neray ko faloco' namo. Ikakaay no mako ko tao, han ko faloco' namo a masasingodongodo.

Filipi 2:3 Iomraidhean Croise

Taneng 13:10

O palowaday to sakacacoli ko misatakaraway a faloco', o citanengay a tamdaw i, mitngil to pisalof no tamdaw i cingraan.

Luka 18:14

Sowalen Ako kamo, yo minokay i loma' koya tatosa a tamdaw i, onini a milisataay a tamdaw ko i mataay no Kawas a mo^celay a tamdaw, caay ka oya Farisay a tamdaw. Nawhani o misatakaraway ko faloco' a tamdaw i, o mamasrer. O misapo^neray ko faloco' a tamdaw i, o mamapacakat,>> han Ningra.

Loma 12:10

Kasasiolah kamo. Nawhani o malaccayay kamo i ci Kristoananay a salikaka. Kasasingodo kamo a misapo^ner to faloco'.

Loma 13:13

Aka ka matiya o macoosay, o malasangay no ^pah, o mikalonaay, o ma'amlasay, o mala'odotay, o ma'inapay ko dmak namo. Sanga'ayen ko dmak namo a matiya o no i ta^ngaday.

Loma 2:8

Nikawrira, o misatkeday, o caay pido^do to so'linay a sowal no Kawas, o paci^ci sanay a mitoor to caay ka mo^cel a tamdaw i, o kakteren no Kawas cangra.

1 Korinto 15:9

O sasafaay a tarokos kako. Caay ka tatodong kako a cingangan a malatarokos. Nawhani nano mikari'angay kako to kiwkay no Kawas.

1 Korinto 3:3

Nawhani ma'inap, macacoli kamo. Caay hakiya ko pahapinangay konini to nika o no tirenganho ko pinangan namo a mitoor a matiya o 'orip no kalotamdaw?

2 Korinto 12:20

O katalawan ako a tayra i tamowanan i, ano malalitmoh kita itiya, latek caay ka lcad to niharatengan namo kako. Latek caay ka lcad to niharatengan ako kamo. Latek ira ko macacoliay, ma'inapay, makteray, misatkeday, milokesay, milikafay, misatakaraway ato miparawraway a dmak namo.

Kalatiya 5:15

Kapina'on kamo, ano matiya o 'a'adopen kamo a makakalakalat ato marari'ari'ang i, o mamatkop kamo.

Kalatiya 5:26

Aka ka lata'ang. Aka ka sasitlii. Aka ka sasi'inap.

Ifiso 4:2

Ka o misapo^neray, o damsayay, o kodaitay, o ciolahay ko faloco' a masasipa'ayaw kamo,

Ifiso 5:21

Kasasihaklong kamo, nawhani o mangodoay kamo ci Kristoan.

Filipi 2:14

I tini i masamaamaanay a dmak i, aka ka ngaliwngiw. Aka ka laliyaliyang kamo.

Kolosay 3:12

Maolah ko Kawas i tamowanan, pili'en Ningra kamo a malafinawlan Ningra. Saka, ka o adayayay, o sini'adaay, o misapo^neray, o damsayay, o kodaitay ko faloco' namo.

Kolosay 3:8

Nikawrira, anini sato i, o lalafolafoten aca namo konini a dmak, aka to piliyaw a mafirang, a makter ato mi'intel. Aka somowal to milokesay ato kasimelangan a sowal.

1 Timoti 6:4

o misatakaraway cingra, o caay ka fana' to maan aca. Ciadada cingra to nika laliyaliyang ato nika cacolicoli ningra ato tao to pakayniay i sowal. Pakayni tonini ko sakaira no 'inap ato kacacoli ato pilokes ato mahinapecay

1 Pitiro 3:8

Saikoray a sowal ako i, palaccayen ko faloco' namo a masasipa'ayaw. Kasasiolah kamo o salikaka. Kasasini'ada'ada kamo. Kasasingodongodo ko faloco' namo.

1 Pitiro 5:5

O romasato, kamo o kapah a tamdaw, pihaklong to mato'asay. Ca'dongen ko misapo^neray a faloco' a masasipadapadang. Nawhani o sowal a matilid i Fangcalay Cudad i, <> saan.