Filipi 2:25 - 阿美語聖經-新約附詩篇箴言

²⁵ O harateng ako i, o papanokayen ako i tamowanan ci Ipafrotitus o kapot ako a matayal a milood a salikaka ita. O niocoran namo cingra a patayni a papipadang takowanan.

Filipi 2:25 Iomraidhean Croise

Taneng 25:13

O so'linay ko faloco' a tarokos i, o pasa'melay to faloco' no miocoray i cingraan, matiya o ki^tecay a nanom i kacidalan a mipanay cingra.

Yohani 13:16

So'linen Ako a somowal kamo, caay pikikaka to tawki ko koli. Caay pikikaka to miocoray a tamdaw ko maocoray.

Yohani 17:18

Matiya o nipiocor Iso i Takowanan a patayni i hkal ko nipiocor Ako i cangraan a patayra i mafokilay to Kawas a tamdamdaw.

Loma 16:3

Nga'ayho han a paratoh ci Priskila aci Akuila a mararamod o kapot ako a matayal i ci Kristo Yisan.

Loma 16:9

Nga'ayho han a paratoh ko i ci Kristoananay a kapot niyam a matayal ci Urpanus atoya kaolahan ako a tamdaw ci Stakis.

1 Korinto 3:9

O kapot no Kawas kami a matayal. O omah no Kawas kamo. O romasato, o nipatirengan no Kawas a loma' kamo.

2 Korinto 2:13

Itiya i, marawraw ko faloco' ako, nawhani caay ka lalitmoh kami aci Titus a salikaka. Saka, liyas sato kako to i tiraay a tamdaw a tayra i Makitoniya.

Filipi 2:26

Ma'ilol cingra i tamowanan a ma^min. Matngil namo ko nika adada ningra saka, mararom ko faloco' ningra.

Filipi 4:18

Adihayto ko nipaflian namo i takowanan. Marnecto kako a milayap to nipataynian ni Ipafrotitus a sapafli namo. O ccay no fangsisay a sapacakat namo i Kawas konini, o kalipahakan, o karahkeran no Kawas a milayap.

Filipi 4:3

O romasato, o so'linay a kapot ako, milongoc haca kako i tisowanan to pipadama tonini a tatosaay a fafahiyan. Nawhani o nano mikapotay takowanan a maroray a mipatnak to Nga'ayay Ratoh cangra aci Klimin ato romaroma a kapot. Matilidayto ko ngangan nangra i pitilidan no Kawas to ngangan no ma'oripay.

Kolosay 1:7

Ci Ipafras o kaolahan niyam a kapot, o so'linay ko faloco' a matayalay ni Kristo to saki titaanan ko sakafana' namo to sini'ada no Kawas.

Kolosay 4:11

Ci Yustus hananay a tamdaw ci Yisu ko roma a nga'ayho saan i tamowanan. Deng onini a tatolo a Yutaya a tamdaw ko mikapotay takowanan a matayal to saki Kitakit no Kawas, tadamaan ko pipadama nangra i takowanan.

1 Tisalonika 3:2

Saka, ocoren niyam ko salikaka ita ci Timoti, o kapot niyam a matayalay to no Kawas a patnak to Nga'ayay Ratoh to pakayniay ci Kristoan. O sakapiocor niyam cingraan i, o sapa'icelaw niyam a patanektek to piti'er namo i Kawas.

Filimon 1:24

Mahaen ko sowal no kapot ako a matayal ci Maroko, ci Aristarkus, ci Timas aci Luka.

Hipray 3:1

Kamo o matahidangay no Kawas a mitooray ci Kristoan a salikaka, o haharatengen namo ci Yis. O niocoran no Kawas Cingra a malatarokos ato Sakakaay Citodongay to Ta'ong a mipatalahkal to piti'er ita.