Filipi 2:17 - 阿美語聖經-新約附詩篇箴言

¹⁷ Ano talarmermes kako a malasapacakat to piti'er namo i Kawas i, lipahak ko faloco' ako. Mikapot kako i tamowanan a mapolong a lipahak.

Filipi 2:17 Iomraidhean Croise

Dmak 20:24

Ano malahciayto ako ko dado^doen ako a tatayalen ato nipatorodan no Tapang ci Yis i takowanan a tayal a pawacay to Nga'ayay Ratoh to pakayniay i mikomi no Kawas i, awaayto ko limlamla ako to 'orip ako to mamamamang aca.

Dmak 21:13

Paca'of sa ci Pawlo, <> saan.

Loma 12:1

Orasaka, salikakaaw, nano sini'ada no Kawas titaanan ko sakapipa'icel ako i tamowanan a palimo'ot. Pacakaten i Kawas ko tireng namo to malokarahkeran no Kawas a fangcalay a ma'oripay a sapacakat i Cingraan. Onini ko so'linay a pita'ong namo.

Loma 15:16

Saka, malamatayalay ni Kristo Yis kako a patnak to Nga'ayay Ratoh i roma a finacadan. Matiya o citodongay to ta'ong kako a patnak to Nga'ayay Ratoh no Kawas. Ta nga'ay malanikoracan no Fangcalay 'Adingo a sapacakat i Kawas ko roma a finacadan. Ta maolah ko Kawas a milayap cangraan.

2 Korinto 12:15

Tadalipahak kako a palasawad to payso ako to saki tamowanan. O romasato, caay ka limla kako to tireng ako a kinafalah to saki tamowanan. Maolah a maolah kako i tamowanan i, malasakacaay ka olah namo i takowanan hakiya?

2 Korinto 4:12

Ano hatira i mararid kami a miso'ayaw to patay, ta ira a malayap namo ko saka ci'orip.

2 Korinto 6:10

Mato mararomay kami, nikawrira, mararid kami a lipahak. Mato pakoyoc kami, nikawrira, mapakacidafong niyam ko 'alomanay a tamdaw. Mato awaay ko maan aca niyam. Nikawrira, adihay ko maamaan niyam.

2 Korinto 7:4

Tanektek ko pipaso'lin ako i tamowanan. Saka, o kalata'angan ako kamo. Saka, mahinom ko faloco' ako. Ano mapadepades kako to masamaamaanay i, tata'ang ko lipahak ako.

Filipi 1:20

O tata'angay a longoc no faloco' ako i, nanay awaay ko kangodoan to sikining ako. Ta matiya o ha:tiniay ko nika ^ca paska ako anini a pasowal. Ta ano nika 'oripto, ano nika patayto ako i, o sapa'dil ci Kristoan ko polong no mako.

Filipi 2:18

O hahaenen namo ko nipikapot i takowanan a lipahak.

Filipi 2:30

Nawhani mangata a mapatay cingra to nipikinafalah ningra to tireng a matayal to saki ci Kristoan. Onini i, o nipipatado ningra i tamowanan a milahci to caay ka filo namo a matayal to saki takowanan.

Filipi 4:18

Adihayto ko nipaflian namo i takowanan. Marnecto kako a milayap to nipataynian ni Ipafrotitus a sapafli namo. O ccay no fangsisay a sapacakat namo i Kawas konini, o kalipahakan, o karahkeran no Kawas a milayap.

Kolosay 1:24

Orasaka, lipahak kako anini a mapades to saki tamowanan. Onini a tireng ako ko sapipadang ako to lalahcien ni Kristo a pades to saki tireng Ningra a kiwkay.

1 Tisalonika 2:8

Tona maolah kami i tamowanan saka, caay ka deng o Nga'ayay Ratoh no Kawas a ccay ko sapaini niyam i tamowanan. Halo'orip han niyam a kinafalah to saki tamowanan saan ko harateng niyam. Nawhani tadamaolah kami i tamowanan.

2 Timoti 4:6

Maraodto ko romi'ad to pikinafalahan ako to 'orip ako a malasapacakat. Maraodto ko romi'ad to piliyasan ako tonini a hkal.

1 Pitiro 2:5

Kamo ko roma a matiya o ma'oripay a fokloh. Ka o malosapatireng kamo to no 'adingoan a pita'ongan. Ta malafangcalay a citodongay to ta'ong kamo a matayal itira. Ta pakaynien namo i ci Yis Kristoan ko nipipacakat namo to kaolahan no Kawas a caay ka 'araw a sapacakat.

1 Yohani 3:16

Kinafalah ci Kristo to 'orip Ningra to saki titaanan. Pakayni tonini ko sakafana' ita to olah hananay. Orasaka, o mamikinafalah kita to 'orip ita to saki salikaka.