Filipi 2:13 - 阿美語聖經-新約附詩篇箴言

¹³ Nawhani mararid ko Kawas a matayal i faloco' namo a pafaloco' a papilahci to nafaloco'an Ningra.

Filipi 2:13 Iomraidhean Croise

'Olic 110:3

Ano malalood kiso ato 'ada iso i, o mamaolah a malasofitay ko finawlan iso, samatiya sa o 'o'ol to dafak ko kapah iso a tayra i fangcalay a lotok a mikilim i tisowanan.

'Olic 119:36

Nanay papiolahen Iso kako a papido^do to rikec Iso, onini ko ikakaay to nika 'anof ako to dafong.

'Olic 141:4

Nanay fo'oten Iso kako to saka^caaw ka pasayra no faloco' ako i tatiihay a dmak, ta caay ka pikapot kako to tatiihay a tamdaw a mapaacek, nanay caay papikihatiyaen Iso kako i cangraan a mitahka.

Taneng 21:1

O Tapang ko mikriday to faloco' no hongti, matiya o pilinah Ningra to rakat no nanom no 'alo.

Luka 12:32

<

Luka 2:14

<> saan.

Yohani 3:27

Paca'of sa ci Yohani, <

Yohani 6:45

O sowal a matilid i cudad no pali'ayaway to sowal no Kawas i, saan. Saka, o mitngilay to sowal no Wama Ako a minanam i Cingraan i, tayni i Takowanan a ma^min.

Yohani 6:65

Pasowal sa ci Yis, <> han Ningra.

Dmak 11:21

Mapa'icel no Tapang cangra saka, 'aloman ko pasasiyoray to faloco' ta paso'lin to Tapang.

Loma 12:3

Pakaynien ako i nipaflian no Kawas a sini'ada i takowanan ko sapasowal ako i kahaccaccay namo. Aka pilakowit ko harateng namo a misatakaraw. Ka o 'icel no piti'er namo i Kawas, oya nipaflian Ningra i kahaccaccay ko sakasinanot namo a mihapinang to tatodong no tireng.

Loma 9:11

Nikawrira, o sapahapinangaw no Kawas to nafaloco'an Ningra a mipili' to ccay noya tatosaay a wawa saka, pasowal sa ko Kawas ci Ripikaan, <> saan. Yo caho ka hofocen cangra a tatosa, yo caayho pidmak to nga'ayay ato tatiihay cangra i, itiya a somowal ko Kawas tonini a sowal. Saka, o nafaloco'an no Kawas ko nido^doan Ningra a mipili'. Caay ko dmak noya wawa.

Loma 9:16

Orasaka, caay ko nisafaloco'an ato nisa'icelan no tamdaw ko pi'arawan no Kawas a mipili'. Deng o nano sini'ada no Kawas ko sakapipili' Ningra.

1 Korinto 12:6

Adihay ko kasasiroma no fana' no tamdaw a matayal, nikawrira, oyanan a Kawas ko pafliay to sakafana' no kahaccaccay no tamdaw a matayal.

1 Korinto 15:10

Nikawrira, o sakamatini no mako i, o nano mikomi no Kawas. Caay ko nika awa no ^poc no mikomi no Kawas i takowanan. Mikikaka kako to romaroma a tarokos a maroray tona adihay ko tayal. Nikawrira, caay ka o kako ko midmakay tonini. Oya iraay i takowanan a mikomi no Kawas ko midmakay tonini.

2 Korinto 3:5

O ma^dengayto kako a midmak to maamaan, caay ka saan ko harateng niyam. O nai Kawasay a 'icel ko sapidmak niyam.

Ifiso 1:11

Saka, mato nipipali'ayaw no Kawas yo misanga' Cingra to hkal ko nipipili' titaanan a palafinawlan Ningra pakayni i nika laccay ita aci Kristo. Mado^do no masamaamaanay a dmak ko nafaloco'an no Kawas.

Ifiso 1:5

Maolah ko Kawas i titaanan saka, pakaynien Ningra i ci Yis Kristoan ko pipalawawa titaanan. O nisahalakaan Ningra konini to sakalipahak Ningra.

Ifiso 1:9

ko nipilahci to nafaloco'an Ningra a pahapinang i titaanan to pakakmoday a lalahcien ni Kristo a nisahalakaan Ningra a dmak.

Ifiso 2:8

O nano mikomi no Kawas ato nipiti'er namo i ci Kristoan ko saka mapa'orip a mapakalmed kamo. Caay ko nano dmak namo, o nano Kawas a sapalmed konini.

2 Tisalonika 1:11

Onini ko sakararid niyam a mitolon to saki tamowanan. Yo mitolon kami to Kawas i, nanay matatodong i niharatengan no mitahidangay tamowanan a Kawas ita kamo. Nanay pakayni i 'icel Ningra a malahci Ningra a ma^min ko nilongocan namo to sakanga'ay no pinangan namo ato dmak no nipiti'er namo Cingraan.

2 Timoti 1:9

O nipa'oripan no Kawas kita a mitahidang a palafinawlan Ningra. Caay ko nano nga'ayay a dmak ita konini, o nano nafaloco'an no Kawas ato mikomi Ningra. Pakaynien no Kawas i ci Yis Kristoan i 'ayaw no nika sanga' no hkal ko pipafli i titaanan tonini a mikomi.

1 Pitiro 1:3

O aahowiden ita ko Kawas o Wama no Tapang ita ci Yis Kristo! Nawhani tadamaan ko adayay Ningra, saka, pakayni i kalomowad ni Yis Kristo a ma'orip nai patay, ta mapafli kita to fa^lohay a 'orip, ato saka ira no ma'oripay a pafaloco'an ita,