Filipi 2:12 - 阿美語聖經-新約附詩篇箴言

¹² Orasaka, kaolahan ako a salikaka, samatiyaen o ha:tiniay ko nipihaklong namo i takowanan. Aka ka itiya i nika iraan ako a ccay. Ano awaawa kako anini i, ikakaen ko nipihaklong namo. Ka o nano ngodo no faloco' namo ko sakapisa'icel namo a milahci to tayal no Kawas a pa'orip tamowanan.

Filipi 2:12 Iomraidhean Croise

'Olic 119:120

Mirmir sa ko tireng ako to nano talaw ako i Tisowanan, tona makoki' kako to pisawkit Iso saka, matomes no talaw kako.

'Olic 2:11

Ka o mangodoay a faloco' a matayal ko sapita'ong to Tapang, kamirmir i ka'ayaw Ningra a lipahak.

Taneng 10:16

O caci'orip ko nga'ayay ko dmak a tamdaw, o mamatongal ko raraw no tatiihay a tamdaw.

Taneng 13:4

Ano mangalangalay ko matokaay a tamdaw to maan i, awaay ko sapiala ningra, nikawrira, o malalokay a matayal a tamdaw i, ira ko sapiala ningra to kangalayan ningra a ma^min.

Matay 11:12

Nanitiya ci Yohanian o Paino'ay a tahanini i, mararid a malood no ca^desay ko Kitakit no Kawas, 'aloman ko sapi'afasananay a tamdaw to nikowanan no Kawas a kitakit a palanotireng.

Matay 11:29

O damsayay Kako. O po^neray ko faloco' Ako saka, ca'dongen ko talo'odan Ako a minanam i Takowanan. Ta mapahanhan ko faloco' namo.

Dmak 16:29

Papiala han noya misimaway ko tamdaw to dawdaw. Ta cikay sa koya misimaway a micomod. Mirmir sa cingra a mihinokop i ka'ayaw na Pawlo aci Silas.

Dmak 9:6

Kalomowad a micomod i niyaro', ta ira ko papasowal i tisowanan to malodadmaken iso,>> saan.

Loma 2:7

O romaroma a tamdaw i, misa'icel to nga'ayay a dmak. Milongoc cangra i Kawas to sakatadamaanaw ato sakaci'oripaw nangra to mida'ocay. O matiniay a tamdaw i, o mamapafli no Kawas cangra to mida'ocay a 'orip.

1 Korinto 15:58

Orasaka, kaolahan ako a salikaka, katanektek a tomireng. Aka ka ngiyangi. Mafana' kamo to nika caay ko a awa ko ^poc no nikarorayan namo a matayal to no Tapang. Saka, kararid a misa'icel to tayal no Tapang.

1 Korinto 2:3

Saka, yo itira kako i tamowanan i, tadanca kako. Matalaw kako. Tata'ang ko nika mirmir ako.

1 Korinto 4:14

O sakamatini no pipatilid ako i, caay ko sapakangodoaw i tamowanan. O sapalimo'otaw ako i tamowanan tona o kaolahan ako a wawa kamo.

2 Korinto 7:15

Maharateng ni Titus ko nipitngil namo to sowal ningra ato nika ngodo namo a mihamham i cingraan. Saka, matongal ko nika olah ningra i tamowanan.

Ifiso 6:5

Kamo o koli i, kamirmir a matalaw, sarocoden ko faloco' a mihaklong to tawki no i hkalay, matiya o katayal ci Kristoan.

Filipi 1:27

O kakalimlaan i, nanay mahapinang i 'orip namo ko nipido^do namo to Nga'ayay Ratoh ni Kristo. Ta ano tayrayra kako a minengneng tamowanan, ano ^ca i, ano caacaay ka tayra kako i, matngil ako ko nika laccay no faloco' namo a tanektek ato nika laccay namo a misa'icel a pa'ading to nipaso'linan namo a Nga'ayay Ratoh.

Filipi 1:29

Nawhani o sakapitoro' no Kawas i tamowanan a papitoor ci Kristoan i, caay ko pipaso'lin namo Cingraan a ccay. O mamilifet kamo to pades tona mitoor Cingraan.

Filipi 1:5

Nawhani nai satapangan no tayal ako i tamowanan tahanini ko nika dadama ita a patnak to Nga'ayay Ratoh.

Filipi 1:6

Oya misatapangay to nga'ayay a tayal i faloco' namo a Kawas ko mamilahci tonini tangasa i piliyawan ni Yis Kristo a tayni saan ko pipaso'lin ako i tamowanan.

Filipi 2:19

Ano o nafaloco'an no Tapang a Yis, ano ma^deng kako i, kalamkamen ako a miocor ci Timoti a patayra i tamowanan. Onini i, nga'ay matngil ako ko pakayniay i dmak namo ta mahinom ko faloco' ako.

Filipi 4:1

Kaolahan ako, ka'ilolan ako a salikaka, o kalipahakan ako, o kalata'angan ako kamo. Haenen ko nika tanektek namo a malaccay ato Tapang.

Filipi 4:15

Mato nika fana' namo o Filipi a tamdaw, yo miliyas kako to Makitoniya i sa'aya'ayawho ako a patnak to Nga'ayay Ratoh i, dengan o kiwkay namo ko mipadangay takowanan. Lcad sa kamo takowanan a macahiw ano ^ca i, marnec.

1 Tisalonika 1:3

nawhani maharateng niyam i ka'ayaw no Wama a Kawas ita ko pipatalahkal namo i dmak to piti'er namo i Kawas ato nika roray namo a matayal to nano olah namo ato nika tanektek no kacifaloco'an namo to Tapang ci Yis Kristoan.

2 Timoti 2:10

Orasaka, hadidien ako ko masamaamaanay a dmak to nano pipa'ayaw ako to nipili'an no Kawas a finawlan. Ta malayap nangra ko mida'ocay, tadamaanay a sapa'orip ni Yis Kristo.

Hipray 12:1

Hatini ko nika 'aloman no pawacayay to dmak no Kawas a tamdaw a milikot i titaanan. Orasaka, falahen ita ko kartengay a 'inorong a ma^min ato mifedfeday titaanan a raraw. Lahcien ita a comikay ko cacikayen ita.

Hipray 4:1

Tona mahrekto ko Kawas a mikton to sowal to sapicomodaw ita i nisowalan Ningra a pasla'an, saka ka ira ko mangodoay a matalaway a faloco' ita, ano^ca ira ko mapidahay hananay no tao i laloma' namo, o caay ko papakalayap to pasla'an ningra.

Hipray 4:11

Orasaka, sa'icelen no mita a micomod to nisowalan no Kawas a pasla'an. Ta caay ka matiya oya pacoliay to Kawas a tamdaw ko cimacima ita a ^ca pakacomod.

Hipray 5:9

Yo masongila'to ci Yis i, malamida'ocay a pa'oripay Cingra a pa'orip to polong no mihaklongay i Cingraan.

1 Pitiro 2:11

Kaolahan ako a salikaka, pa'icelen ako kamo. O palafangay, o pacarcaray ko 'orip namo i tini i hkal. Saka, aka tooren ko mirorayay to salo'afang namo a 'anof no tireng.

2 Pitiro 3:18

Ka o mikomi no Tapang ita a Pa'oripay ci Yis Kristo ato nika fana' namo i Cingraan ko sakato'as no faloco' namo a mararid. Nanay, nai anini a tahada'oc a mapa'dil Cingra! Amin.