Filipi 2:1 - 阿美語聖經-新約附詩篇箴言

¹ Pakayni i nika laccay namo aci Kristo a mapa'icel ko faloco' namo. O nano olah ni Kristo ko sakahinom namo. Malakapot kamo ato Fangcalay 'Adingo. Masasipa'ayaw kamo a sini'ada.

Filipi 2:1 Iomraidhean Croise

'Olic 133:1

Ano masasiolah ko malikakaay a rihaday i, tada o malmeday, tada o kalipahakan.

Luka 2:25

Itiya i, ira i Yirusalim ci Simiyon hananay a tamdaw. O mo^celay ko faloco', o malalokay a mitoor to Kawas cingra. O hinatalaay cingra to papa'orip to Israil. O mikapotay ko Fangcalay 'Adingo i cingraan.

Yohani 14:18

<

Yohani 14:27

<

Yohani 17:13

Tayra Kako i Tisowanan i matini. O sakapasowal Ako tonini i tini i hkal i, nga'ay matiya o lipahak Ako ko nika tadamaan no lipahak nangra.

Dmak 2:46

To romi'ami'ad i, malaccay ko faloco' nangra a masa'opo i Fangcalay Pita'ongan. Mapolong cangra a komaen i loma' nangra. So'lin ko faloco' nangra a lipahak a komaen.

Dmak 4:32

Malaccay ko faloco' no paso'linay ci Kristoan a tamdamdaw. Awaay ko misatkeday nangra to dafong no tireng. Sakapolongan han nangra ko dafong nangra a ma^min.

Loma 5:5

Ano ira ko matiniay a pafaloco'an ita i, caay ko mamatoled kita. Nawhani o nipaflian no Kawas i titaanan a Fangcalay 'Adingo ko sakapitomes i titaanan to tadamaanay a olah Ningra.

Loma 8:26

Mahaen ko Fangcalay 'Adingo a mipadama to nika tadanca no mita. Caay ka fana' kita to samaanen ko nga'ayay a pitolon. Nikawrira, patado saan ko Fangcalay 'Adingo i titaanan a mitolon i Kawas. Pakaynien Ningra i caay ka talahkal i ngoyos a tangic ko pipatado Ningra a mitolon.

1 Korinto 12:13

Malcad tonini kita. Ano o Yutayato a tamdaw, ano o romato a finacadan, ano malakoliayto a tamdaw, ano o caayay ka o koli a tamdaw i, mapaino' noyananto a Fangcalay 'Adingo kita a ma^min a mapalaccay i ccay a tatirengan. Saka, mapafli kita a ma^min toyanan a Fangcalay 'Adingo.

1 Korinto 15:31

Salikakaaw, tona malaccay kita ato Tapang ci Kristo Yis saka, pasneng kako a somowal to nika rarid ako a misi'ayaw to patay to romi'ami'ad.

1 Korinto 3:16

Kafana'anto namo, o Fangcalay Pita'ongan to Kawas ko tireng namo. O kamaro'an no Kawas a 'Adingo ko faloco' namo.

2 Korinto 2:14

Orasaka, o kakansiyaen ko Kawas. Nawhani mararid Cingra a mikrid i tamiyanan o mapalitay ni Kristo a papikapot i ci Kristoan a papilowid. Pakaynien no Kawas i tamiyanan ko sapalosiyang i cowacowa to sakafana' no tamdamdaw to fangsis ni Kristo.

Kalatiya 4:6

O sapahapinangaw no Kawas to nika o wawato Ningra kita saka, ocoren no Kawas ko todong no tireng no Wawa Ningra a 'Adingo a papicomod i faloco' ita a papilkal <> titaanan.

Kalatiya 5:22

Nikawrira, o hci no nipikrid no Fangcalay 'Adingo i, o olah, o lipahak, o rihaday, o kodait, o sini'ada, o nga'ayay, o so'linay a faloco',

Ifiso 4:4

Nawhani ccay ko tireng, ccay ko Fangcalay 'Adingo, ccay ko patosokan no pitahidang no Kawas tamowanan a pafaloco'.

Filipi 1:8

Mafana' ko Kawas to nika talolong no faloco' ako to saki tamowanan a ma^min. O nano olah ni Yis Kristo konini. O so'linay ko sowal ako.

Filipi 3:3

O so'linay a mido^doay to krit a lisin kita, caay ko cangra. Nawhani pakaynien ita i 'Adingo no Kawas ko nipita'ong ita to Kawas. Ci Yis Kristo ko kalata'angan ita. Caay piti'er kita to no tamdawan a lkakawa.

Kolosay 2:2

O sakasaan ako i, o sapa'icelaw ako to faloco' namo, ta malaccay ko faloco' namo a masasiolaolah, ta tanektek ko faloco' namo to nano nika so'lin no nika fana' namo, ta mafana' kamo to pakakmoday a dmak no Kawas. Ci Kristo ko nisowalan tonini a pakakmoday a dmak.

Kolosay 3:12

Maolah ko Kawas i tamowanan, pili'en Ningra kamo a malafinawlan Ningra. Saka, ka o adayayay, o sini'adaay, o misapo^neray, o damsayay, o kodaitay ko faloco' namo.

Hipray 6:18

Onini a caay ko mamafalic a niktonan no Kawas a faloco' ato sowal Ningra i, o pahapinangay i titaanan to nika caay ko misamangahay ko Kawas. Saka, kita o pakatamaay to papa'ading titaanan i, malatadamaanay a sapa'icel to faloco' ita konini. O saka^caaw pisawad ita a miharateng to kacifaloco'an ita.

1 Pitiro 1:2

O nano nafaloco'an no Wama a Kawas a nipili'an Ningra kamo, o mapalafangcalay no Fangcalay 'Adingo a papitoor i ci Yis Kristoan a nikoracan no rmes Ningra kamo. Nanay, mapakadofah no Kawas a mapaini kamo to mikomi ato rihaday!

1 Yohani 3:24

O mido^doay to limo'ot no Kawas i, o misiketay i Kawas. Misiket ko Kawas cingraan. O maan ko kafana'an ita to iraay i laloma' ita ko 'orip no Kawas saw? Pakayni i nipaflian Ningra i titaanan a Fangcalay 'Adingo ko sakafana' ita to nika o misiketay kita i Kawas.

1 Yohani 4:12

Awaayho ko paka'araway to Kawas. Nikawrira, ano masasiolaolah kita i, ira ko Kawas titaanan. Mapalahci a misongila' i faloco' ita ko olah Ningra.

1 Yohani 4:16

Mafana' kita, o paso'linay kita to nika olah no Kawas i titaanan. O olah ko Kawas. Saka, o kala'orip sanay to olah a tamdaw i, ira ko 'orip no Kawas i cingraan, ira haca i cingraan ko 'orip no Kawas.