Filipi 1:8 - 阿美語聖經-新約附詩篇箴言

⁸ Mafana' ko Kawas to nika talolong no faloco' ako to saki tamowanan a ma^min. O nano olah ni Yis Kristo konini. O so'linay ko sowal ako.

Filipi 1:8 Iomraidhean Croise

Luka 1:78

Nawhani sini'adaay, damsayay ko Kawas ita. Saka, o papata^ngaden Ningra ko 'orip ita a pa'orip titaanan.

Loma 1:9

Masarocod ko faloco' ako a matayal to no Kawas a patnak to Nga'ayay Ratoh to pakayniay i Wawa Ningra. Mafana' ko Kawas to nika rarid ako a mitolon to saki tamowanan ato nika so'lin no sowal ako.

Loma 9:1

So'linay ko sowal ako. O ni Kristo kako. Saka, caay pisamangah kako. Mapafaloco' no Fangcalay 'Adingo ko nga'ayay a faloco' ako. Saka, so'linay caay ko misamangahay kako.

2 Korinto 13:9

Talacowa tadancanca kami, ki^mel kamo, nika o kakalipahakan niyam koni. O milongocan niyam i, malasakasongila'aw namo.

2 Korinto 6:12

Caay ko kami ko kingcoay. O faloco' namo kora kingcoay.

2 Korinto 7:15

Maharateng ni Titus ko nipitngil namo to sowal ningra ato nika ngodo namo a mihamham i cingraan. Saka, matongal ko nika olah ningra i tamowanan.

Kalatiya 1:20

I ka'ayaw no Kawas kako a somowal to nika caay ko mangah konini a sowal ako!

Kalatiya 3:26

Pakayni i <> namo i ci Yis Kristoan ko sakalaccay namo a ma^min aci Kristo a malawawa no Kawas.

Kalatiya 4:19

Wawaaw ako, miliyaw haca kako a matiya o ma'at'atay a misemsem tangasa i kasafacoan ni Kristo i faloco' namo.

Filipi 2:1

Pakayni i nika laccay namo aci Kristo a mapa'icel ko faloco' namo. O nano olah ni Kristo ko sakahinom namo. Malakapot kamo ato Fangcalay 'Adingo. Masasipa'ayaw kamo a sini'ada.

Filipi 2:26

Ma'ilol cingra i tamowanan a ma^min. Matngil namo ko nika adada ningra saka, mararom ko faloco' ningra.

Filipi 4:1

Kaolahan ako, ka'ilolan ako a salikaka, o kalipahakan ako, o kalata'angan ako kamo. Haenen ko nika tanektek namo a malaccay ato Tapang.

Kolosay 2:1

Nanay mafana' kamo to nika hakowa ko roray ako a matayal to saki tamowanan ato saki i Laotikiyaay a tamdaw ato saki caayho paka'araw i takowanan a tamdamdaw.

Kolosay 3:12

Maolah ko Kawas i tamowanan, pili'en Ningra kamo a malafinawlan Ningra. Saka, ka o adayayay, o sini'adaay, o misapo^neray, o damsayay, o kodaitay ko faloco' namo.

1 Tisalonika 2:5

Mafana' kamo to nika tahanini caayho ka somowal kami to misa'fitay a sowal. Caayho pipakakawakawas kami to sowal a misimed to 'anof. O Kawas ko pawacayay tonini.

1 Tisalonika 2:8

Tona maolah kami i tamowanan saka, caay ka deng o Nga'ayay Ratoh no Kawas a ccay ko sapaini niyam i tamowanan. Halo'orip han niyam a kinafalah to saki tamowanan saan ko harateng niyam. Nawhani tadamaolah kami i tamowanan.

2 Timoti 1:4

maharateng ako ko losa' iso yo malaliyas kita. Saka, sakatayra:an kako i tisowanan to sakalipahak ako.

Filimon 1:12

Papinokayen ako cingra i tisowanan anini. Matiya o pipafli ako to faloco' ako i tisowanan.

Filimon 1:20

Orasaka, salikakaaw, tona o mitooray kita to Tapang, saka, nanay tooren ko longoc ako. Pa'icelen ko faloco' ako tona o malcaday kita a mitoor ci Kristoan!

1 Yohani 3:17

Ano ma'araw no cidafongay a tamdaw ko cango'otay a salikaka, ano caay ka sini'ada cingra i, maanen ningra ko nika somowal to nika o maolahay kako to Kawas saan saw?