Filipi 1:6 - 阿美語聖經-新約附詩篇箴言

⁶ Oya misatapangay to nga'ayay a tayal i faloco' namo a Kawas ko mamilahci tonini tangasa i piliyawan ni Yis Kristo a tayni saan ko pipaso'lin ako i tamowanan.

Filipi 1:6 Iomraidhean Croise

'Olic 138:8

Caay ka ^ca lahcien no Tapang ko niktonan Ningra a sowal i takowanan. Tapangaw, o mida'ocay ko sini'ada Iso. Nanay lahcien Iso ko nisatapangan Iso a tayal.

Yohani 6:29

Paca'of sa ci Yis, <> han Ningra.

Dmak 11:18

Mitngil ko tamdamdaw tonini a sowal i, trep sato. Pahmek sa cangra to Kawas a somowal, <> saan.

Dmak 16:14

Ira a mitngil ko ccay a nanitiraay i Tiyatira ci Litiya hananay a fafahiyan. O pacakayay cingra to maloloay a kiradom. O mita'ongay to Kawas a fafahiyan cingra. Mafohat no Tapang ko faloco' ningra saka, misongila' cingra a mitngil to sowal ni Pawlo.

1 Korinto 1:8

O papatanekteken no Tapang ko piti'er namo tahira i pahrekan. Ta ano irato a tayni ko Tapang ita ci Yis Kristo i, caay ka pastek kamo i raraw.

2 Korinto 1:15

Tona mahaen ko katanektek no faloco' ako a paso'lin saka, misahalaka kako i sa'ayaw to sakatayraaw ako i tamowanan a miliso'. Ta matongal ko lipahak namo a malmed.

2 Korinto 2:3

O nika matira no nipipatilid ako i 'ayaw i, ano tayra kako i tamowanan i, o saka^caaw pakasmer namo i takowanan, o sapalipahakaw namo i takowanan. Nawhani o lipahak ako i, o sakalipahak namo a ma^min saan ko pipaso'lin ako.

2 Korinto 7:16

Salipahak sa kako i tamowanan. Nawhani tanektek ko pipaso'lin ako to dmak namo.

2 Korinto 9:4

Ano caay haenen namo i, ano malahaklongto kami ato Makitoniya a tamdaw a tayra i tamowanan, ano mahapinang nangra ko nika caho pipatala namo, tona hatini ko pipaso'lin niyam i tamowanan i, malakangodoanto ita konini.

Kalatiya 5:10

Nikawrira, oyananto ko pipaso'lin ako tamowanan. Nawhani malcaday kita a o i salaloma'ay no 'orip no Tapang. Saka, o mamalcad ko harateng ita sa kako. Nikawrira, ano cimato ko mirawraway i tamowanan i, o mamatfoc no Kawas koya tamdaw.

Ifiso 4:12

O sakapihaen no Kawas i, o pipatala to finawlan no Kawas a matayal to saki Cingraan, patireng to kiwkay, o tireng ni Kristo.

Filipi 1:10

Ta mafana' kamo a mipili' a mido^do to sanga'ayay a dmak. Ta makorac kamo, awaay ko tatoro'en a raraw namo i piliyawan ni Kristo a tayni.

Filipi 1:29

Nawhani o sakapitoro' no Kawas i tamowanan a papitoor ci Kristoan i, caay ko pipaso'lin namo Cingraan a ccay. O mamilifet kamo to pades tona mitoor Cingraan.

Filipi 2:12

Orasaka, kaolahan ako a salikaka, samatiyaen o ha:tiniay ko nipihaklong namo i takowanan. Aka ka itiya i nika iraan ako a ccay. Ano awaawa kako anini i, ikakaen ko nipihaklong namo. Ka o nano ngodo no faloco' namo ko sakapisa'icel namo a milahci to tayal no Kawas a pa'orip tamowanan.

Filipi 2:13

Nawhani mararid ko Kawas a matayal i faloco' namo a pafaloco' a papilahci to nafaloco'an Ningra.

Filipi 2:16

a ma'imer to saka'orip a sowal. Ano haenen namo i, ira ko kalata'angan ako tamowanan i piliyawan ni Kristo a tayni. Nawhani onini ko kacipinangan ako to nika ci^poc no nisa'icelan ako ato nika rorayan ako.

Kolosay 2:12

Yo mapaino' kamo i, mapakapot kamo ci Kristoan a matadem. Pakayni i nipipaso'lin namo a miti'er to 'icel no palowaday ci Kristoan a pa'orip nai patay a Kawas a mapakapot kamo i Cingraan a mapalowad a mapa'orip nai patay.

1 Tisalonika 1:3

nawhani maharateng niyam i ka'ayaw no Wama a Kawas ita ko pipatalahkal namo i dmak to piti'er namo i Kawas ato nika roray namo a matayal to nano olah namo ato nika tanektek no kacifaloco'an namo to Tapang ci Yis Kristoan.

2 Tisalonika 1:11

Onini ko sakararid niyam a mitolon to saki tamowanan. Yo mitolon kami to Kawas i, nanay matatodong i niharatengan no mitahidangay tamowanan a Kawas ita kamo. Nanay pakayni i 'icel Ningra a malahci Ningra a ma^min ko nilongocan namo to sakanga'ay no pinangan namo ato dmak no nipiti'er namo Cingraan.

2 Tisalonika 3:4

Mapatanektek no Tapang ko faloco' niyam a papipaso'lin i tamowanan. Saka, mado^do namo i matini ko limo'ot niyam. O mamararid kamo a mido^do tonini saan kami.

Filimon 1:21

Paso'lin kako to nipido^do iso to sowal ako saka, patilid kako i tisowanan. Nawhani mafana' kako to nika ikaka no nilongocan ako ko nipilahci iso to dmak.

Hipray 10:35

Orasaka, aka sawaden ko cicdiay a faloco' namo. Ano hatini ko faloco' namo i, caay ka ^ca ka mapakaolah kamo.

Hipray 12:2

Pamoteken ita a minengneng ko piti'eran ita ci Yis. Nawhani o palowaday, o milahciay to pitoor ita Cingra. O sapilayapaw Ningra to aira a malolipahak Ningra saka, o nika pakangodo Ako ko mimaanay, saan Cingra. Hadidi han Ningra ko nika pacek Ningra i ciwcika. Maro' Cingra anini i kawanan no tadamaanay a kamaro'an no Kawas.

1 Pitiro 5:10

I ikor no nika pades namo to pasamoay i, oya pafliay to polong no mikomi a Kawas, o mitahidangay a pakayni ci Kristo Yisan a malaccay a mida'oc a marihaked i ci'dilay a Kawas, o mamipalowad i tamowanan a pafli to 'icel ato tanoktokay a paranaan namo.

2 Pitiro 3:10

Nikawrira, o mamatiya o mitakaway a tamdaw koya romi'ad to nipiliyaw haca no Tapang a fahal sa tayni. Itiya a romi'ad i, o mamalahdaw ko kakarayan i tata'angay a harengheng, o mamatodoh a maprar ko i laloma'ay no kakarayan, o mamalasawad a ma^min ko sra ato maamaan a pinasanga' i hkal.