Filipi 1:15 - 阿美語聖經-新約附詩篇箴言

¹⁵ O romaroma a tamdaw i, o nano 'inap ato kacacoli nangra ato tao ko sakapipatnak nangra to pakayniay ci Kristoan. O romaroma a tamdaw i, o nano nga'ayay a faloco' ko sakapipatnak nangra.

Filipi 1:15 Iomraidhean Croise

Matay 23:5

O sapa'araw aca i tamdamdaw ko dmak nangra a ma^min. Sakakahaden nangra ko pipatlian to tatatoyen nangra a cudad. Sakakaya'en nangra ko miramir no riko' nangra.

Dmak 10:36

Pakaynien no Kawas ci Yis Kristoan ko nipipatnak to sakararihaday a Nga'ayay Ratoh i Israil. (Ci Yis Kristo ko Tapang no polong no tamdaw.)

Dmak 11:20

Nikawrira, ira i cangraan ko papinapina a Sayprus a tamdaw ato Kirini a tamdaw. Yo tahira cangra i Antiyok i, pasowal han nangra ko Krisiya a tamdaw a mipatnak to pakayniay i Tapang ci Yisan.

Dmak 5:42

Saka, ano i Fangcalay Pita'onganto, ano i lomaloma'anto i, mararid cangra to romi'ami'ad a mipasifana', mipatnak to nika o Kristo ci Yis.

Dmak 8:35

Saka, pakayni han ni Filip tonini a tosir ko pipasowal ningra cingraan to Nga'ayay Ratoh to pakayniay ci Yisan.

Dmak 8:5

Tayra ci Filip i tata'angay a niyaro' i Samariya a pala a patnak i tamdamdaw to pakayniay i ci Kristoan.

Dmak 9:20

Ta tangsol sa cingra a tayra i kasa'opo'opoan a loma' no Yutaya a tamdaw a patnak to nika o Wawa no Kawas ci Yis saan.

Loma 2:8

Nikawrira, o misatkeday, o caay pido^do to so'linay a sowal no Kawas, o paci^ci sanay a mitoor to caay ka mo^cel a tamdaw i, o kakteren no Kawas cangra.

1 Korinto 1:23

Kita sa i, patnak to pakayniay i nika pacek ni Kristo i ciwcika. Nikawrira, ma'osi ko Yutaya a tamdaw tonini. Pakomaapaay ko roma a finacadan tonini.

1 Korinto 13:3

Ano ma^mi^min ko dafong ako a malasapalada', ano kinafalafalah kako to tireng ako a matodoh ano caay ka ciolah kako to tamdaw i, awaay ko ^poc no dmak ako.

2 Korinto 1:19

Nawhani, o nipatnakan ako aci Silas aci Timoti i tamowanan a Wawa no Kawas ci Yis Kristo i, caayay ko <> so'linay, oya <> no Kawas Cingra.

2 Korinto 11:13

O matiniay a tamdaw i, o pacfaay a tarokos, o misa'fitay to tamdaw a matayalay, o misamatiyatiyaay o tarokos ni Kristo cangra.

2 Korinto 12:20

O katalawan ako a tayra i tamowanan i, ano malalitmoh kita itiya, latek caay ka lcad to niharatengan namo kako. Latek caay ka lcad to niharatengan ako kamo. Latek ira ko macacoliay, ma'inapay, makteray, misatkeday, milokesay, milikafay, misatakaraway ato miparawraway a dmak namo.

2 Korinto 4:5

Caay pasowal kami to pakayniay i tireng niyam. O mipasowalay kami to nika <> O mamatayal namo kami to saki ci Yisan.

Kalatiya 2:4

Ira ko dokdok sanay a matiya o misolapay a micomod to kiwkay niyam a pacfaay a salikaka. Mangalay cangra a mihapinang to nika samaan no pitoor niyam ci Yis Kristoan. Onini i, o sapa'orongaw nangra i tamiyanan to kartengay a lkakawa.

Filipi 2:3

Ano o maamaanto a dmak i, aka ka o misatkeday, aka ka o mipasnengay ko dmak namo. Ka o misapo^neray ko faloco' namo. Ikakaay no mako ko tao, han ko faloco' namo a masasingodongodo.

1 Timoti 3:16

Kafana'anto no 'alomanay ko nika o tadamaanay ko kmod no pitooran ita. Malatamdaw Cingra a talahkal. Mapahapinang no Fangcalay 'Adingo ko nika o mo^celay Cingra. Ma'araway no coyoh Cingra. Mapatnakay Cingra i kasakitakit. Mapakaso'linay no tamdamdaw Cingra. Makakoyay Cingra a talakakarayan.