Filipi 1:11 - 阿美語聖經-新約附詩篇箴言

¹¹ Ta masafaco ni Yis Kristo i faloco' namo ko mo^celay a dmak. Ta makahmek no tamdaw ko Kawas to nika tadamaan Ningra.

Filipi 1:11 Iomraidhean Croise

'Olic 1:3

Matiya cingra o nipalinahan a mipalomaan i tatihi no 'alo a losay a kilang, maraod ko kacihcian i, cihci. Caay ka rasras ko papah. Ano o maan ko nidmakan ningra i, malahci a ma^min.

Matay 5:16

Orasaka, haenen ko likat namo a pata^ngad to tamdamdaw. Ta pakayni i nipipaka'araw nangra to nga'ayay a dmak namo ko sapahmek nangra to Wama namo i kakarayan.

Yohani 15:16

Caay ko amo ko mipili'ay i Takowanan, Kako ko mipili'ay i tamowanan, ta ocoren Ako kamo to sakacihciaw to caay ka lasawad a hci. Ano o maamaan to ko nilongocan namo ci Wamaan pakayni i ngangan Ako i, caay ka ^ca paflien Ningra kamo.

Yohani 15:2

O caay ka cihci a ca'ang Ako a ma^min i, ktonen no Wama a mifalah. O cihciay a ca'ang a ma^min i, songila'en Ningra to sakaloficaw no hci.

Yohani 15:8

Ano adihay ko hci namo i, mapahmek ko Wama Ako. Onini ko sapahapinang namo to nika o nisawawaan Ako kamo.

Loma 15:28

Orasaka, ano mahrekto kako a mipatorod i cangraan to nisa'opoan a payso i, o papakayra kako i tamowanan a tayra i Sipaniya.

Loma 6:22

Nikawrira, matdalto kamo anini nai sapalit no raraw. Saka, malakolito no Kawas kamo. O mipacakatayto kamo i Kawas to polong no 'orip namo. O hci nonini a dmak namo i, o mida'ocay a 'orip.

1 Korinto 10:31

Orasaka, o nika komaen, o nipinanom, ato nipidmak namo to maamaan i, ka o sapahmek to Kawas a ma^min.

2 Korinto 9:10

Pafli ko Kawas i mifolsakay a tamdaw to sapaloma ato malokakaenen nangra a ^pang. Onini a Kawas ko papafli i tamowanan to adihayay a sapaloma a palahad a patongal to hci no nga'ayay a dmak namo.

Ifiso 1:12

Orasaka, kami o sa'ayaway a cifaloco' ci Kristoan ko papahmek to nika tadamaan no Kawas.

Ifiso 1:14

Onini a Fangcalay 'Adingo ko kacipinangan ita to nika o mamalayap ita ko niktonan Ningra. O romasato, songila'en no Kawas a paini ko finawlan Ningra a mipakonira. O hahmeken ita ko nika tadamaan no 'dil no Kawas!

Ifiso 2:10

O misanga'ay titaanan ko Kawas. Pakaynien no Kawas i nika laccay ita aci Kristo Yis ko nipisafa^loh titaanan to sakanga'ayaw no dmak ita. O nisahalakaanto no Kawas konini naniti:ya aca to dadmaken ita.

Ifiso 5:9

O masamaamaanay a nga'ayay ato mo^celay ato so'linay ko dmak no i ta^ngaday a tamdaw.

Filipi 4:17

O sakasaan ako i, caay ko nipilongoc ako to sapafli namo i takowanan. O kangalayan ako i, o nika tongal no nika lmed namo.

Kolosay 1:10

Ta mado^do namo ko matatodongay i nafaloco'an no Tapang a dmak a mararid a palipahak i Cingraan. Ta nga'ay ko dmak namo a ma^min. Ta matongal a matongal ko nika fana' namo to Kawas.

Kolosay 1:6

Matnak a matnak i polong no hkal konini a Nga'ayay Ratoh a lomahad a cihci i faloco' no mitngilay, mahaenay kamo, namitngil kamo to pakayniay i mikomi no Kawas i, mahapinangto namo ko nika so'lin nonini a tahanini, saka, malahad i tamowanan konini a Nga'ayay Ratoh a cihci.

2 Tisalonika 1:12

Ta pakayni tonini a mapa'dil namo ko ngangan no Tapang ita ci Yis, ta pakayni i Cingraan a pakalayap kamo to 'dil. O sakalahci nonini i, o nano mikomi no Kawas ato Tapang ci Yis Kristo.

Titus 3:14

O papasifana'en ko salikaka no mita to sakalalokaw nangra to nga'ayay a dmak a mipadang to kacango'otan nangra to sakaci^pocaw no 'orip nangra.

Hipray 12:11

Ano misalof ko cima a palatamdaw titaanan i, caay ko kalipahakan ita itiya, o kararoman ita. Nikawrira, i ikoray i, pakayni tonini a dmak ko sakacirihaday ato sakamo^cel no dmak no mita o nilifetan a tamdaw.

1 Pitiro 2:12

Sanga'ayen ko dmak namo i roma a finacadan. Ta ano pakotatiitiihay cangra tamowanan i, pakayni i nipipaka'araw nangra to nga'ayay a dmak namo ko sapahmek nangra to Kawas i piliyawan Ningra a tayni.

1 Pitiro 2:5

Kamo ko roma a matiya o ma'oripay a fokloh. Ka o malosapatireng kamo to no 'adingoan a pita'ongan. Ta malafangcalay a citodongay to ta'ong kamo a matayal itira. Ta pakaynien namo i ci Yis Kristoan ko nipipacakat namo to kaolahan no Kawas a caay ka 'araw a sapacakat.

1 Pitiro 2:9

Nikawrira, o nipili'an a finacadan kamo. O no Hongtian a citodongay to ta'ong, o fangcalay a kitakit, o no Kawas a finawlan kamo. O mitahidangay Cingra i tamowanan a paliyas nai to'manay a patayra i ta^ngaday itira i kafahka'an a dmak Ningra. Ta pakayni i tamowanan a mapatnak ko tadamaanay a dmak no Kawas.

1 Pitiro 4:14

Ano o nipitoor namo ci Kristoan ko sakasamsam namo i, o malmeday kamo. Nawhani i tini a mahapinang ko nika ^pod no tadamaanay a 'Adingo no Kawas i tamowanan.