Filipi 1:10 - 阿美語聖經-新約附詩篇箴言

¹⁰ Ta mafana' kamo a mipili' a mido^do to sanga'ayay a dmak. Ta makorac kamo, awaay ko tatoro'en a raraw namo i piliyawan ni Kristo a tayni.

Filipi 1:10 Iomraidhean Croise

Matay 16:23

Siikor sa ci Yis a pasayra ci Pitiroan a somowal, <> han Ningra.

Matay 26:33

Paca'of sa ci Pitiro i ci Yisan, <> han ningra.

Yohani 1:47

Ma'araw ni Yis ko nipiraod ni Natanail i Cingraan saka, sowal sa ci Yis to pakayniay i cingraan, <> saan.

Yohani 3:20

O tatiihay ko dmak a tamdaw i, ma'osi to ta^ngaday. Caay ka kahi a miraod to ta^ngaday. Nawhani matalaw cingra a mahapinang ko tatiihay a dmak ningra.

Dmak 24:16

Saka, mararid kako a misa'icel to saka^caaw ka toro' no nga'ayay a faloco' ako i ka'ayaw no Kawas ato i ka'ayaw no tamdaw.

Loma 12:2

Aka pitodong kamo to dmak ato pinangan nonini a hkal. Pakoniraen ko Kawas a papisongila' a mifalic to faloco' ato harateng iso. Ta ma^deng kamo a mafana' to nafaloco'an no Kawas to nika o maan ko nga'ayay a karahkeran Ningra a masongila'ay a dmak.

Loma 12:9

Ka o so'linay ko piolah to tamdaw. Ka'osien ko tatiihay. Ka'imeren ko nga'ayay.

Loma 16:17

Salikakaaw, palimo'ot kako i tamowanan. Pina'on kamo a minengneng to parawraway ato patahfikoday a tamdaw. O miliyangay cangra to ninanaman namo a sifana'. Piliyas kamo cangraan.

Loma 2:18

Pakayni i Rikec ko sakafana' iso to nafaloco'an no Kawas. Saka, mafana' kiso a mihapinang to nga'ayay a dmak.

Loma 7:16

Tona caay ko kangalayan ako ko nidmakan ako saka, o pahapinangay kako to nika o nga'ayay ko Rikec.

Loma 7:22

Maolah ko faloco' ako a miharateng to Rikec no Kawas.

Loma 8:7

Mala'ada no Kawas ko mipaci^ciay a mitoor to pinangan no tireng. Nawhani caay pido^do cingra to Rikec no Kawas. So'linay caay pakado^do cingra.

1 Korinto 1:8

O papatanekteken no Tapang ko piti'er namo tahira i pahrekan. Ta ano irato a tayni ko Tapang ita ci Yis Kristo i, caay ka pastek kamo i raraw.

1 Korinto 10:32

Aka ka o patahafikoday ko dmak namo to Yutaya a tamdaw ato roma a finacadan ato kiwkay no Kawas.

1 Korinto 8:13

Orasaka, ano o nikakomaenan ako to titi ko sakatahfikod no salikaka a ciraraw i, caayto ko kakomaen kako to titi a tahada'oc. Ta caayto ka tahfikod a ciraraw ko salikaka.

2 Korinto 1:12

O caay pikilif, o nai Kawasay a nga'ayay a faloco' ko sapipawacay ita. Caay ko nano taneng no tamdaw, o nano 'icel no mikomi no Kawas ko sakakakafit ita. O nika ^ca paska no faloco' niyam ko kacipinangan niyam to nika nga'ay no dmak niyam i ka'ayaw namo ato i ka'ayaw no tamdamdaw. Saka, malita'ang kami tonini.

2 Korinto 2:17

Caay ka matiya o 'alomanay a tamdaw kami a patdo sa a pasowal to sowal no Kawas. Nawhani o niocoran no Kawas kami. Saka, so'linay ko sowal niyam i ka'ayaw no Kawas a matayal to ni Kristo.

2 Korinto 6:3

O saka^caaw ka lokes no tayal niyam saka, caay picara kami to cimacima a tamdaw.

2 Korinto 8:8

Onini a sowal ako i, caay ko palimo'otay tamowanan. Mangalay kako a pahapinang to so'linay a olah namo a mipadang. Saka, patinakoen ako kamo to no tao a lalok.

Kalatiya 5:11

Salikakaaw, ano patnakho kako to sapido^doaw no tamdaw to krit a lisin i, kona caay ka kari'ang kako i matini. Ano hatira i, kona awaay ko tahfikoday to ciwcika.

Ifiso 4:15

O romasato, ka o nano olah no faloco' ita ko sakaso'lin no sowal, ta malahad a malahad ko faloco' a miringi ci Kristoan i masamaamaanay a dmak. Nawhani o Tapang no sa'opo no mitooray Cingra.

Ifiso 5:10

Orasaka, hapinangen ko nika o maan ko karahkeran no Tapang.

Ifiso 5:27

ta malamakapahay, malamakoracay, o awaay ko nadokadoka'an, caay ka ci'oning, ano ^ca i caay ka cikofel, ta o nga'ayay a sapacakat i tireng no niyah.

Ifiso 6:24

Nanay, mapaini no Kawas to mikomi Ningra ko polong no caay ka falic ko piolah to Tapang ita ci Yis Kristoan a tamdamdaw.

Filipi 1:16

O nano olah no faloco' nangra ko sakapipatnak nangra. Nawhani o nipatirengan no Kawas ci Pawlo to malopapa'ading to Nga'ayay Ratoh saan ko nika fana' nangra.

Filipi 1:6

Oya misatapangay to nga'ayay a tayal i faloco' namo a Kawas ko mamilahci tonini tangasa i piliyawan ni Yis Kristo a tayni saan ko pipaso'lin ako i tamowanan.

Filipi 2:16

a ma'imer to saka'orip a sowal. Ano haenen namo i, ira ko kalata'angan ako tamowanan i piliyawan ni Kristo a tayni. Nawhani onini ko kacipinangan ako to nika ci^poc no nisa'icelan ako ato nika rorayan ako.

1 Tisalonika 3:13

Nanay, mapatanektek no Tapang ko faloco' namo, ta ano miliyaw a tayni ko Tapang ita ci Yis a malahaklong ato mitooray i, makorac, masongila' kamo i ka'ayaw no Wama a Kawas ita.

1 Tisalonika 5:21

Hapinangen a mipalita ko masamaamaanay a dmak. Ka'imeren ko nga'ayay a dmak.

1 Tisalonika 5:23

Nanay oya parihadayay a Kawas ko to^to sanay a misongila' a mikorac i tamowanan! Nanay masongila' a madipot ko 'adingo ato salo'afang ato tireng namo. Ta ano miliyaw a tayni ko Tapang ita ci Yis Kristo i, awaay ko tatoro'en a raraw namo!

1 Yohani 4:1

Kaolahan ako a salikaka, aka patdo a paso'lin toya, o maaro'ay no Fangcalay 'Adingo kako, ya sanay. Hapinangenho a mipalita ko nika o nai Kawasay hakiya? Caay hakiya? Nawhani 'aloman ko mangah a pali'ayaway to sowal no Kawas a masadak a talacowacowa.

Pa'arawan 2:2

mafana' Kako to nidmakan iso ato roray iso a matayal ato nika kodait iso. Mafana' Kako to nika caay pakahadidi kiso to tatiihay ko dmak a tamdaw. Mafana' Kako to nipilifet iso to caay ko tarokos i, o tarokos kako sanay a tamdaw a mihapinang to nika o misamangahay cangra.