Dmak 8:9 - 阿美語聖經-新約附詩篇箴言

⁹ Ira itira toya niyaro' ci Simon hananay a tamdaw. O cikawasay cingra to ha:tiniay a pafahka' to finawlan no Samariya. O tadamaanay kako sa cingra to tireng ningra.

Dmak 8:9 Iomraidhean Croise

Yohani 7:18

Ano o no tireng a harateng ko nitooran no tamdaw a pasowal i, o milongocay cingra to sakatadamaan ningra. Nikawrira, o milongocay to sakatadamaan noya miocoray i Takowanan a Kawas i, o so'linay a tamdaw, o awaay ko mangah ningra.

Dmak 13:6

Rakaten nangra ko polong noya kanatal. Yo tangasa cangra i Pafos i, malitmoh nangra ko ccay a cikawasay ci Par-Yisu hananay a Yutaya a tamdaw. O pali'ayaway to sowal no Kawas kako saan cingra to tireng ningra.

Dmak 13:8

Nikawrira, pacolien ni Ilimas o cikawasay koya tatosaay to saka^caaw paso'lin noya mikomoday. (O Ilimas sanay i, o no Krisiya a ngangan ningra.)

Dmak 5:36

Nawhani i 'ayaw i, ira a tomireng ci Tiutas a misatadamaamaan to tireng. O mihaklongay cingraan a tamdaw i, ma^deng spat a so'ot (400) ko tamdaw. Nikawrira, namapatay no tao cingra i, liwasak sato a ma^min koya mihaklongay cingraan a tamdaw. Awaayto ko ^po^poc noya dmak ningra.

Dmak 8:11

Halafinto cingra a cikawas a mipafahka' to finawlan. Saka, pasayra ko faloco' no finawlan a ma^min i cingraan.

2 Tisalonika 2:4

O papacolien ningra ko kawakawas hananay a ma^min ato nita'ongan a maamaan a misatakaraw to tireng. O mamaro' cingra i Fangcalay Pita'ongan to Kawas a palakawas to tireng ningra.

2 Timoti 3:2

Itiya i, o malamisatkeday, o ma'anofay to dafong, o pasnengay, o misatakaraway ko faloco', o milokesay, o misiikoray to mama ato ina, o caay ka fana' a miahowid, o caayay ka korac ko faloco',

2 Timoti 3:5

O fadic aca ko pitooran nangra, nikawrira, mina'ay to so'linay a pitooran. O hatiniay a tamdaw i, ka piliyas kamo i cangraan.

2 Pitiro 2:18

Pasneng cangra a pasowal to awaay ko ^poc a sowal. Pakaynien nangra i 'anof ato ma'otitay a dmak ko nipisawi nangra toya liyas sanayho to moraraway ko dmak a tamdaw.

Pa'arawan 22:15

Nikawrira, i papotal no niyaro' ko mato wacoay a kasimelangan ko dmak, o misatangkiay, o ma'odangay, o mipatayay to tamdaw, o mita'ongay to samiyay ato maolahay a misamangah a tamdaw a ma^min.