Dmak 8:14 - 阿美語聖經-新約附詩篇箴言

¹⁴ Matngil no i tiraay i Yirusalim a tarokos ko nipilayap no Samariya a tamdaw to sowal no Kawas. Saka, ocor hanto nangra ci Pitiro aci Yohani a patayra i cangraan.

Dmak 8:14 Iomraidhean Croise

Matay 13:23

Nikawrira, o tatodong no mafolsakay a sapaloma i nga'ayay a sra hananay i, mitngil ko tamdaw to sowal no Kawas i, mafana' cingra. Ta cihci cingra. Yo militodto i, ira ko cihciay to smo'ot, ira ko cihciay to ^nem a polo', ira ko cihciay to tolo a polo',>> han Ningra.

Luka 22:8

<> han ni Yis ci Pitiro aci Yohani a miocor.

Yohani 12:48

O mifalahay Takowanan a caay pilayap to sowal Ako i, ira ko mamisawkit i cingraan. O sowal Ako ko mamisawkit cingraan i saikoray a romi'ad.

Dmak 11:1

Itiya i, matngil no tarokos ato i tiraay i Yutaya a salikaka ko nika halo roma a finacadan a milayap to sowal no Kawas.

Dmak 15:4

Tahira cangra i Yirusalim i, hamhamen no kiwkay ato tarokos ato ciwlo cangra a militmoh. Saka, pakafana'en na Pawlo cangra to pakayniay i pikapot no Kawas cangraan a matayal.

Dmak 17:11

O i tiraay a Yutaya a tamdaw i, ikaka no i Tisalonikaay a tamdaw ko nika nga'ay no faloco' nangra. Tadamalalok cangra a mitngil to sowal no Kawas. So'linay hakini caay hakini saan cangra a mitiri' to Fangcalay Cudad to romi'ami'ad.

Dmak 2:41

'Aloman ko mipaso'linay to sowal ni Pitiro. Ta mapaino' cangra. Saka, ma^deng tolo a patek (3,000) ko tamdaw to mitongalay a mikapot i cangraan toya romi'ad.

Dmak 8:1

Onini a dmak to nipipatay ci Stifanoan i, mihaydaay ci Sawlo. Nanitiya a misatapang ko tata'angay a pikari'ang to kiwkay i Yirusalim. Maliwasak a ma^min ko mitooray ci Kristoan a tayra i Yutaya ato Samariya a pala. Dengan o tarokos a ccay ko caay ka liwasak.

Kalatiya 2:9

Mahapinang na Yakop aci Pitiro aci Yohani, o na tatoloay a cinganganay a malohcek no kiwkay ko nipipatorod no Kawas i takowanan tonini a micidekay a tayal. Saka, laya' sato to kamay cangra a mimetmet to kamay niyam aci Parnapas a pahapinang to nika o kapotto nangra kami a matayal. Mihai kami a ma^min to sakatayraaw niyam aci Parnapas i roma a finacadan a matayal ato sakaitiraaw nangra o kakrikridan i Yutaya a tamdaw a matayal.

1 Tisalonika 2:13

Yo patnak kami to sowal no Kawas i tamowanan i, mitngil kamo, paso'lin kamo. O sowal no Kawas konini, caay ko no tamdaw saan kamo. So'linay konini. O Kawas ko matayalay i tamowanan o paso'linay. Onini ko roma a sakararid niyam a mikansiya i Kawas.

1 Tisalonika 3:2

Saka, ocoren niyam ko salikaka ita ci Timoti, o kapot niyam a matayalay to no Kawas a patnak to Nga'ayay Ratoh to pakayniay ci Kristoan. O sakapiocor niyam cingraan i, o sapa'icelaw niyam a patanektek to piti'er namo i Kawas.

2 Tisalonika 2:10

O mamidmak cingra to masamaamaanay a tatiihay a dmak a misa'fit to mamatkop a tamdamdaw. O nika caan ka olah nangra a milayap to sapa'orip i cangraan a so'lin ko sakatkop nangra.