Dmak 7:8 - 阿美語聖經-新約附詩篇箴言

⁸ Patirengen no Kawas ko malodado^doen ni Apraham a krit a lisin to malokacipinangan to nika tatlek nangra. Saka, yo ciwawa ci Apraham ci Isakan, nahofocen saka falo a romi'ad i, do^doen ningra ko lisin a mikrit cingraan. Nanoya, do^doen ni Isak ko lisin a mikrit ci Yakopan. Do^doen ni Yakop ko lisin a mikrit to tosaay ko safaw a wawa ningra. Onini a wawa ko tatapangan no tosaay ko safaw a ngangasawan.

Dmak 7:8 Iomraidhean Croise

Matay 1:2

Ci Apraham ko mama ni Isak. Ci Isak ko mama ni Yakop. Ci Yakop ko mama ni Yuta ato salikaka ningra.

Yohani 7:22

Papitooren ni Mosi kamo to no krit a lisin. (Nikawrira, caay ka ci Mosi ko misatapangay, o tato'asan namo ko misatapangay tonini a dmak.) Midmak kamo tonini a krit a lisin to Pasla'an a Romi'ad.

Dmak 2:29

<

Loma 4:10

O hacowa ko sapisa'osi no Kawas ci Aprahaman a milayap hakiya? I hrek no nipido^do ningra to krit a lisin hakiya? Ano ^ca i, i 'ayaw no pido^do ningra to krit a lisin hakiya? I 'ayaw no nipido^do ningra to krit a lisin a masa'osi no Kawas cingra a milayap.

Kalatiya 3:15

Salikakaaw, patinakoen ako kamo a somowal to no tamdaw. Ano nikahrekanto no tatosa a matatlek i, cimaho ko palasawaday ano ^ca i, patongalay saw? Awaay.

Kalatiya 3:17

O tatodong no sowal ako i, yo matatlek ko Kawas aci Apraham i, o mamalahci ko nisowalan Ako saan ko Kawas. O nipatorodan no Kawas ci Mosian a Rikec i ikor no spat a so'ot ira ko tolo a polo' (430) a mihcaan i, caay ko palasawaday toya i 'ayaway a katatlekan ato niktonan no Kawas a sowal.

Hipray 7:4

Haratengen, hakowa ko nika tadamaan ningra. Halo ci Apraham o tato'asan ita a pafli i cingraan to ccay no mo^tepay no nialaan ningra i kalaloodan a safangcalay a dafong.