Dmak 5:5 - 阿美語聖經-新約附詩篇箴言

⁵ Mitngil ci Ananiyas tonini a sowal i, polin sato a mapatay. Matngil no tamdamdaw konini a dmak i, tata'ang ko talaw nangra.

Dmak 5:5 Iomraidhean Croise

'Olic 119:120

Mirmir sa ko tireng ako to nano talaw ako i Tisowanan, tona makoki' kako to pisawkit Iso saka, matomes no talaw kako.

'Olic 64:9

Itiya i, o mamatalaw a ma^min ko tamdamdaw, o papasowal cangra to tayal no Kawas, o mamiharateng a mafana' cangra to dmak Ningra.

Dmak 13:11

O mamatfoc no Tapang kiso. O mamapohaw kiso ta caay paka'araw kiso to cidal to pinapina a romi'ad,>> han ningra i. Tangsol sa a matahpo no canem ato to'man cingra. Saka, sakapkapkap sato cingra a mikilim to mamikayat cingraan.

Dmak 2:43

Adihay ko nidmakan no tarokos to masamaamaanay a kafahka'an a dmak saka, mangodo ko finawlan a ma^min i cangraan.

Dmak 5:13

Talacowa mangodo mahmek ko finawlan no niyaro' i cangraan, nikawrira, paska a mikapot i cangraan ko romaroma a tamdaw.

1 Korinto 4:21

O maan ko kangalayan namo saw? O pitatoy ako to sasti' a tayra i tamowanan ko nga'ay hakiya? Ano ^ca i, o olah ato damsayay a faloco' ako ko nga'ay hakiya?

2 Korinto 13:10

Orasaka, i nipiliyas ako i tamowanan a mitilid tonini a tikami. Ta ano tayra kako i tamowanan, nanay caay ka ca^des ko sowal ako i tamowanan a patalahkal to nano nipaflian no Tapang i takowanan a sakowan. Onini a sakowan ako i, o sapatirengaw i tamowanan a palatamdamdaw. Caay ko sapipalasawadaw i tamowanan.

2 Korinto 13:2

Ira ko sasowalen ako tamowanan o ciraraway i 'ayaw ato romaroma a tamdaw. Onini a sasowalen ako i, mapasowalto ako yo sakinatosa ako a tayra i tamowanan a miliso'. Maliyas ako kamo i matini saka, liyawen ako a somowal kamo. Ano miliyaw kako a tayra i tamowanan i, caay ko sasamadahen ako kamo a mitfoc.

2 Korinto 7:11

Haratengen ko dmak no Kawas a pakatayal to nika rarom namo. Pakayni tonini ko sakalalok namo a pahapinang to nika awa no raraw namo. Wata: ko nika kter namo. Mackok, miharateng, malalok kamo a mitfoc to caay ka mo^cel. Saka, mahapinang ko nika awa ko tatoro'en a raraw namo to pakayniay toya fangafang.

Pa'arawan 11:13

Itiyasato tata'ang ko lonen. Matlep ko ccay no mo^tepay (1/10) a niyaro'. Mapatay ko pito a patek (7,000) a tamdaw to nika lonen. Saka, tata'ang ko talaw noya 'osaw a ma'oripay a tamdamdaw. Hmek sa cangra to nika tadamaan no Kawas i kakarayan.

Pa'arawan 11:5

Ano sapikari'angan ko cima toya tatosaay i, masadak i ngoyos nangra ko namal a mitkop to 'ada nangra. Ano sapikari'angan ko cima i cangraan i, caay ka ^ca ka haen a mapatay koya tamdaw.