Dmak 5:13 - 阿美語聖經-新約附詩篇箴言

¹³ Talacowa mangodo mahmek ko finawlan no niyaro' i cangraan, nikawrira, paska a mikapot i cangraan ko romaroma a tamdaw.

Dmak 5:13 Iomraidhean Croise

Luka 19:48

Nikawrira, awaay ko pakayraan nangra a mipatay ci Yisan, nawhani pasayra i ci Yisan ko faloco' no finawlan a ma^min a mitngil.

Yohani 12:42

Ano hatiratira i, 'aloman ko paso'linay ci Yisan a kakridan no Yutaya a tamdaw. Nikawrira, matalaw cangra to Farisay a tamdaw saka, caay patalahkal cangra tonini a dmak. Onini i, o talaw nangra to sakalaplapaw nai kasa'opoan a loma'.

Yohani 19:38

Nanoya, ira ci Yosif no Arimatiya. Ngitangiten ningra ci Pilato to sapihaydaaw a miala to tireng ni Yis. (O nisawawaan ni Yis ci Yosif, nikawrira, matalaw cingra to kakrikridan no Yutaya a tamdaw saka, simed sa to pitoor.) Ta hayda hanto ni Pilato, saka, tayra sato ci Yosif a miala to tireng ni Yis.

Yohani 9:22

O sakasaan no mama ato ina ningra a mikilif i, o nika talaw nangra to kakrikridan no Yutaya a tamdaw. Nawhani niktonanto no kakrikridan no Yutaya a tamdaw ko sowal to nika ano ira ko patalahkalay to nika o Kristo ci Yis ano saan i, o lalaplapen koya tamdaw a pasadak nai kasa'opoan a loma' saan. Caayto ko sasa'osien cingra.

Dmak 19:17

Mafana' ko i tiraay i Ifiso a Yutaya ato Krisiya a tamdaw a ma^min tonini a dmak saka, matalaw cangra a ma^min. Mangalef ko pipahmek no tamdaw to Tapang ci Yisan.

Dmak 2:47

Pahmek cangra to Kawas. Malarihaday cangra ato finawlan a ma^min. O romasato, tongalen no Tapang cangra to romi'ami'ad to mafohatay ko faloco' a nipa'oripan Ningra a tamdaw.

Dmak 4:21

Orasaka, mahrek a mipatalaw ko lomaocay i, tdal hanto nangra cangra. Nawhani, awaayto ko pakayrakayraan nangra a mitfoc i cangraan, pakayni tonini a dmak mipahmek to Kawas ko 'alomanay.

Dmak 5:26

Orasaka, lahaklong sato a tayra ko kakridan no midipangay a tayring ato mihaklongay a tayring a mikrid toya tarokos. Nikawrira, caay ka ri'angen nangra, nawhani ano haenen ita i, latek tkolen no finawlan kita to fokloh a mipatay saan ko nika talaw nangra.

Dmak 5:5

Mitngil ci Ananiyas tonini a sowal i, polin sato a mapatay. Matngil no tamdamdaw konini a dmak i, tata'ang ko talaw nangra.

2 Korinto 10:15

O nisa'osian no Kawas a tatayalen ko pi'arawan niyam a pasneng. Caay ko nitayalan no tao ko papasnengen niyam. O longoc no faloco' niyam i, o sakalomahad no piti'er namo i ci Kristoan, ta adihay a adihay ko tatayalen niyam i kasalaloma' no sa'osi no Kawas a pakatayal tamiyanan i tamowanan saan kami.