Dmak 4:32 - 阿美語聖經-新約附詩篇箴言

³² Malaccay ko faloco' no paso'linay ci Kristoan a tamdamdaw. Awaay ko misatkeday nangra to dafong no tireng. Sakapolongan han nangra ko dafong nangra a ma^min.

Dmak 4:32 Iomraidhean Croise

Yohani 17:11

I ikor nonini i, caayto ka i tini i hkal Kako. Nikawrira, i tiniho i hkal cangra. Tayra Kako i Tisowanan. Fangcalay a Wama, nanay o nipaflian Iso i Takowanan a 'icel Iso ko sapidipot Iso i cangraan. Ta matiya o nika laccay Ita ko nika laccay nangra.

Dmak 1:14

Ira a mikapot tonini a tamdaw ko papinapina a fafahiyan, o ina ni Yis ci Mariya ato salikaka ni Yis. Malaccay ko faloco' nangra a masarocod a mitolon.

Dmak 2:1

Yo maraodto ko pisalisinan to saka Lima a Polo' a romi'ad i, malaccay a masa'opo ko mitooray ci Kristoan a ma^min.

Dmak 5:12

Itiya i, adihay ko nidmakan no tarokos a kafahka'an a dmak i tamdamdaw. Malaccay ko faloco' no mitooray ci Kristoan a ma^min a masa'opo i pangpang ni Solomon hananay.

Loma 12:5

Malcad tonini kita. Talacowa 'aloman kita, nikawrira, madadama ko kahaccaccay ita o ca'ang. Pakayni i nika laccay ita aci Kristo a malaccayto ko tatirengan ita.

1 Korinto 1:10

Salikakaaw, pakaynien ako i ngangan no Tapang ita ci Yis Kristo ko pilongoc i tamowanan to sakalaccayaw no sowal namo ato saka^caaw ka lacidecidek namo a masakapokapot. Palcaden ko faloco', palcaden ko harateng namo a masongila' a marikec.

2 Korinto 13:11

Saikoray a sowal ako konini. Salikakaaw, sa'icelen ko namo a malamasongila'ay a tamdaw. Layapen ko pipa'icel ako. Kalaccay ko faloco' namo, kararihaday kamo. Nanay mikapot i tamowanan ko ciolahay ato parihadayay a Kawas!

Filipi 1:27

O kakalimlaan i, nanay mahapinang i 'orip namo ko nipido^do namo to Nga'ayay Ratoh ni Kristo. Ta ano tayrayra kako a minengneng tamowanan, ano ^ca i, ano caacaay ka tayra kako i, matngil ako ko nika laccay no faloco' namo a tanektek ato nika laccay namo a misa'icel a pa'ading to nipaso'linan namo a Nga'ayay Ratoh.

1 Pitiro 3:8

Saikoray a sowal ako i, palaccayen ko faloco' namo a masasipa'ayaw. Kasasiolah kamo o salikaka. Kasasini'ada'ada kamo. Kasasingodongodo ko faloco' namo.

1 Pitiro 4:11

O pakimaday a tamdaw i, ka o sowal no Kawas ko sasowalen. O matayalay a tamdaw i, ka o nipaflian no Kawas a 'icel ko sakatayal. Ta pakayni i ci Yis Kristoan a mapahmek ko Kawas i masamaamaanay a dmak. Nawhani o ci'dilay, o ci'icelay Cingra a tahada'oc! Amin.