O mamapafli ko paso'linay a tamdaw to 'icel to sapidmak to kafahka'an. O ngangan Ako ko sapifahfah nangra to palafoay a pasadak nai tamdaw. O papasowal cangra to fa^lohay a no 'Adingoan a sowal.
Mafana' kamo to pakayniay ci Yisan no Nacali. Paflien no Kawas Cingra to Fangcalay 'Adingo ato 'icel. Mikapot ko Kawas Cingraan saka, mirakat Cingra to niyaroaro' a midmak to nga'ayay. Miadah Cingra to polong no masamsamay no Palafoay.
Rarid saan cingra to pinapina a romi'ad a mihaen to sowal. Ma'samento ci Pawlo. Saka, pasayra sa cingra toya palafoay a somowal, <> han ningra i, tangsol sa a masadak koya palafoay.
O nano 'icel ni Yis ato nano piti'er ningra ci Yisan ko sakatanektek no wa'ay nonini a ma'araway kafana'an namo a tamdaw. Saka, maadahto cingra a ma'araw namo.
Kafana' kamo a mapolong ato finawlan no Israil a ma^min, o sakaadah nonini a tamdaw a tanektek a tomireng i ka'ayaw namo i, o nano 'icel ni Yis Kristo no Nacali oya nipacekan namo i ciwcika a mipatay, oya nipalowadan no Kawas a pa'orip nai patay.
Mato mararomay kami, nikawrira, mararid kami a lipahak. Mato pakoyoc kami, nikawrira, mapakacidafong niyam ko 'alomanay a tamdaw. Mato awaay ko maan aca niyam. Nikawrira, adihay ko maamaan niyam.
Ka o tatodong no kinaira no tireng ko sapasadak namo. Ano o nai faloco'ay namo ko nipipadahof namo i, o karahkeran no Kawas konini. Aka ka o nipaci^cian konini a dmak.
Mafana'to kamo to mikomi no Tapang ita ci Yis Kristo. Nano tadamaanay ko 'orip Ningra. Nikawrira, malapakoyoc Cingra to sakalmed namo. O sakasaan i, pakayni i nika lapakoyoc Ningra a malacidafongay kamo.
Kaolahan ako a salikaka, pitngil to sowal ako. Pili'en no Kawas ko pakoyocay a tamdaw nonini a hkal a palatadamaanay ko piti'er a papikowan to kitakit Ningra, o nano nisowalan Ningra i maolahay Cingraan a tamdaw konini a Kitakit.
Tona masasiromaroma ko pipafli no Kawas i kahaccaccay to sakacirocek to maamaan a malanga'ayay a matayalay, saka do^doen ko nilayapan nai Kawas a masamaamaanay a rocek a pakatayal a masasipadapadang.
