Dmak 3:23 - 阿美語聖經-新約附詩篇箴言

²³ O caay pitngil to sowal nonini a pali'ayaway to sowal no Kawas i, o tatkopen a mifalah nai finawlan.>

Dmak 3:23 Iomraidhean Croise

Maroko 16:16

O paso'linay ta mapaino'ay a tamdaw i, o mamapa'orip. Nikawrira, o caay paso'lin a tamdaw i, o mamapastek i raraw.

Yohani 12:48

O mifalahay Takowanan a caay pilayap to sowal Ako i, ira ko mamisawkit i cingraan. O sowal Ako ko mamisawkit cingraan i saikoray a romi'ad.

Yohani 8:24

Orasaka, o mamapatay kamo i nika cirarawho namo, saan ko sowal Ako i tamowanan. Ano caay paso'lin kamo to nika Kako i, so'linay o mamapatay kamo to nika ciraraw namo,>> han Ningra.

Dmak 2:41

'Aloman ko mipaso'linay to sowal ni Pitiro. Ta mapaino' cangra. Saka, ma^deng tolo a patek (3,000) ko tamdaw to mitongalay a mikapot i cangraan toya romi'ad.

Hipray 10:39

Nikawrira, caay ko miliyasay kita to Kawas. Saka, caay ko mamatkop kita. O paso'linay kita to Kawas. Saka, o mapa'oripay kita.

Hipray 12:25

Pina'on kamo. Latek malama'osiay kamo a mitngil to sowal no pasowalay. Nawhani o ma'osiay a mitngil to sowal no pasowalay to sowal no Kawas i tini i hkal i, awaay ko pakayraan nangra a miliyas to tfoc. Ano misiikor kita to nai kakarayanay a pasowalay i, mangalef ko nika awato no pakayraan ita a miliyas.

Hipray 2:3

Mahaenay saka, ano satalifokilen ita ko tadamaanay a pipa'orip no Kawas i, samaanen ita ko piliyas to pitfoc no Kawas saw? O Tapang ko sa'ayaway a paratoh to pakayniay i pipa'orip Ningra. Ta o so'linay konini saan ko mitngilay a tamdaw. Mapahapinangto nangra i titaanan konini.

Pa'arawan 13:8

Nikawrira, ira ko pitilidan to ngangan no ma'oripay, o cudad no nano mapacokay a Tofor a Siri, o caay ka tilid ko ngangan toya cudad i satapangan no nipisanga' no Kawas to hkal a polong no maro'ay i tini i hkal a tamdamdaw i, o mamita'ong toya 'a'adopen.

Pa'arawan 20:15

O caay ka tilid ko ngangan i pitilidan to ngangan no ma'oripay i, mafahkol a ma^min i namanamalan.