Dmak 28:2 - 阿美語聖經-新約附詩篇箴言

² Fangcal ko dmak no i tiraay a tamdaw i tamiyanan a mihamham. Ma'orad, si^naw ko romi'ad itiya saka, likaten nangra ko namal a pangiro i tamiyanan a ma^min.

Dmak 28:2 Iomraidhean Croise

Matay 10:42

So'linen Ako a somowal kamo, ano cimacima to i, ano o sasafasafaay koya tamdaw, o nisawawaan Ako cingra saka, pananomen ako cingra to ccay a takid a ki^tecay a nanom yasanay a cimacima a tamdaw i, caay ka ^ca o mamapakaolah cingra,>> han ni Yis.

Yohani 18:18

Si^naw itiya saka, milikat to 'afel a misaringo ko matayalay ato midipangay a tayring a tomireng itira a miringo. Mikapot ci Pitiro i cangraan a tomireng a miringo.

Dmak 27:3

Cilasato a romi'ad i, micafer kami i Siton. Sanga'ayen ni Yuliyus ko nipidipot ci Pawloan saka, haydaen ningra ko nika tayra ni Pawlo a miliso' to widang ningra ato nipihalhal nangra ci Pawloan.

Dmak 28:3

'Afalang han ni Pawlo ko ccay a rorong no kasoy a pakasoy i namal. Fa^deten to namal saka, sadak sa ko ccay a cisawarakay a 'oner a mikafit i kamay ni Pawlo.

Dmak 28:4

Ma'araw no i tiraay a tamdaw ko nika tating no 'oner i kamay ni Pawlo i, <> saan ko nika sasowasowal nangra.

Loma 1:14

Ano i macakatayto ko 'orip a tamdaw, ano caayayho kacakat ko 'orip a tamdaw, ano i mafana'ayto a tamdaw, ano i mafokilayto a tamdaw i, ira ko tadah ako i cangraan a ma^min.

Loma 14:1

Pihamham kamo a pacomod to tadancaayho ko piti'er i ci Kristoan a tamdaw. Aka ka laliyang ato cingra to niharatengan ningra.

Loma 14:3

O komaenay to kalokakaenen i, aka piples to caay ka komaen a tamdaw. O dateng aca ko nikaenan a tamdaw i, aka pilikaf toya komaenay to maamaan a tamdaw. Nawhani o nihamhamanto no Kawas cingra.

Loma 2:27

Ano cicudacudad kamo to no Rikec a mido^do to krit a lisin i, tona miliyang kamo to Rikec saka, o mamasawkit no roma a finacadan kamo to raraw namo o Yutaya a tamdaw.

1 Korinto 14:11

Nikawrira, ano o kafokilan ako a mitngil ko sowal no somowalay i, matiya o caay ko finacadan ako cingra. Matiya o roma a finacadan kako a haratengen ningra.

2 Korinto 11:27

O romasato, maroray kako a matayal. Kinapi:na a caay ka ala ko fafoti'en ako to dadaya. Macahiw, maso'aw, kinapi:na kako a awaay ko kakaenen, mapades to si^naw, caay ka deng to riko'.

Kolosay 3:11

Saka, ano o Krisiyato, ano o Yutayato, ano o makritayto a tamdaw, ano caayto ka krit a tamdaw, ano o maapacayto ko 'orip, ano o kolito, ano caayto ko koli i, awaay ko kasasiroma. Nawhani o mikowanay ci Kristo to kalomaamaan. O maro'ay haca i kahaccaccay no tamdaw Cingra.

Hipray 13:2

Aka pitawal a misanga'ay a mihamham to lafang. Nawhani o romaroma a mihaenay to lafang a tamdaw i, o coyoh ko nihamhaman nangra. Caay ka fana'en nangra konini.