Dmak 22:4 - 阿美語聖經-新約附詩篇箴言

⁴ Nao mikari'angay kako to mitooray ci Kristoan a pakayraan a mipatay. Ano o fa'inayanto, ano o fafahiyanto i, paliten ako a pacomod i pirofoan.

Dmak 22:4 Iomraidhean Croise

Dmak 16:17

Mitoor cingra ci Pawloan ato tamiyanan. Cli' saan cingra a somowal, <> saan.

Dmak 18:26

Caay paska ci Apolos a pasowal a pakimad i kasa'opoan a loma' no Yutaya a tamdaw. Matngil ni Priskila aci Akuila konini i, tahidang han nangra cingra a mikrid a patayra i loma' nangra. Ta songila'en nangra a mipakafana' ci Apolos to so'linay a dmak no mitooray to Kawas.

Dmak 19:23

Itiya i, ira a mapalowad i Ifiso a niyaro' ko tata'angay a rawraw to pakayniay i mitooray to Tapang a pakayraan.

Dmak 19:9

Nikawrira, 'atkak ko faloco' no romaroma nangra a caay paso'lin. Lokesen nangra konini a pakayraan i ka'ayaw no finawlan. Saka, papihaklongen ni Pawlo i cingraan ko fa^lohay a nisawawaan a papiliyas toya kasa'opoan a loma'. Itira sato cingra i pakimadan ni Tiranus to romi'ami'ad a mikrid to kalalicalicay.

Dmak 24:14

Nikawrira, mihai kako to ccay. O mitooray kako to pacfaay hananay nangra a pakayraan. Onini i, o pita'ong ako to Kawas no tato'asan niyam. Paso'lin kako to polong no matiliday i Rikec ni Mosi ato nitilidan no pali'ayaway to sowal no Kawas a cudad.

Dmak 7:58

Ta taroh han nangra ci Stifano a pasadak i papotal no niyaro', ta paloen nangra to fokloh a mipatay. Oya paka'araway a tamdaw tonini a dmak i, hlongen nangra ko kafafang nangra a patorod ci Sawloan hananay a kapah.

Dmak 9:21

Fahka' a ma^min ko mitngilay a tamdamdaw tonini. Sowal sa, <> saan cangra.

1 Korinto 15:9

O sasafaay a tarokos kako. Caay ka tatodong kako a cingangan a malatarokos. Nawhani nano mikari'angay kako to kiwkay no Kawas.

Kalatiya 1:13

Matngilto namo ko nano dmak ako a mitoor to pakayraan no Yutaya ato nika codah ako a mikari'ang to kiwkay no Kawas to sapipalasawadaw.

Filipi 3:6

Ano pakayniay i nika lalok ako a mitoor to Kawas i, o mikari'angay kako to kiwkay. Ano pakayniay i nipido^do ako to Rikec ni Mosi i, o mo^celay kako, awaay ko tatoro'en a raraw ako.

2 Pitiro 2:2

O 'a'aloman ko mitodongay cangraan a ma'otit, pakayni i pinangan nangra ko sakalokes no so'lin.