Dmak 20:7 - 阿美語聖經-新約附詩篇箴言

⁷ I kalafian to Pasla'an a Romi'ad masa'opo kami a mitahka. Itiya i, o lalomowad ci Pawlo to cila a romi'ad. Saka, salafii sa cingra a pakimad i 'alomanay.

Dmak 20:7 Iomraidhean Croise

Maroko 16:9

Nalomowad ci Yis a ma'orip nai patay to sa'ayaway a romi'ad no fa^lohay a lipay, ci Mariya no Maktala ko a'ayaway a nipa'arawan Ningra. (Onini a fafahiyan i, o nano nifahfahan ni Yis ko papitoay a palafoay nai cingraan i 'ayaw.)

Luka 22:19

Ta tatoy sato ci Yis to ^pang. Kansiya sa Cingra to Kawas, ta pcih han Ningra konini a pafli i nisawawaan. Sowal sa, <> han Ningra.

Luka 24:35

Pasowalen noya tatosaay cangra to nano dmak i lalan ato nika yo mipcih to ^pang i, mapalita nangra ko nika o Tapang korira saan.

Yohani 20:1

Sa'ayaway a romi'ad no fa^lohay a lipay, yo to'manho to dafak i, tayra i tadem ci Mariya no Maktala, ma'araw ningra ko nika walinto no fokloh nai tadem.

Yohani 20:19

O dadaya noya sa'ayaway a romi'ad no fa^lohay a lipay i, ma'def ko fawahan no kasa'opoan no nisawawaan, nawhani matalaw cangra to kakrikridan no Yutaya a tamdaw. Itiya i, sdak sa ci Yis a tomireng i sifo' nangra, <> han Ningra cangra.

Yohani 20:26

Mata'lif ko ccay a lipay i, masa'opo haca ko nisawawaan itira toya loma'. Itiya i, ira a mikapot i cangraan ci Tomas. Ma'def ko fawahan i, sdak sa ci Yis a tomireng i ka'ayaw nangra. <> han Ningra.

Dmak 16:10

Nama'araw ni Pawlo konini a mapolosi i, tangsol sato kami a mipatala to sakatayraaw i Makitoniya. Nawhani o nipitahidang no Kawas i tamiyanan konini a papipatnak to Nga'ayay Ratoh i cangraan saan ko faloco' niyam.

Dmak 2:42

Mararid cangra a mitngil to pipasifana' no tarokos. Sakapolongan sa ko tayal nangra. Malaccay ko tahka nangra. O romasato, malaccay cangra a mitolon.

Dmak 2:46

To romi'ami'ad i, malaccay ko faloco' nangra a masa'opo i Fangcalay Pita'ongan. Mapolong cangra a komaen i loma' nangra. So'lin ko faloco' nangra a lipahak a komaen.

Dmak 20:11

Ta cakat sato cangra. Pcih sato cangra to ^pang a komaen. Tangasa i kata^ngadan ko nika halafin no caciyaw nangra ta liyas sato ci Pawlo.

Dmak 20:31

Orasaka, kapalal kamo. Haratengen ko nika rarid ako a talalosa' a palimo'ot i tamowanan o kahaccaccay to dadaya to romi'ad to tolo a mihcaan.

Dmak 20:5

I 'ayaw cangra a lomowad. Tala han nangra kami i Troas.

Dmak 20:9

Ira a maro' i sasingaran ci Yutikus hananay a kapah. Halafin ko sowal ni Pawlo saka, tokatok sato cingra. Marda' cingra a mafoti' saka, tfad sa cingra nai sakatolo a tongroh no loma'. Palowad han i, mapatayayto cingra.

Dmak 28:23

Orasaka, tatlek sato cangra to kasa'opoan a romi'ad. Ta tayra sa i pilafinan ni Pawlo ko 'alomanay a tamdaw. Nai dafak tangasa i dadaya ko nika rarid ningra a pakimad to pakayniay i ratoh no Kitakit no Kawas. Kidaten ningra ko Rikec ni Mosi ato nitilidan no pali'ayaway to sowal no Kawas a cudad a misahci a pasowal i cangraan to pakayniay i ci Yisan.

1 Korinto 10:16

O miahowidanto ita a minanom a takid i, caayay ko milada'ay to rmes ni Kristo saw? O mipcihanto ita a komaen a ^pang i, caayay ko milada'ay to tireng ni Kristo saw?

1 Korinto 15:10

Nikawrira, o sakamatini no mako i, o nano mikomi no Kawas. Caay ko nika awa no ^poc no mikomi no Kawas i takowanan. Mikikaka kako to romaroma a tarokos a maroray tona adihay ko tayal. Nikawrira, caay ka o kako ko midmakay tonini. Oya iraay i takowanan a mikomi no Kawas ko midmakay tonini.

1 Korinto 16:2

O sasopeden namo i sa'ayaway a romi'ad no pilipalipay ko sapadahof to salikaka. O kinaira no kahaccaccay namo ko pi'arawan no paytmek namo a misoped. Ta ano tayrato kako i, caay ka talingafoh kamo a mipasadak.

2 Timoti 4:2

Patnaken ko Nga'ayay Ratoh, ano kanga'ayanto, ano katatiihanto a romi'ad i, patnaken! Ka o tadakodaitay a faloco' a pasifana', po'lacen, pa'icelen, pasifana'en.

Pa'arawan 1:10

Yo ccay a pita'ongan to Tapang a romi'ad i, mapackil no Fangcalay 'Adingo kako. Matngil ako i aikor ako ko matiyaay o soni no la^pa a tata'angay a ngiha'.