Dmak 20:6 - 阿美語聖經-新約附詩篇箴言

⁶ Yo mahrekto ko Ka^caan Pipatamod to ^Pang a Lisin i, pakalonan kami nai Filipi. Lima a romi'ad ta tahira kami i Troas a malalitmoh ato cangra. Pito a romi'ad kami itira.

Dmak 20:6 Iomraidhean Croise

Dmak 12:3

Mahapinang ningra ko nika olah no kakrikridan no Yutaya a tamdaw tonini a dmak saka, halo ci Pitiro a rpeten ningra. (O Ka^caan Pipatamod to ^Pang a Lisin itiya.)

Dmak 16:10

Nama'araw ni Pawlo konini a mapolosi i, tangsol sato kami a mipatala to sakatayraaw i Makitoniya. Nawhani o nipitahidang no Kawas i tamiyanan konini a papipatnak to Nga'ayay Ratoh i cangraan saan ko faloco' niyam.

Dmak 16:12

Nanitira tayra kami i Filipi. Onini a niyaro' i, itira i saka ccay a kowan no Makitoniya hananay a pala. O nisaniyaro'an no Loma. I tini tonini a niyaro' kami to pinapina a romi'ad.

Dmak 16:8

Saka, taliyok sato cangra i Mysiya a tayra i Troas.

Dmak 20:16

To saka^caaw ka halafin ni Pawlo i Aciya saka, caay ko mamicafer kako i Ifiso saan ci Pawlo a mikton to faloco'. Nawhani makalah cingra to sakatayraaw i Yirusalim. Nanay matakop ako ko Pisalisinan to saka Lima a Polo' a romi'ad o sanay ningra. Saka, makalah ko rakat ningra.

Dmak 20:5

I 'ayaw cangra a lomowad. Tala han nangra kami i Troas.

Dmak 21:4

Matama niyam itira ko nisawawaan saka, itira sa kami to pito a romi'ad. Mapasowal no Fangcalay 'Adingo cangra saka, aka ka tayra i Yirusalim, han nangra ci Pawlo a milalang.

Dmak 21:8

Cila a romi'ad i, miliyas kami to i tiraay a tayra i Kaysariya. Tayra kami i loma' ni Filip hananay a patnakay, o ccay noya nipili'an i Yirusalim to citodongay to tayal a papitoay cingra. Itira kami a milafin.

Dmak 28:14

Ma'araw niyam itira ko salikaka. Papilafin cangra i tamiyanan to ccay a lipay. Mahaen ko nika tayra niyam i Loma.

Filipi 1:1

O koli ni Yis Kristo kako ci Pawlo aci Timoti. Patilid kami i tamowanan o malaccayay aci Yis Kristo a finawlan no Kawas ato kakrikridan ato mipadangay to kiwkay itira i Filipi.

1 Tisalonika 2:2

Mafana' kamo to nika pades niyam i 'ayaw a mapakangodo itira i Filipi. Ano iraira ko pacoliay i tamiyanan i, mapa'icel no Kawas kami. Saka, caay paska kami a pasowal i tamowanan to Nga'ayay Ratoh no Kawas.

2 Timoti 4:13

Ano tayni kiso i, hawikidento koya nisidayan ako a kafafang i ci Karpusan no Troas ato cudad ako. O kalimlaan ako i, oya rafir a cudad.