Dmak 2:47 - 阿美語聖經-新約附詩篇箴言

⁴⁷ Pahmek cangra to Kawas. Malarihaday cangra ato finawlan a ma^min. O romasato, tongalen no Tapang cangra to romi'ami'ad to mafohatay ko faloco' a nipa'oripan Ningra a tamdaw.

Dmak 2:47 Iomraidhean Croise

Luka 19:48

Nikawrira, awaay ko pakayraan nangra a mipatay ci Yisan, nawhani pasayra i ci Yisan ko faloco' no finawlan a ma^min a mitngil.

Luka 2:52

Macakat a macakat ko taneng ato nika lahad no tireng ni Yis. Matongal a matongal ko nika olah no Kawas ato tamdaw i Cingraan.

Dmak 11:21

Mapa'icel no Tapang cangra saka, 'aloman ko pasasiyoray to faloco' ta paso'lin to Tapang.

Dmak 11:24

O nga'ayay a tamdaw ci Parnapas, o matomesay no Fangcalay 'Adingo, o tanektekay a miti'eray. Saka, 'aloman ko paso'linay a tamdaw a mitoor to Tapang.

Dmak 13:48

Mitngil ko roma a finacadan tonini a sowal i, salipahak sa cangra a pahmek to sowal no Tapang. Saka, paso'lin a ma^min koya nipili'an no Kawas to mamilayalayap aca to mida'ocay a 'orip a tamdaw.

Dmak 14:1

Mahaenay haca ko dmak noya tatosaay i Ikonium. Micomod ci Pawlo aci Parnapas i kasa'opoan a loma' no Yutaya a tamdaw. Ci'icel ko pipasowal nangra. Saka, 'aloman ko malamitooray ci Kristoan a Yutaya a tamdaw ato roma a finacadan.

Dmak 14:21

Patnak cangra to Nga'ayay Ratoh itira toya niyaro'. Palanisawawaen nangra ko 'alomanay a tamdaw ta patiko cangra a tayra i Listra, i Ikonium, i Antiyok.

Dmak 16:5

Orasaka, mapa'icel ko piti'er no mitooray ci Kristoan a kasakiwkay. Matongal a matongal to romi'ami'ad ko nika 'aloman no tamdaw.

Dmak 17:12

Saka, 'aloman ko paso'linay nangra. 'Aloman ko paso'linay a Krisiya a fa'inayan ato tadamaanay a fafahiyan.

Dmak 2:39

Nawhani onini a nisowalan no Kawas i, o sapafli tamowanan ato wawawawa namo ato polong no i cowacowaay a tamdaw, oya nitahidangan no Tapang a Kawas ita a tamdamdaw to maloningra,>> han ningra.

Dmak 2:41

'Aloman ko mipaso'linay to sowal ni Pitiro. Ta mapaino' cangra. Saka, ma^deng tolo a patek (3,000) ko tamdaw to mitongalay a mikapot i cangraan toya romi'ad.

Dmak 4:21

Orasaka, mahrek a mipatalaw ko lomaocay i, tdal hanto nangra cangra. Nawhani, awaayto ko pakayrakayraan nangra a mitfoc i cangraan, pakayni tonini a dmak mipahmek to Kawas ko 'alomanay.

Dmak 4:33

Tadaci'icel ko pipawacay no tarokos to pakayniay i nika lomowad no Tapang ci Yis a ma'orip nai patay. Tadamapakalmed no Kawas cangra a ma^min.

Dmak 4:4

Nikawrira, o mitngilay to sowal no Kawas a tamdaw i, 'aloman a 'aloman ko paso'linay. Saka, sa'osi han ko polong no fa'inayan aca i, ma^deng lima a patek (5,000) ko tamdaw.

Dmak 6:1

Nanoya, matongal a matongal ko nika 'aloman no nisawawaan. Saka, ngaliwngiw ko misanoKrisiyaay to sowal a Yutaya a tamdaw to misanoHiprayay ko sowal a Yutaya a tamdaw. Nawhani malawa a mapakilac to romi'ami'ad ko maponengay nangra to malosaka'orip nangra.

Dmak 6:7

Orasaka, matnak a matnak ko sowal no Kawas. Sa'aloman sato ko nisawawaan i Yirusalim. Halo'alomanay a citodongay to ta'ong a paso'lin a mitoor ci Kristoan.

Dmak 9:31

Orasaka, sarihaday sato ko polong no kiwkay i Yutaya i Kalili ato Samariya a ma^min. Mita'ong cangra to Tapang, mapa'icel no Fangcalay 'Adingo. Satanektek sato cangra. Saka, matongal a matongal ko nika 'aloman no mitooray to romi'ami'ad.

Dmak 9:35

Ma'araw no i tiraay i Lita ato Saron a tamdamdaw ci Ayniyas i, sasiyor sato ko faloco' nangra a pasayra i Tapang.

Loma 14:18

Ano mahaen ko nika tayal no tamdaw i ci Kristoan i, o kaolahan no Kawas, malakahmekan no tamdamdaw cingra.

Loma 8:30

Oya nipalacidekan Ningra a tamdaw i, tahidangen Ningra. Oya nitahidangan Ningra a tamdaw i, sanga'en Ningra ko sakanga'ay noya tamdaw a malayap no Kawas. Oya nilayapan Ningra a tamdaw i, papikapoten Ningra i nika tadamaan Ningra.

Loma 9:27

O pilkal ni Isaya a pasowal to pakayniay i Israil i, <

1 Korinto 1:18

O sowal to pakayniay i nika patay ni Kristo i ciwcika i, o maapaay saan ko pinengneng no mamatkop a tamdaw. Nikawrira, o pinengneng ita o mamapa'orip a tamdaw i, o 'icel no Kawas konini saan.