Dmak 2:42 - 阿美語聖經-新約附詩篇箴言

⁴² Mararid cangra a mitngil to pipasifana' no tarokos. Sakapolongan sa ko tayal nangra. Malaccay ko tahka nangra. O romasato, malaccay cangra a mitolon.

Dmak 2:42 Iomraidhean Croise

Luka 24:30

Yo mikapot ci Yis i cangraan a mitahka i, tatoy sa ci Yis to ^pang. Kansiya sa to Kawas, ta pcih sa Cingra to ^pang a pafli i cangraan.

Luka 24:35

Pasowalen noya tatosaay cangra to nano dmak i lalan ato nika yo mipcih to ^pang i, mapalita nangra ko nika o Tapang korira saan.

Dmak 1:14

Ira a mikapot tonini a tamdaw ko papinapina a fafahiyan, o ina ni Yis ci Mariya ato salikaka ni Yis. Malaccay ko faloco' nangra a masarocod a mitolon.

Dmak 11:23

Yo tahira cingra i, mahapinang ningra ko pipalmed no Kawas i cangraan saka, salipahak sa cingra. <> han ningra cangra a pa'icel.

Dmak 14:22

Pa'icelen nangra ko faloco' no nisawawaan to sakararidaw nangra a miti'er to Kawas. Sowal sa, <> han nangra.

Dmak 2:46

To romi'ami'ad i, malaccay ko faloco' nangra a masa'opo i Fangcalay Pita'ongan. Mapolong cangra a komaen i loma' nangra. So'lin ko faloco' nangra a lipahak a komaen.

Dmak 20:11

Ta cakat sato cangra. Pcih sato cangra to ^pang a komaen. Tangasa i kata^ngadan ko nika halafin no caciyaw nangra ta liyas sato ci Pawlo.

Dmak 20:7

I kalafian to Pasla'an a Romi'ad masa'opo kami a mitahka. Itiya i, o lalomowad ci Pawlo to cila a romi'ad. Saka, salafii sa cingra a pakimad i 'alomanay.

Dmak 4:23

Yo matdalto koya tatosaay i, nokay sato cangra i kapot nangra a pakafana' to nano sowal no kakridan no citodongay to ta'ong ato kalas no niyaro'.

Dmak 4:31

Mahrek cangra a mitolon i, mangernger koya kasa'opoan nangra. Mapa'icel no Fangcalay 'Adingo cangra a ma^min. Saka, caayto paska cangra a pasowal to sowal no Kawas.

Dmak 6:4

Ta manga'ay kami a masarocod a mitolon a patnak to sowal no Kawas,>> han nangra.

Loma 12:12

Ka o pafaloco'an namo ko lalipahaken. Hadidien ko pades. Kararid a mitolon.

1 Korinto 10:21

Tona minanom kamo to takid no Tapang saka, caayto ka nga'ay kamo a minanom to takid no palafoay a kawas. Tona mikapot kamo i tahka no Tapang saka, caayto ka nga'ay kamo a mikapot i tahka no palafoay a kawas.

1 Korinto 11:2

O kakahmekan ako kamo, nawhani, mararid ko nipiharateng namo takowanan ato nika 'imer namo a mitoor to nipatorodan ako i tamowanan a limo'ot saka, mahmek kako i tamowanan.

1 Korinto 14:6

Orasaka, salikakaaw, ano tayra kako i tamowanan, ano dengan o nika somowal ako to no 'Adingoan a sowal, caay ka paini kako to nani Kawasay a nipa'arawan ato fana' ato pali'ayaway a sowal, ano ^ca i, o pakafana', o maan ko ^poc to saki tamowanan saw?

Kalatiya 1:6

O nano mikomi ni Kristo ko sakatahidang namo a mitoor Cingraan, safahka' sa kako to nika hatini namo a ranikay a miliyas ci Kristoan a pasayra i roma a ratoh.

Ifiso 2:20

Matiya o nipatirengan a loma' kamo i fafaed no nipatirengan no tarokos ato pali'ayaway to sowal no Kawas a paranaan. Ci Kristo Yis ko ta'enengan a fokloh nonini.

Ifiso 6:18

I tini i pitolon namo i, pilongoc to pipadama no Kawas. Ka o makriday no Fangcalay 'Adingo kamo a mararid a mitolon. Kapalal kamo a mihadidi a misa'icel a milongoc a mitolon to saki mitooray a ma^min.

Filipi 1:5

Nawhani nai satapangan no tayal ako i tamowanan tahanini ko nika dadama ita a patnak to Nga'ayay Ratoh.

Kolosay 1:23

Orasaka, satanekteken ko nipiti'er namo a pararid a mitoor. Yo mitngil kamo to Nga'ayay Ratoh i ti:yaho i, irato ko pafaloco'an namo. Aka sawaden konini. Mapatnakto anini konini a Nga'ayay Ratoh i polong no tamdamdaw. Kako ci Pawlo ko matayalay a patnak tonini.

Kolosay 4:2

Kararid a mitolon. Yo mitolon kamo i, kapalal ko faloco' namo a mikansiya i Kawas.

2 Timoti 3:14

Nikawrira, kararid kiso a ma'imer to ninanaman ato nipaso'linan iso a so'lin. Mafana' kiso to nika cima ko singsi iso.

Hipray 10:25

Aka ka matiya kita o romaroma a tamdaw a misawad to sa'opo no mitooray. O nika sasipa'icel ita ko nga'ay. Nawhani mahapinang namo ko nika ngatato no piliyawan no Tapang a tayni. Saka, tongalen tongalen ita ko nika sasipa'icel.

Hipray 10:39

Nikawrira, caay ko miliyasay kita to Kawas. Saka, caay ko mamatkop kita. O paso'linay kita to Kawas. Saka, o mapa'oripay kita.

1 Yohani 1:3

O sakapiparatoh niyam i tamowanan to nano ma'araway ato nano matngilay no niyam i, o sakalaccayaw ita. O nika laccay ita hananay i, o nika laccay ita ato Wama ato Wawa Ningra ci Yis Kristo.

1 Yohani 1:7

Nikawrira, ano matiya o nika i likat no Kawas ko nika i ta^ngaday ko dmak ita i, o malaccayay kita. Ta o rmes no Wawa Ningra ci Yis ko mikoracay titaanan a mipalasawad to polong no raraw ita.

1 Yohani 2:19

O caacaay aca ka o kapot niyam konini a tamdaw. Saka, miliyas cangra i tamiyanan. Ano o kapot niyam cangra i, kona mararid cangra a mikapot i tamiyanan. O piliyas nangra i, o pahapinangay to nika caay ko so'linay a kapot niyam cangra.

Yuta 1:20

Nikawrira, sa'icelen ko namo o kaolahan ako a salikaka a patanektek to fangcalay a piti'er namo to Kawas. Pakaynien i 'icel no Fangcalay 'Adingo ko nipitolon namo.