Dmak 2:4 - 阿美語聖經-新約附詩篇箴言

⁴ Saka, matomes no 'icel no Fangcalay 'Adingo cangra a ma^min. Pa'icelen no Fangcalay 'Adingo cangra a pakasomowal to sowal no roma a finacadan. Saka, somowal to cangra to sowal no roma a finacadan.

Dmak 2:4 Iomraidhean Croise

Matay 10:19

Ano mapatayra kamo i piliclican i, aka ka rawraw kamo to o maan ko sasowalen, ano^ca samaanen ko sapaca'of. Itiya i, o mamapafaloco' no Kawas kamo to malosasowalen.

Maroko 16:17

O mamapafli ko paso'linay a tamdaw to 'icel to sapidmak to kafahka'an. O ngangan Ako ko sapifahfah nangra to palafoay a pasadak nai tamdaw. O papasowal cangra to fa^lohay a no 'Adingoan a sowal.

Luka 1:15

O mamalatadamaanay a tamdaw cingra i ka'ayaw no Tapang. Caay ko kakomaen cingra to fadisoso' a ^pah ato ci'icelay a ^pah. Yo itiyadho no ina i, o tatangsolto a mapa'icel no Fangcalay 'Adingo cingra tangasa i nika to'as ningra.

Luka 1:41

Matngil ni Ilisapic ko licay ni Mariya i, satakotakod sa koya i tiyaday ningra a wawa. Mapa'icel no Fangcalay 'Adingo ci Ilisapic.

Luka 1:67

Mapackil no Fangcalay 'Adingo ci Cakariya o mama ningra. Saka, pali'ayaw sa cingra a somowal,

Luka 12:12

Nawhani o Fangcalay 'Adingo ko mamitoro' i tamowanan to malosasowalen namo itiya,>> han ni Yis.

Luka 21:15

Nawhani o papaflien Ako kamo to taneng a somowal to saka^caaw ka filo no 'ada namo a pacoli i tamowanan.

Luka 4:1

Itiyasato, mapa'icel no Fangcalay 'Adingo ci Yis. Liyas sato Cingra to Yortan a 'alo. Ta kriden no Fangcalay 'Adingo Cingra a patayra i kohkohan.

Yohani 14:26

Nikawrira, o papakafana' i tamowanan to polong no dmak koya a ocoren no Wama pakayni i ngangan Ako a Padamaay hananay a Fangcalay 'Adingo. Papiharatengen Ningra kamo to nano sowal Ako i tamowanan a ma^min.

Yohani 20:22

Mahrek ci Yis a somowal tonini i, clahad sa a somowal i cangraan, <

Dmak 1:5

O nanom ko sapaino' ni Yohani. Nikawrira, caayto ka pina ko romi'ad ta o Fangcalay 'Adingo ko sapaino' i tamowanan,>> han ni Yis.

Dmak 1:8

Nikawrira, ano ma^podto i tamowanan ko Fangcalay 'Adingo i, o caci'icel kamo. O papawacay kamo to pakayniay i Takowanan i tini i Yirusalim, i polong no Yutaya ato Samariya tangasa i tolas no hkal,>> han Ningra.

Dmak 10:46

Nawhani matngil nangra ko nika somowal nangra to no 'Adingoan a sowal ato nipipahmek nangra to Kawas. Saka, sowal sa ci Pitiro,

Dmak 10:47

<> saan.

Dmak 11:15

Saka, yo misatapangto kako a somowal i, matiya o nika ^pod no Fangcalay 'Adingo i titaanan i sa'ayaw ko nika ^pod no Fangcalay 'Adingo i cangraan.

Dmak 11:24

O nga'ayay a tamdaw ci Parnapas, o matomesay no Fangcalay 'Adingo, o tanektekay a miti'eray. Saka, 'aloman ko paso'linay a tamdaw a mitoor to Tapang.

Dmak 13:52

Matongal a matongal ko lipahak ato pipa'icel no Fangcalay 'Adingo to i Antiyokay a nisawawaan.

Dmak 13:9

Nikawrira, mapa'icel no Fangcalay 'Adingo ci Sawlo. O roma a ngangan ningra i, ci Pawlo. Pamotek han ni Pawlo ci Ilimas a minengneng.

Dmak 15:8

Matiya o nipipafli no mafana'ay to faloco' no tamdaw a Kawas to Fangcalay 'Adingo i titaanan ko nipipafli Ningra to Fangcalay 'Adingo i roma a finacadan a pahapinang to nipilayap Ningra i cangraan.

Dmak 19:6

Yo mikapa ci Pawlo i cangraan i, ma^pod i cangraan ko Fangcalay 'Adingo. Saka, pasowal cangra to no 'Adingoan a sowal. O romasato, pakimad cangra to sowal no Kawas.

Dmak 2:11

Ira i titaanan ko Yutaya a tamdaw ato micomoday to no Yutaya a pakayraan a roma a finacadan ato Kriti a tamdaw ato Arapiya a tamdaw. Matngil ita ko nika somowal nangra to sowal ita o paytmek a pasowal to tadamaanay a dmak no Kawas!>> saan.

Dmak 2:3

Itiya i, ira a ma'araw nangra ko matiyaay o kasasmasma no namal a malaklak a patfo i kahaccaccay nangra.

Dmak 4:31

Mahrek cangra a mitolon i, mangernger koya kasa'opoan nangra. Mapa'icel no Fangcalay 'Adingo cangra a ma^min. Saka, caayto paska cangra a pasowal to sowal no Kawas.

Dmak 4:8

Itiya i, mapa'icel no Fangcalay 'Adingo ci Pitiro saka, sowal sa i cangraan, <

Dmak 6:3

Saka, salikakaaw, pili'en ko papito namo to mapa'icelay no Fangcalay 'Adingo ato citanengay ato nga'ayay ko lihaf a tamdaw. Ta pakatayalen niyam cangra tonini a tayal.

Dmak 6:5

Mihai ko 'alomanay a ma^min tonini a sowal saka, pili'en nangra ko so'linay ko piti'er to Kawas ato mapa'icelay no Fangcalay 'Adingo a tamdaw ci Stifano. O romasato i, ci Filip aci Prokorus aci Nikanor aci Timon aci Parminas ato micomoday i ti:yaho to no Yutaya a pakayraan a roma a finacadan ci Nikolaus no Antiyok.

Dmak 6:8

Mapa'icel, mapakalmed no Kawas ci Stifano saka, tadamaan ko nidmakan ningra to kafahka'an a dmak a patiri' i ka'ayaw no tamdamdaw.

Dmak 7:55

Nikawrira, mapa'icel no Fangcalay 'Adingo ci Stifano, nengneng sa a pamotek to kakarayan i, ma'araw ningra ko 'dil no Kawas ato ma'araw haca ningra ko nika tomireng ni Yis i kawanan no Kawas.

Dmak 8:17

Kapa hanto noya tatosaay cangra i, malayapto nangra ko Fangcalay 'Adingo.

Dmak 9:17

Orasaka, tayra sato ci Ananiyas a micomod to kaitiraan ni Sawlo a loma', ta kapa han ningra ci Sawlo a somowal, <> han ningra.

Loma 15:13

Nanay o pafaloco'ay a Kawas ko palipahakay, parihadayay i tamowanan to nano piti'er namo ci Kristoan. Ta pakayni i 'icel no Fangcalay 'Adingo a tanektek ko faloco' namo a pasayra i kacifaloco'an.

1 Korinto 12:10

O roma a tamdaw i, mapafli no Fangcalay 'Adingo to 'icel a midmak to kafahka'an a dmak. O roma a tamdaw i, mapafli no Fangcalay 'Adingo to rocek to sakafana' a pakimad to sowal no Kawas. O roma a tamdaw i, mapafli no Fangcalay 'Adingo to 'icel to sakafana' a mihapinang to sakasasiroma no tayal no Fangcalay 'Adingo ato palafoay a kawas. O roma a tamdaw i, mapafli to 'icel to sakafana' a pasowal to no 'Adingoan a sowal. O roma a tamdaw i, mapafli to 'icel to sakafana' ningra a patalahkal to tatodong no 'Adingoan a sowal.

1 Korinto 13:1

Ano mafanafana' kako a somowal to sowal no kalotamdaw ato sowal no coyoh, ano caay ka ciolah kako to tamdaw i, malcad to kahadangan a soni no takingkingan ato soni no fodawan a simpar ko sowal ako.

1 Korinto 13:8

O tahada'ocay ko olah. O citolasay ko fana' a pakimad, ano hacowaay a romi'ad i, o mamalasawad ko rocek no tamdaw a somowal to no 'Adingoan a sowal. O mamalasawad ko fana' no tamdaw to maamaan.

1 Korinto 14:18

Miahowid kako to Kawas to nika ikaka namo ko nika adihay no nika somowal ako to no 'Adingoan a sowal.

1 Korinto 14:5

Talacowa mangalay kako to sakasomowalaw namo a ma^min to no 'Adingoan a sowal, nikawrira, mangalef ko nika ngalay ako to nika fana' namo a pakimad to sowal no Kawas. Nawhani ano caay falicen kona no 'Adingoan a sowal to sapa'icel to polong no kiwkay i, awaay ko ^poc to sowal ningra. O nipipakimad to sowal no Kawas ko kakalimlaan.

Ifiso 3:19

Nanay mafana' kamo to olah ni Kristo, oya mikikakaay to taneng ato fana' no tamdaw a olah, ta matomes no tadamaan no Kawas kamo.

Ifiso 5:18

Aka ka lasang no ^pah. Nawhani o mitfaday to 'orip namo konini. Ka o matomesay no Fangcalay 'Adingo kamo.

Ifiso 6:18

I tini i pitolon namo i, pilongoc to pipadama no Kawas. Ka o makriday no Fangcalay 'Adingo kamo a mararid a mitolon. Kapalal kamo a mihadidi a misa'icel a milongoc a mitolon to saki mitooray a ma^min.

1 Pitiro 1:12

Mapahapinang no Kawas i cangraan o iti:yaayho a pali'ayaway to sowal no Kawas ko nika caay ko saki cangraan ko tayal nangra. O saki tamowanan ko tayal nangra. Pakaynien no nai kakarayanay a Fangcalay 'Adingo i patnakay to Nga'ayay Ratoh ko nipipatngil i tamowanan tonini a dmak. Halocoyoh a mangalay a mihapinang tonini.

2 Pitiro 1:21

Nawhani caay ko nano nafaloco'an no tamdaw ko sakaira no nipali'ayawan a sowal. O mangiyangiay no Fangcalay 'Adingo ko faloco' no tamdaw a papipasowal to nai Kawasay a sowal.