Dmak 2:39 - 阿美語聖經-新約附詩篇箴言

³⁹ Nawhani onini a nisowalan no Kawas i, o sapafli tamowanan ato wawawawa namo ato polong no i cowacowaay a tamdaw, oya nitahidangan no Tapang a Kawas ita a tamdamdaw to maloningra,>> han ningra.

Dmak 2:39 Iomraidhean Croise

Dmak 10:45

Oya mihaklongay ci Pitiroan nai Yopa a mitooray ci Kristoan a Yutaya a tamdaw i, safahka' sa cangra to nika halo roma a finacadan a mapafli to Fangcalay 'Adingo.

Dmak 14:27

Yo tahira cangra i, sa'opoen nangra ko salikaka no i tiraay a kiwkay a mipakafana' i cangraan to pakayniay i nipikapot no Kawas cangraan a matayal ato nipifohat no Kawas to fawahan no pipaso'lin no roma a finacadan.

Dmak 15:14

Masahci ni Simon a pasowal ko pakayniay i limla no Kawas i 'ayaw to roma a finacadan. Pili'en Ningra cangra a palacidek to maloNingra.

Dmak 15:3

Saka, patono hanto no salikaka cangra. Pakayra cangra i Foinikiya ato Samariya a tayra. Caferen nangra ko i tiraay a paratoh to nika sasiyor no faloco' no roma a finacadan a pasayra i Kawas. Saka, salipahak sa ko salikaka a ma^min.

Dmak 15:8

Matiya o nipipafli no mafana'ay to faloco' no tamdaw a Kawas to Fangcalay 'Adingo i titaanan ko nipipafli Ningra to Fangcalay 'Adingo i roma a finacadan a pahapinang to nipilayap Ningra i cangraan.

Loma 11:29

Nawhani caay ka falic ko faloco' no Kawas to pakayniay i pipili' Ningra ato mikomi Ningra.

Loma 8:30

Oya nipalacidekan Ningra a tamdaw i, tahidangen Ningra. Oya nitahidangan Ningra a tamdaw i, sanga'en Ningra ko sakanga'ay noya tamdaw a malayap no Kawas. Oya nilayapan Ningra a tamdaw i, papikapoten Ningra i nika tadamaan Ningra.

Loma 9:24

Kita koya nipili'an no Kawas a tamdaw nai Yutaya a tamdaw, nai roma a finacadan to malofinawlan Ningra.

Loma 9:4

O finawlan no Kawas cangra o Israil, o wawa Ako kamo han no Kawas cangra. Pahapinangen no Kawas cangra to 'dil Ningra. Matatlek ko Kawas ato cangra. Paflien no Kawas cangra to Rikec ato lkakawa to sakafana' nangra a mita'ong to Kawas. Malayapto nangra ko niktonan no Kawas a sowal.

1 Korinto 7:14

Nawhani pakayni i nika raramod nangra a mapalmed no Kawas koya caay pipaso'lin ci Kristoan a fa'inay. Malcad tonini, pakayni i nika raramod no tatosa a mapalmed no Kawas ko caay pipaso'lin ci Kristoan a fafahi. Ano caay ka hatira i, matiya o caay ko mamalayap no Kawas ko wawa namo. Nikawrira, mapalmedto no Kawas i matini ko wawa namo.

Ifiso 1:18

Milongoc haca kako to Kawas a papifohat to mata no faloco' namo, to sakafana'aw namo, o maan ko lalayapen a pafaloco'an to pitahidang Ningra i tamowanan, ato tadakadofah ko nihaydaan Ningra a sapafli to finawlan Ningra a dafong.

Ifiso 2:12

Itiya i, awaay ko kihar namo ci Kristoan, masapapotalay no nipili'an no Kawas a finawlan kamo. Ano pakaynien i katatlekan ato niktonan no Kawas a sowal i, caay ka sa'osi kamo, awaay ko pafaloco'an i hkal, awaay ko Kawas.

Ifiso 4:4

Nawhani ccay ko tireng, ccay ko Fangcalay 'Adingo, ccay ko patosokan no pitahidang no Kawas tamowanan a pafaloco'.

2 Tisalonika 1:11

Onini ko sakararid niyam a mitolon to saki tamowanan. Yo mitolon kami to Kawas i, nanay matatodong i niharatengan no mitahidangay tamowanan a Kawas ita kamo. Nanay pakayni i 'icel Ningra a malahci Ningra a ma^min ko nilongocan namo to sakanga'ay no pinangan namo ato dmak no nipiti'er namo Cingraan.

2 Timoti 1:9

O nipa'oripan no Kawas kita a mitahidang a palafinawlan Ningra. Caay ko nano nga'ayay a dmak ita konini, o nano nafaloco'an no Kawas ato mikomi Ningra. Pakaynien no Kawas i ci Yis Kristoan i 'ayaw no nika sanga' no hkal ko pipafli i titaanan tonini a mikomi.

Hipray 3:1

Kamo o matahidangay no Kawas a mitooray ci Kristoan a salikaka, o haharatengen namo ci Yis. O niocoran no Kawas Cingra a malatarokos ato Sakakaay Citodongay to Ta'ong a mipatalahkal to piti'er ita.

Hipray 9:15

Orasaka, ci Kristo ko malapakayakayay to fa^lohay a katatlekan. Ta manga'ay ko nitahidangan no Kawas a tamdaw a milayap to nano nisowalan no Kawas a mida'ocay a sapalmed. O sakaira no katatlekan a dmak i, o nika patay no ccay a tamdaw. Ta pakayni i nika patay noya tamdaw ko sakatdal no raraw no makowanay no i 'ayaway a katatlekan.

1 Pitiro 5:10

I ikor no nika pades namo to pasamoay i, oya pafliay to polong no mikomi a Kawas, o mitahidangay a pakayni ci Kristo Yisan a malaccay a mida'oc a marihaked i ci'dilay a Kawas, o mamipalowad i tamowanan a pafli to 'icel ato tanoktokay a paranaan namo.

2 Pitiro 1:10

Orasaka, salikakaaw, sa'icelen a pahapinang i dmak namo ko nika o nitahidanganto, o nipili'anto no Kawas kamo. Nawhani ano haenen namo i, caay ko mamisawad kamo a mitoor.

2 Pitiro 1:3

O nano 'icel no Kawas ko saka mapafli i titaanan ko polong no sakanga'ay no 'orip ita a mitoor to Kawas. Mafana' kita tonini a mitahidangay titaanan a Kawas. Mangalay Cingra a papikapot titaanan i 'dil Ningra ato nika tadamaan Ningra.

Pa'arawan 17:14

O mamilood caira to Tofor a Siri, nikawrira, o mamalowid noya Tofor a Siri caira. Nawhani o Tapang no tapatapang, o Hongti no hongtingti Cingra. O nipili'an ato so'linay a mitooray i Cingraan a tamdamdaw i, o papakalowid ito,>> saan.

Pa'arawan 19:9

Sowal sa ko coyoh i takowanan, <> saan. Ta, <> saan cingra a patoor.