Dmak 19:8 - 阿美語聖經-新約附詩篇箴言

⁸ Nanoya, micomod i kasa'opoan a loma' no Yutaya a tamdaw ci Pawlo. Tolo a folad cingra a pakimad to sowal no Kawas itira. Caay paska cingra a pasowal to pakayniay i Kitakit no Kawas a malaliyaliyang ato Yutaya a tamdaw a misolot to faloco' nangra.

Dmak 19:8 Iomraidhean Croise

Dmak 1:3

I ikor no nika patay Ningra i, pakaynien Ningra i masamaamaanay a dmak ko nipipahapinang i cangraan to nika o ma'oripay Cingra. Spat a polo' ko romi'ad Ningra a misacnacna' a pa'araw i cangraan a pasowal to pakayniay i Kitakit no Kawas.

Dmak 13:14

Nikawrira, rakat sa cangra nai Pirka a tayra i niyaro' no Antiyok no Pisitiya a pala. Yo Pasla'an a Romi'ad i, micomod cangra i kasa'opoan a loma' no Yutaya a tamdaw a maro' itira.

Dmak 13:46

Nikawrira, caay paska ci Pawlo aci Parnapas a somowal. <

Dmak 14:1

Mahaenay haca ko dmak noya tatosaay i Ikonium. Micomod ci Pawlo aci Parnapas i kasa'opoan a loma' no Yutaya a tamdaw. Ci'icel ko pipasowal nangra. Saka, 'aloman ko malamitooray ci Kristoan a Yutaya a tamdaw ato roma a finacadan.

Dmak 17:17

Orasaka, malaliyaliyang ci Pawlo ato Yutaya a tamdaw ato mita'ongay to Kawas a roma a finacadan itira i kasa'opoan a loma' no Yutaya a tamdaw. O romasato, malaliyaliyang cingra ato malitmohay ningra a tamdaw to romi'ami'ad i pisalamaan no niyaro'.

Dmak 18:19

Yo tahira cangra i Ifiso i, siday han ni Pawlo ca Priskila aci Akuila itira. Ta micomod cingra i kasa'opoan a loma' no Yutaya a tamdaw a malaliyang ato Yutaya a tamdaw.

Dmak 18:26

Caay paska ci Apolos a pasowal a pakimad i kasa'opoan a loma' no Yutaya a tamdaw. Matngil ni Priskila aci Akuila konini i, tahidang han nangra cingra a mikrid a patayra i loma' nangra. Ta songila'en nangra a mipakafana' ci Apolos to so'linay a dmak no mitooray to Kawas.

Dmak 18:4

To paslasla'an a romi'ad i, malalicalicay ci Pawlo ato i tiraay a tamdaw i kasa'opoan a loma' no Yutaya a tamdaw. Soloten ni Pawlo ko faloco' no Yutaya ato Krisiya a tamdaw a papipaso'lin.

Dmak 19:10

Tosa a mihca a mararid konini a dmak ningra. Saka, matngil no i tiraay i Aciya a Yutaya ato Krisiya a tamdaw a ma^min ko sowal no Tapang.

Dmak 19:7

O polong nangra i, ma^deng tosa ko safaw cangra.

Dmak 19:9

Nikawrira, 'atkak ko faloco' no romaroma nangra a caay paso'lin. Lokesen nangra konini a pakayraan i ka'ayaw no finawlan. Saka, papihaklongen ni Pawlo i cingraan ko fa^lohay a nisawawaan a papiliyas toya kasa'opoan a loma'. Itira sato cingra i pakimadan ni Tiranus to romi'ami'ad a mikrid to kalalicalicay.

Dmak 20:31

Orasaka, kapalal kamo. Haratengen ko nika rarid ako a talalosa' a palimo'ot i tamowanan o kahaccaccay to dadaya to romi'ad to tolo a mihcaan.

Dmak 28:23

Orasaka, tatlek sato cangra to kasa'opoan a romi'ad. Ta tayra sa i pilafinan ni Pawlo ko 'alomanay a tamdaw. Nai dafak tangasa i dadaya ko nika rarid ningra a pakimad to pakayniay i ratoh no Kitakit no Kawas. Kidaten ningra ko Rikec ni Mosi ato nitilidan no pali'ayaway to sowal no Kawas a cudad a misahci a pasowal i cangraan to pakayniay i ci Yisan.

Yuta 1:3

Kaolahan ako a salikaka, nao misaharateratengay kako to sapatilidaw i tamowanan to pakayniay i nitinakoan ita a pipa'orip no Kawas titaanan. Nikawrira, o harateng ako i o tatangsolen a palimo'ot kamo, ta mararid kamo pa'ading toya kinaccay a masongila'ay a mipatorodan no Kawas a nipasifana'an i mitooray to pilood no piti'er.